Roomi 1:1 - Kafa Linguistics Project

^1-2 Keemechinaꞌochi noonoona Yaafe Macaafooch shiichiꞌi gibenikkiti Yeerichi mishiraachee qaaroyich baraꞌa kaacheto, mishiraachecho tunoyich ceekketo, Yesuus Kiristoosichi guuno Phawuloosi taane.

Roomi 1:1 ပူးပေါင်းရင်းမြစ်များ

1 Kiinoo 23:13

Amiraami anaami bushiisheenaꞌo: Harooninaa Muusinane. Harooninaa bi yareenaꞌona bulli yemeenooch yaafee kechi qiicoon yaafoyich, Doono Yeeri aafooch ixaanoon shoohoyich, bi aafoochaa maddoonaa bi shigoona bulli yemeenoon asheenaꞌon diiroonoyich bariyeete.

Isiyaasi 49:1

Baharee gasheexi buure showooch beetinaꞌote, ta waanee ellebote; wohi showooch beeti aageteenaꞌote, waayebote: Doono Yeeri, ta shiijjeyaan beetaa, taan ceeggiye; ta indee maacooch ta beetaa, taach shigoon shigiihe.

Erimiyaasi 1:5

“Ne indee maacooch neen ta halloyee shiichaa neen ariito taane; ne shiijjoyee shiichaa neen yaafito taane; aageteenaꞌoyich keemecho neen tuniito taane” iye.

Maariqoosi 1:14

Yowannisi yeshaa cucheetoyee gubb, Yesuusi Yeerichi mishiraachee qaaroon gettiibee, “Yemeeno katinnitone; Yeerichi taatittine ittoshi kellooch shaggetine; ebich ittoshi axaaxee gommoochee Yeer waan wotteree, Yeerichi wocho tuneti mishiraachee qaaroon iberiibote” iibee Galiilee showooch waahe.

Yowannisi 12:26

Taach maddoon qaawiibeeto, taan dabbibe; ta beetooch hini are ta maddecho wotta beeyemmone; taach maddee beetoyich Nihoo Yeeri oogoon immemmone” iye.

Yowannisi 15:15

Guuno bi doono tuniiya gabiton ariyaanoone; ebich ebiyee damba ittoshin guuno getaache. Tunetaa ittoshin ‘Ta shunechinaꞌo’ ito taane; ta Nihoo waanee ta waayeto bullinoo ittoshich getteto taane.

Yowannisi 15:20

‘Guuno bi doonoyee beshaanoone’ iyaꞌa ittoshich ta getteton batteyaahote. Taan boonoshi duꞌiigaata, ittoshin wotta duꞌiyemminaꞌone. Ta getteti qaaroon boonoshi ceechigaata, ittoshi gettemmi qaaroon wotta ceechemminaꞌone.

Mishiraachechinaꞌo 13:9

Phawuloosi getteebeeti Sawuli Yaafe Ayaanoona ceenniꞌi manjii biin ciinniꞌi,

Mishiraachechinaꞌo 20:24

Tunebaani ta wocon ciichoonaa Doono Yesuus Kiristoosi ‘Yeerichi wojjee mishiraachee qaareechon miixebe’ iꞌi taach bi immiti shuunoon ciichoonon ta qaawaa beetoyich, ta kashoon cir aaxxiyaache.

Mishiraachechinaꞌo 21:40

Hume ginee iraashoo daaggaa, Phawuloosi boonoshi kaambooch kichiibeeti daqqooch kechii neexeechii, kishee malletoona asheenaꞌon ellebote iye. Asheenaꞌo shashewimiꞌi elleheete. Aroo Hibiree noonoona ishichiꞌi yibbaatehe:

Mishiraachechinaꞌo 22:21

“Biyoo wochiꞌi, ‘Wohooch beeti Aageteenaꞌo waan neen wochemmo taane; ebich tiyiree hambe’ iꞌi gettiye” iye.

