Qolaasiyaasi 4:6 - Kafa Linguistics Project

⁶ Boonoshi ikkikkoyich aabichiree tatoona ittoshi wochemmo gaata ittoshi ariyemmoyich, ittoshi yibbaatoo bulli aaboon kiihochoommon nooccii beetonaa emirikkii beetona tunebe.

Qolaasiyaasi 4:6 ပူးပေါင်းရင်းမြစ်များ

1 Kiinoo 16:24

Bi oogoon aagetoo bullich awaajjibote; worganikkiti bi shuuneenaꞌonoo asheenaꞌo bullich getote.

Shoddo 105:2

Biich shoddebote; galletee shoddoon biich shoddebote; gaakkechi bi shuunoo bullinoo getote.

Shoddo 119:13

Ne noonoochee kechimmi geto bullin, ta noonoona awaajjemmo taane.

Shoddo 119:46

Ne geteenaꞌona yeelleyaachemmo taane; taateenaꞌo aafoochaanoo gettemmo taane.

Shoddo 45:2

Ne, ashoyee beshe malletecho neene; ne noonoochee shaawi yibbaatoo kechiye; ebich Yeeri bulli yemeenoon neen diiritone.

Shoddo 66:16

Yeerin shattii beetinaꞌote, ittoshi bulli waaree waayebote; Yeeri taach tuniiton gettemmo taane.

Shaahiyoo 10:21

Cadiqe ashi noonoo meeti ashich gaacciye; tunebaani tuusheenaꞌo gabee muccoona qitemminaꞌone.

Shaahiyoo 15:4

Wodiyechi heciyoo kashoon daniihe; tunebaani xumme heciyoo qiimittoon wuxiye.

Shaahiyoo 15:7

Mullecho ariyoon gamichiye; tunebaani mullaallo ebiyoommon tuniyaache.

Dojjecho 10:12

Mullechochi noonoochee kechiibeeti qaaro biin oogiihe; tunebaani mullaalloochi noonoochee kechiibeeti qaaro biin aalliihe.

Hiziqeeli 43:24

Doono Yeeri aafooch giddiyemmo neene; qeesheenaꞌoo arooch kiihon shishikkemminaꞌone; micciibeeti deejjoon tuniiree Doono Yeerich giddiyemminaꞌone.

Leweenaꞌo 2:13

Ne giddiibeeti maayi buuro bulliich kiihon geddemmo neene. Kiiho Doono Yeeri taanna tookkii ne giyeti wogoon shalligichiibeeto bi tunetoyich, taach ne giddiibeeti buuro kiikkaallo tunaaye. Ne giddiibeeti buuro bulliich kiihon gede’ iye.

Maatiyoosi 5:13

“Showee toommooch beeti asheenaꞌo bullich ittoshi kiihoommo ittoshine. Tunebaani kiiho noocon bi qayigaata, amoona noociyeheete? Maaxooch kichi boonoshi dufaa, baatoona neecheyehalli, gubbich amoonolla gaacaache.

Maariqoosi 9:50

“Kiiho gaawetone; tunebaani kiiho noocon bi qayigaata, are kiihon amoona noociiyehote? Illa ittoshi kiihochoommon nooco tunebote; ittoshinaa ittoshina shuneree beebote” iye.

Luqaasi 4:22

Asheenaꞌo bulli “Bi gettito iberoone” ii beeheete. Bi noonoochee kechiibeeti yibbaatee shaawon worganeꞌi, “Hini uro Yooseefichi bushoo toone?” iyeete.

Efesooni 4:29

Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

Yibbaatoo 11:19

Ittoshi bushiishoyichoo dojjibote. Kexooch ne kotaa beegaata, gommona ne hammaa beegaata, ne qeyaa beegaata, ne tiyaa beegaatoo ne noonoochee kuxaanoon gete.

Qolaasiyaasi 3:16

Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

1 Pheexiroosi 3:15

Tunebaani ittoshi mulloona Kiristoosi Doono bi tunoon shalligibee biich goyinnebote. “Gubbich ittoshich beeti gibeno amoone?” iꞌi ittoshin echemminaꞌochi echoon ittoshi wochemmoyich, bulli aaboon qanniton tunebote.