Qolaasiyaasi 4:3 - Kafa Linguistics Project

³ Yeerichi qaaroon ta getti naboonane and cuyee kexooch cuchaꞌa ta beeto; ebich ittoshi corootii beegaata, Kiristoosichi qaaree maacee mooyon gaxxi no gettemmi bi qaaree kelloon Yeeri qechemmoyich, noochoo corootibote.

Qolaasiyaasi 4:3 ပူးပေါင်းရင်းမြစ်များ

Maatiyoosi 13:11

Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Mishiraachechinaꞌo 14:27

Boonoshi shaggitoyee gubb, kittinnee guuphi asheenaꞌon kiciꞌi, Yeeri boonoshina tookkii tuneꞌi bi tuniito bullin, Aageteenaꞌo Yesuusi toommooch mulloon tooꞌiyemmoyich kellee bi qechoonoo boonoshich gettiyeete.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

1 Qorontoosi 16:9

Ta yagemmo, mashaamiti shuunoon ta shuunemmoyich gamini kelloon Yeeri taach qechitoyichiye; wotta taach tollo tuneti meeti asheenaꞌo beetinaꞌone.

1 Qorontoosi 4:1

Kiristoosichi maddechonaa Yeerichi maacee mooyon gaxxaꞌa gettaa bechaabeeti bi yakkirechona no tunoon asho bulli gabibe.

2 Qorontoosi 2:12

Kiristoosichi mishiraachee qaaroon getoyich Xiroꞌadi katemooch ta shaggehooba, biich ta shuunemmoyich Doono Yesuusi kelloon qechiteenona,

Efesooni 3:1

Ebich ta Phawuloosi, Kiristoos Yesuusicho ta tunetoyich ta cucheto Aageteenaꞌo ittoshicha iiniye.

Efesooni 3:3

Shiichaꞌa ebi mooyichon qaminona ta kooritoommon, Yeeri aricheyaani mooyon gaxxiꞌi taach bekkiihe.

Efesooni 3:4

Ebinoo ittoshi shemmegaata aaf aricheyaani, and Kiristoosi ceechiti, Yeerichi gaboon aabichaꞌa ta shalligaabeeto gaata ariyoon hakkiyote.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Filipphisiyoosi 1:19

Ebiyoo taach Yeerin ittoshi qolletaa, Yesuus Kiristoosichi Ayaanoo taan gaachetaa, taach wodoo bi tunemmon ta ariitoyichiye.

Filipphisiyoosi 1:7

And cuyee kexooch cuchaꞌa ta beetaa, wotta mishiraachee qaaree iberoyich taggaa, aroonoo manjii ta beetaa, ittoshi bulli ebi shuunoyich taanna tookkii Yeerichi wojjee qoodeyecho ittoshi tunetoyich ta mulloochee batteyaachote. Ebichoo ebi ittoshi bullichon ta gaboo tatoone.

Qolaasiyaasi 1:26

Hini qaaro wonnee yemeenoochee tiijjiꞌi shiijjereenaꞌo bullich aacheeti maacee mooyone; tunebaani and ebi are maacee mooyo yaafeenaꞌoyich gaxxeetone.

Qolaasiyaasi 4:18

Ta, Phawuloosi ta hajjee kishoona ta kooriti diggiyo hinine; cuyee kexooch cuchaꞌa ta beemon batteyaahote. Yeerichi wojjoo ittoshina tookki tunebe.

1 Tasaloonqi 5:25

No maneenaꞌote! Nooch [wotta] corootibote.

2 Ximootiyoosi 1:16

Doono Yesuusi Honesifoori kechi asheenaꞌoyich deꞌoon wojjibe. Bi, meeti aaboonoo taan kupphiitone; ta cuchoyichoo yeelleyaanoone.

2 Ximootiyoosi 2:9

Hini mishiraachee qaaroon ashich ta gettetoyich gondoon shuunetochoommon ta cuchemmi wottoon xuuxoon beeggaabeeto taane; tunebaani Yeerichi qaaro cucheyaachemmone.

2 Ximootiyoosi 4:2

Yeerichi qaaroon awaajjibe; yemeeno mashaamitaa, mashaamoo bi qajjitaa, kuppheree ebin tuniibe; ittibatebee, kaare ciicibeeshoo, oogeti haaꞌiyoona dojjibe.

Filimooni 1:22

Ebichi toommooch ta daakkemmo wotta ta kashemmi kexonoo taach qanniibe; Yeeri ittoshi qolleti qolloon waayeree ittoshi waan taan wochi daachiyemmo bi tunoon gibenaabeeto taane.