Mishiraachechinaꞌo 22:7

Bekkech showooch dihaachaa, ‘Sawulo, Sawulo! Taan ne duꞌiibeeto amoyichiye?’ ii beeti qaaroon waayeho.

Mishiraachechinaꞌo 26:1

Taatoo Agripphi Phawuloosin “Neech beeti mooyon geton hakkihine” iye. Aroochee Phawuloosi bi kishoon yaggiꞌi ishichiye:

Mishiraachechinaꞌo 26:14

Areegaata no bulli showooch dihaꞌa no beetaa, Hibiree noonoona ‘Sawulo, Sawulo! Taan ne duꞌiibeeto amoyichiye? Guxechi gumboon ne qafo neech beshe iritoon deebemmone’ immi qaaroon waayeho.

Mishiraachechinaꞌo 27:23

Ishichii ta beeto, biicho ta tuneti, biichoo ta maddaabeeti Yeeri deejjiti maraakoo yiichi xum ta gaꞌooch neexeꞌi,

Mishiraachechinaꞌo 9:15

Tunetaa Doono Yesuusi wochiꞌi, “Hini uro meeti Aageteenaꞌoyich, taateenaꞌoyich, Israꞌeeleenaꞌoyichoo ta shigoon bi arichiyemmoyich taach ta kaacceti qiicoone. Ebich bi waan hambe;

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 1:5

Aageteenaꞌo bulli daggoochee boonoshi mulloon Kiristoosi toommooch tooꞌiiree biich deꞌa gettemminaꞌo danemmoyich, Yeeri Kiristoos waanaa mishiraachecho tuneree Kiristoosicha getiree ta shuunemmoyich, wojjoon taach immiye.

Roomi 1:9

Ta corootaabeeti aabo bullin kuxaanoon ittoshichon Yeerich shalligichaabeeto taane; bi Bushoochi mishiraachee qaaroon getona ceeni mulloona ta maddaabeeti Yeeri ta miixoone.

Roomi 11:13

Andoo Aageteenaꞌo tuneti ittoshich ishichiyo: Aageteenaꞌoyich mishiraachecho ta tunoon beshaa beshe maddoon tuniiꞌa ciinnoye.

Roomi 15:16

Yeeri ebi wojjoon taach bi immito Aageteenaꞌoyich Kiristoos Yesuusichi maddecho ta tunemmoyichiye. Aageteenaꞌo Yaafe Ayaanoona yaafeeree Yeerina shucheti deejjoommon boonoshi tunemmoyich, Yeer waanee taach icheti mishiraachee qaaroon gettaabee qeeshoochoommon maddaabeeto taane.

Roomi 15:29

Ittoshi waan waaree Kiristoos waanee daneebeeti ceeni wojjoon ittoshich qoodemmo ta tunoon ariibeeto taane.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

1 Qorontoosi 1:1

Kiristoos Yesuusichi mishiraachecho tunoyich Yeerichi daaggoona ceekketi Phawuloosinaa no manoo Sostenoosina waanee,

1 Qorontoosi 9:1

Konichona hajjeyaani xalle asho toono taane? Mishiraachecho toono taane? No Doono Yesuusin ta hajjee aafoona beegaano taane? Ittoshi wotta Doono Yesuusi taanna bi shuuneti shuunee aafo ittoshi toone?

2 Qorontoosi 1:1

Yeerichi daaggoona Kiristoos Yesuusichi mishiraachecho tuneti Phawuloosinaa no manoo Ximootiyoosina waanee, Qorontoosi kittinnee guuphonaa Akaayee showoo bulliich beeti yaafeenaꞌonoyich:

2 Qorontoosi 11:5

Ta gaboochaa, ebi “Aricheti mishiraachechinaꞌo” gettee beetinaꞌoyee ikke mooyonolla shappaache.

