Roomi 1:13 - Kafa Linguistics Project

¹³ Ta maneenaꞌote! Bare Aageteenaꞌo daggooch tunetoommon, ittoshi daggooch beeti asheenaꞌo wotta ta gommona Kiristoosin boonoshi danemmoyich, wodde wottoon ittoshi waan woya ta gaboon, tunebaani and beddaahaa womoyich hakkee ta qayon ittoshi ariyemmoyich shunnoye.

Roomi 1:13 ပူးပေါင်းရင်းမြစ်များ

Isiyaasi 27:6

Woyemmi yemeenooch, Yaaqobi mixochoommon cammon awuremmone; Israꞌeeli bungiree aafemmone; bi aafoo showoo bulliich ceennemmone.

Yowannisi 12:24

Iberoon ittoshich gettoye: Ikke teepphee aafe showooch hollaꞌa bi qitaan gaata, bi ikkeeti echemmine; tunetaa bi qitigaata, wodde aafoon aafemmine.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Yowannisi 4:36

Andolla qecciibeeto bi caajjee gatiyoon deqqii beetone; shookkechonaa qeccechona ikkooch tookkiree boonoshi emiremmoyich, qecciibeeto aafeti maayoon bulli yemeenee kashoyich kicii beetone.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

Mishiraachechinaꞌo 15:12

Ishin waayeti asheenaꞌo bulli cikkii qajjiyeete. Aree hillooch Yeeri boonoshi kishoona Aageteenaꞌo daggooch bi tuniiti worganikkiti malletoonaa gaakkechi shuunoonon Barnabaasinaa Phawuloosina getaa, ellee beeheete.

Mishiraachechinaꞌo 19:21

Ebi bulli tunetoyee gubb, Phawuloosi Makidoonee showoonaa Akaayee showoonon besheꞌi Yerusaalem hamoyich gabiye. “Arooch ta shaggetoyee gubb, Room wotta hamo taach qaawiihe” iye.

Mishiraachechinaꞌo 21:19

Phawuloosi boonoshin bi diggiitoyee gubb, bi shuuneti shuunoona Yeeri Aageteenaꞌo daggooch bi tuniiti mooyon yaaroona gettiye.

Mishiraachechinaꞌo 28:14

Aroochaa kittinneenaꞌona tookkaa danehon. Boonoshiyoo “Shabaatte qemi wottoon no waan kotebote” iꞌi noon qolleheete. Aroochee wotta Room hammehon.

Roomi 1:12

Ebiyoo Kiristoosi toommooch mulloon ta tooꞌiyoon beegiree ittoshi kupphemmoyich, wotta tawoo ittoshi mullee tooꞌiyoon beegiree ta kupphemmoyichiye.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 7:1

Ta maneenaꞌote! Sheeroon ariibeeti ittoshich gettoye: Asho kashoona bi beemmi yemeenee wottoyich baach sheeroo biin hajjoon ariyaachote?

1 Qorontoosi 1:10

Tunebaani ta maneenaꞌote! Ittoshi daggooch kupphe kaaro beemon ikkikke Qelooꞌi kechi asheenaꞌo waanee waayeto taane. Ebiyoo ittoshi daggoochee ikkoo “Ta Phawuloosicho taane” bi immona baroo “Ta Aphiloosicho taane” ii beeto bi tunoon, wotta ikkoo “Ta Keeficho taane” bi immona baroo “Ta Kiristoosicho taane” ii beeto bi tunooniye. Ebich ta maneenaꞌote! Ittoshi bulli ikke yibbaatoon ittoshi yibbaatemmoyich, no Doono Yesuus Kiristoosichi shigoona ittoshin qollehoye; ikke mulloonaa ikke gaboona ikkottebotalli, kaareꞌi baribara guupheyoo ittoshi daggooch beeyaaye.

1 Qorontoosi 10:1

Ta maneenaꞌote! Ebin ittoshi tuushoon shunaache. No qaabbechinaꞌo bulli quboona yiireebee Ceelle baharee aacon kimmiyeete.

1 Qorontoosi 12:1

Illa ta maneenaꞌote! Yaafe Ayaano immiibeeti wojjoon ittoshi ariyemmoyich qaawaabeeto taane.

