Qolaasiyaasi 4:10 - Kafa Linguistics Project

^10-11 Barnabaasichi niheeshoo bushoo Maariqoosi, Yusxoosi getteeti Yaasi, taanna tookkii cucheti Arsixirokoosi, eboshi bulli ittoshin diggiitinaꞌone. “Maariqoosi ittoshi waan bi waagaata, iibbiibote” ii beeti wocho ittoshich shaggitone. Ayihudeenaꞌo daggoochee Yeerichi taatittino gaminnemmoyich taanna tookkii shuunee beetinaꞌo eboshi baachiye; taanoo goggiitinaꞌone.

Qolaasiyaasi 4:10 ပူးပေါင်းရင်းမြစ်များ

Mishiraachechinaꞌo 12:12

Pheexiroosi bi mullo yeshaa, meeti asheenaꞌo kiceeꞌi, Yeerin boonoshi qolleebeeti, Maariyami kexooch hammiye; hini are Maariyamiyoo Maariqoosi getteebeeti Yowannisi indeene.

Mishiraachechinaꞌo 12:25

Barnabaasinaa Sawulina boonoshi wocheeton bechiꞌi, Yerusaalemee Antsooka Maariqoosi getteebeeti Yowannisin yechiꞌi wotteheete.

Mishiraachechinaꞌo 13:13

Phawuloosinaa biinna tookkii beetinaꞌona markaboona, Phaafee tiyiꞌi, Fenfula beeti Feriga hammiyeete. Aroochee Yowannisi boonoshi waanee bariꞌi Yerusaalem wottee hammiye.

Mishiraachechinaꞌo 13:5

Salamiisi katemooch beebee, Ayihudeenaꞌo kiceebeeti kexooch giyiꞌi, Yeerichi qaaroon dojjiyeete. Arooba Yowannisi boonoshin deggii beehe.

Mishiraachechinaꞌo 19:29

Katemoo bulli dulleehe; boonoshiyoo Makidoonee showoochee waati Gaayoosinaa Arsixirokoosina getteebeeti, Phawuloosina tookkii gommon shaꞌeebeeti asheenaꞌon manjii yechiꞌi, ikke mulloona iitee xaaꞌooch yongeheete.

Mishiraachechinaꞌo 20:4

Hamma bi tiyaa, ikkikke asheenaꞌo biin deenniyeete; eboshiyoo Beeriyechi Firoosichi bushoo Sophaxiroosi, Tasaloonqechi Arsixirokoosinaa Sikenduusina, Deribechi Gaayoosi, Ximootiyoosi, Isiyee showoochee waati Tikiqoosinaa Xirofimoosina eboshine.

Mishiraachechinaꞌo 27:2

Isiyee showee baharee gashooch beeti meeti katemooch hammiibeeti, Adramixisee markabooch giyaꞌa hamma tiyehon. Tasaloonqi katemoochee waati, Makidoonee showeexi asho Arsixirokoosi noonna tookkii hammiye.

Mishiraachechinaꞌo 4:36

Arooba Qoophiroos shiijjeti, Yooseefi getteebeeti ikke Lewee asho beehe. Mishiraachechinaꞌo biinoo Barnabaasi iꞌi shigiiheete; ebiyoo Goggiyee Bushoo getone.

Roomi 16:2

Kittinneenaꞌo yaafeenaꞌon iibbii beetoommon, biinoo wotta ittoshi iibbiyemmoyich ittoshich shalligichaabeeto taane. Biyoo meetinaꞌon deggaabeeti, taachoo dege tuneti maneene. Ebich ittoshiyoo wotta biich qaawiibeeti mooyo bullina biin degote.

Roomi 16:7

Mishiraachechinaꞌo daggoochee woraafa getteetinaꞌo, wotta Kiristoosi toommooch mulloon tooꞌiyoona tayee qaabbeenaꞌo, taanna tookkii cucheti ta xibeenaꞌo Andironiqoosinaa Yuniyasinoyich ta diggiyoon getote.

2 Ximootiyoosi 4:11

Luqaasi baachiye taanna tookkii beeto. Maariqoosi shuunoona taan gaachaabeeto bi tunetoyich, biinoo yeshi wobe.

Filimooni 1:23

Kiristoos Yesuusichi naboona cuyee kexooch taanna tookkii cucheeꞌi beeti Epphaafiri neen diggiitone.

Filimooni 1:24

Ebiyoommon wotta taanna tookkii shuuneebeeti Maariqoosi, Arsixirokoosi, Deemaasinaa Luqaasina neen diggiitinaꞌone.

1 Pheexiroosi 5:13

Ittoshina tookkii wotta Yeeri biich kaacciti, Baablooni kittinnee guuphi asheenaꞌo, ta bushoo Maariqoosiyoo ittoshin diggii beetinaꞌone.