2 Qorontoosi 11:7

Yeerichi mishiraachee qaaroon shumaayaallo ta getona, ittoshin oogiyoyich ta qelloon ta giishiyoona, axaaxoon shuune beeyehote?

2 Qorontoosi 12:11

Tuushoochoommon getteto taane; ebin ta gettemmoyich tuniito ittoshine; taan naada bedo ittoshine; koni ta gaata aricheyaani asho ta tunetaanoona, arichetinaꞌo getteeti mishiraachechinaꞌoyee amoonolla shappaache.

2 Qorontoosi 2:12

Kiristoosichi mishiraachee qaaroon getoyich Xiroꞌadi katemooch ta shaggehooba, biich ta shuunemmoyich Doono Yesuusi kelloon qechiteenona,

2 Qorontoosi 4:5

No awaajjaabeeto Yesuus Kiristoosi Doono bi tunoonalli, no qelloon toonoone; Yesuusicha iyaꞌa no qelloon ittoshich guunon tuniihone.

Galaati 1:1

Ashi waanee woyee asho koninolla tuneyaanoon Yesuus Kiristoosinaa qitoochee biin tiijjiti Nihoo Yeerina kaacheti Phawuloosi waanee,

Efesooni 1:1

Yeerichi daaggoona Kiristoos Yesuusichi mishiraachecho tuneti Phawuloosi waanee, Kiristoos Yesuusina gibeneetinaꞌo tuneti Efesoon beeti yaafeenaꞌoyich:

Efesooni 1:13

Ittoshiyoo wotta iberee qaaroon, ebiyoo ittoshi woditi mishiraachee qaaroon, waayeꞌi ittoshi mulloon Kiristoosi toommooch ittoshi tooꞌiitaa, Yeeri bi gibenikkiti Yaafe Ayaanoona biicho ittoshi tunee xiishee maatemoon ittoshi toommooch geddiye.

Efesooni 4:11

Aroo ikkikkeenaꞌo mishiraachechinaꞌo, bareenaꞌo keemechinaꞌo, bareenaꞌo mishiraachee qaaree gettechinaꞌo, bareenaꞌoo qiddeenaꞌonaa dojjechinaꞌona boonoshi tunemmoyich asheenaꞌoyich wojjoon immiye.

Yibbaatoo 10:8

Muusi daakkiꞌi ishichiye: “Arooba Doono Yeeri bi wogee taabootoon boonoshi shaaggemmoyich, bi aafooch neexeree boonoshi maddemmonaa bi shigoona boonoshi diiremmonoyich, Lewi yoodoon bariihe. Ebinoo hanaach beddaahaa tunii beetinaꞌone.

Filipphisiyoosi 1:1

Kiristoos Yesuusichi guuninaꞌo tuneti Phawuloosinaa Ximootiyoosina waanee, Filipphisiyoos beeti, kittinnee guuphon yaabii qeejjiibeeti geeneenaꞌonaa daaquuneenaꞌona tookkii, Kiristoos Yesuusina yaafeenaꞌo tunetinaꞌo bullich:

Filipphisiyoosi 2:11

heciyoo bulli Nihoo Yeerin oogiyoyich Yesuus Kiristoosi Doono bi tunoon bi miixemmonoyichiye.

Qolaasiyaasi 1:1

Yeerichi daaggoona Kiristoos Yesuusichi mishiraachechi Phawuloosinaa no manoo Ximootiyoosina waanee,

Qolaasiyaasi 1:25

Yeeri taan bi ceeggitoommon ittoshicha getaa taach icheti shuunoommon, ceeni bi qaaroon ta gettemmoyich kittinnee guuphi maddechon tunehoye.

1 Tasaloonqi 2:2

Ittoshi waan no womoyee shiichaꞌa Filipphisiyoosaa wodde xuuxoon no beegonaa no naakkeyoonon ariibeeto ittoshine; kupphe qiicco no toommooch bi shaggitaanona, Yeeri immiti mishiraachoon ittoshich no gettemmoyich no Nuggishoo no waanee shaton bi wokkiitaa aafoon kuppheto noone.