1 Qorontoosi 14:20

Ta maneenaꞌote! Gonde mooyoyich nallefoon tunebotalli, gabee shappoona gaggereyaahote; gaboona dicciti ashoon tunebote.

1 Qorontoosi 14:26

Illa ta maneenaꞌote! Ikkooch ittoshi kiceehooba, ikkoo shoddehe; baroo wotta dojjiye; baroo Yeeri biich bekkiiti mooyon gettiye; baroo baribare noonoona yibbaatehe; baroo baribare noonoona yibbaateeton biichii wokkeelliye. Eboshi bulli kittinneenaꞌon eenniyoyich gaaccemminaꞌo tunebeete.

1 Qorontoosi 9:2

Bareenaꞌoyich mishiraachecho tuno ta qayigaatoona, amolla bi tunetaa ittoshich mishiraachecho taane. Ittoshi qelloona, Doonona tunaꞌa mishiraachecho ta tunee maatemo ittoshine.

2 Qorontoosi 1:8

No maneenaꞌote! Isiyee showooch no beehooba, no toommooch shaggiti iritoon ittoshi ariyemmoyich qaawaabeeto noone. Ebi no toommooch shaggiti iritoo no hakkoyee beshii bi getaa, “Illa wodaachone” iyaꞌa qitoyich no kuxxemmi wottooniye noon bi maggeto.

2 Qorontoosi 2:14

Yeerich galleto bede; gondoochi giidoon kochii wochiꞌi Kiristoosina keccetinaꞌochoommon bulli aaboon noon yaabii beetone; Kiristoosin ariyee cinno bulli xaaꞌooch bi beddemmoyich noonna shuunee beetone.

Galaati 3:15

Ta maneenaꞌote! Ashi doyee yibbaatoommon ishichiyoye; ashi wogolla bi tunetaa manjito bi tunegaata, koniyoona bayon woyee bare qaaroon daakkoon hakkaache.

Galaati 6:18

Ta maneenaꞌote! No Doono Yesuus Kiristoosichi wojjoo ittoshina tookki tunebe. Ameena.

Filipphisiyoosi 1:22

Tunebaani meenona ta beegaata, aafechi shuunoon daakkiree shuunoon ta hakkemmoyichiye; tunetaa aabi gaaweto gaata taach bekkeyaanoone.

Filipphisiyoosi 4:17

Ta ishichaabeeto, ittoshi deꞌittinoyich gaacoon ittoshi danemmoyich qaawoonalli, ittoshi gijjee wojjoon qaawoona toonoone.

Qolaasiyaasi 1:10

Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

Qolaasiyaasi 1:6

Ebi mishiraachoo ittoshi waan shagaa, Yeerichi wojjee iberoon waayeꞌi gaawichii ittoshi ariiti aaboochee tiijjiꞌi ittoshi daggooch bi tuniitoommon, wotta ebiyoommon alemo bulliich aafoon aafee beetone; gaminniinoo beetone.

1 Tasaloonqi 2:18

Ittoshi waan womoyich qaawito noone. Phawuloosi ta, ta qelloona womoyich gutte keejje wottoon qiicceto taane; tunebaani Sheexaanoo gommon hicciye.

1 Tasaloonqi 4:13

Andoo no maneenaꞌote! Gibenaalli bare asheenaꞌochoommon ittoshi ayinaachemmoyich, qititi asheenaꞌochon ittoshi ariyemmoyich shunnoye.

2 Tasaloonqi 2:7

Tunebaani ebi aashoona shuuneebeeti hukkee shuunoo and shuunee beetone; xalla bi shuneyaachemmoyich bajjii beeton Yeeri wokkiimmi wottoon ebi are mooyo tuneyaachemmone.

2 Ximootiyoosi 4:17

Tunebaani mishiraachee qaaroon bechee shuunoo taanna bi ceennemmonaa Aageteenaꞌo bulli waayemmonoyich, Doono Yesuusi ta gaꞌooch neexeꞌi taan kupphiihe; daaheree gammoocheenoo taan wodiihe.