1 Tasaloonqi 2:8

Ebiyoommon ittoshin oogichaa no shunnetoyich, Yeerichi mishiraachee qaaroon geto ikkeeto baach tuneyaanoon, no hajjee kashoonolla wotta ittoshich no qoodemmoyich mulloochee tiijjaꞌa daaggito noone; nooch oogichii shucheto tuneꞌi bekketo ittoshine.

1 Tasaloonqi 2:9

No maneenaꞌote! No aayonaa no yulloona ittoshich batteyaanoone; ikke amee mooyonona ittoshi toommooch shaagoon tuneyaanoon, xumoonaa areddoonon shuunaabee Yeerichi mishiraachee qaaroon ittoshich gettehone.

1 Ximootiyoosi 1:1

Noon Wodiyechi Yeerinaa no gibeno tuneti Kiristoos Yesuusina wocheeti, Kiristoos Yesuusichi mishiraachechi Phawuloosi waanee,

1 Ximootiyoosi 2:7

Ebi mooyo asho bullich bi getteyemmoyich, ceegee bechechonaa mishiraachechona, Aageteenaꞌoyichoo Kiristoos Yesuusi toommooch mullee tooꞌiyoonaa iberoonon xiishiibeeti dojjechoo ta tunemmoyich, Kiristoos Yesuusi taan kaaccii neechiye. Ebi ta gettaabeeto, iberoani kooto toonoone.

2 Ximootiyoosi 1:11

Ebichoo ceegee bechecho, mishiraachechonaa Yeerichi qaaree dojjechona ta tunemmoyich Yeeri taan kaaccitone.

Titoosi 1:1

Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee:

Hibireena'o 5:4

Haroonin qeeshee guudo bi tunemmoyich kaaccito, Yeerine; Yeeri kaaccitoyee beshetaa, koniyoona qeeshee guudoon tunee oogoon bi qellich qaawi danemmo aalloone.

Hibireena'o 7:26

Yaafoo, bachaallo, muricaallo, axaaxechinaꞌoyee barito, shimaayoyee damba kechito, ebiyoommi qeeshee guudo nooch qaawiihe.

Yaaqobi 1:1

Yeerinaa Doono Yesuus Kiristoosinochi guuno tuneti Yaaqobi waanee, Showee toommooch shaceꞌi beeti, aaraa gutte yoodeenaꞌoyich: Diggoo ittoshich tunebe.

1 Pheexiroosi 4:17

Yeeri nallemmi aabo shaggitone; shiichiree bi kechi asheenaꞌo toommooch nallemmone. Shiichiree no toommooch nallemmo bi tunegaata, Yeerichi mishiraachee qaaroyich deꞌa getaani asheenaꞌochi ciiro amoon tunehe?

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich:

Yaaꞌoo 1:1

Yesuus Kiristoosi katinoon tunemmi mooyon Yeerichi maddechinaꞌoyich bi bekkiyemmoyich Yeeri biich bi immiti yaaꞌoo hinine. Yesuusiyoo bi maraakoon wocheꞌi, bi maddechi Yowannisich bekkiihe.

Yaaꞌoo 22:6

Ebi are maraakoo taach “Neech getteeti mooyinaꞌo gibeneetinaꞌonaa ibereenaꞌonane; bi Ayaanoon bi keemechinaꞌoyich immiti Doono Yeeri katini aabee daggooch tunemmi mooyon bi maddechinaꞌoyich bekkiiya iꞌi bi maraakoon wochee deejjiye” iye.

Yaaꞌoo 22:9

Tunebaani aroo “Neen ariibe! Eechiyaahine! Neechoommon, keemechi ne maneenaꞌochoommon, hini macaafooch kooreeton quyee beetinaꞌochoommonoo Yeerichi guuno taane; Yeerich baachiye ne goyinnemmo!” iye.