Qolaasiyaasi 3:8 - Kafa Linguistics Project

⁸ Tunebaani and wotta kaaroonaa ippoonon, gonde mooyon, naagoonoo, yeelliibeeti yibbaatoonoo, eboshi bullin wokkiibote.

Qolaasiyaasi 3:8 ပူးပေါင်းရင်းမြစ်များ

Shoddo 37:8

Ippoochee wohe; kaaree shiixxoon qaye; gondooch neen bechemmo bi tunetoyich ippeyaahine.

Shaahiyoo 17:14

Kaaro bi tiyiibeeto aaco bi gabbetoochee ufoommoniye; ebich kaaro tiyaan beetaa hayoon neechibe.

Shaahiyoo 19:19

Ippechi asho bi shuunee gatiyoon qoccemmone; biin gaachaa ne wodiigaata, wochinnoon ebin tuniyoo neech echeyaache.

Shaahiyoo 29:22

Sheenechi asho kaaroon booddiye; ippechoo wodde axaaxoon shuunehe.

Maatiyoosi 5:22

Tunebaani and ta waanee waayebote! Bi manoon kaareebeeto bulli nallee gabberooch giddemmone; bi manoon ‘Ulloocho!’ iꞌi naaggimmo bulli nallee iitee aafoochaa bi toommooch nalleyemmone; ‘Mullaalli ongoocho!’ iꞌi naaggimmo bulli ‘Shiweree qaaqqooch duppebe’ getaa bi toommooch nalleyemmone.

Maariqoosi 7:22

shunee mamo, hiriggoo, gondo, dawushoo, yeelliibeeti kaayo, qanaato, oono, geecoo, shalligee shappoo, eboshine.

Roomi 13:13

Areddee bekkoona shaꞌeebeeti asheenaꞌochoommon gaawe qocoona beebone; qelloon battiibeeti duubonaa mashoona tunaaye; shunee mamonaa yeelliibeeti kaayona tunaaye; kaaroonaa qanaatoona tunaaye.

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Galaati 5:15

Tunebaani ittoshinaa ittoshina ittoshi geccee beegaata, ittoshi dafee beegaata, ikkooch ittoshi aalleyaachemmoyich ittoshi qelloon ariibote!

Galaati 5:20

shahalloyich goyinno, iicoo (qaaxo), shixo, hayo, qanaato, kaaro, beshi bekkiya geto, barbaroo, iberoochee muricciꞌi bare guuphon halloo,

Galaati 5:26

Noonnaa noonna qemeteyoonaa qanaatoona beebee duuboon geecaayone.

Efesooni 4:22

Ebich aafi ittoshi beemon gabibee dachiibeeti qaatoona duubeebeeti wonnee qocoon ittoshi waanee shootote.

Efesooni 4:25

Ebich kootoon ittoshi waanee wokkiibote; no bulli ikke ashittinee quumo no tunetoyich, ittoshi ikkikkoona ittoshi maneenaꞌona tookki iberoon yibbaatebote.

Efesooni 4:26

Ittoshi kaare gaatoona, ebi ittoshi kaaro axaaxooch ittoshin bechiibeeto tunaaye; ittoshi kaaree daggooch aabo giyaaye.

Efesooni 4:29

Waayee beetinaꞌoyich diiroo tunemmi, asheenaꞌon eenniyemmi, boonoshichoo gaaccemmi gaaweti mooyon getotalli, amee gonde mooyolla ittoshi noonoochee kechaaye.

Efesooni 5:4

Ittoshich bi tuniiti mooyo bullich Yeerin galletebotalli, ittoshich tate shuunoo tuneyaani, yeelliibeeti mooyon, bache yibbaatoon woyee gonde naacoon tuniyaahote.

Qolaasiyaasi 3:5

Illa ittoshi meechi qaatoon wuxibote. Eboshiyoo: yahoo, eeꞌe shuunoo, bushittinee cakkoo, gonde qaatoonaa hiriggoonane. (Hiriggoo, bi hiriggiti mooyon nuggishoommon tuniiꞌi goyinnoone.)

Qolaasiyaasi 3:9

Wonnee geene ashoon bi shuunoona tookkii shoottiꞌi, andire ashoon ittoshi tahetoyich ittoshinaa ittoshina kootoon yibbaateyaahote.

1 Ximootiyoosi 1:13

Ebiyee aaf, biin naaggeto, yookketonaa giishiitona ta tunetaanoona, ebin ta tuniito ariyaanoon, wotta bi toommooch mulloon tooꞌiyaanoon bi tunetoyich taan maariye.

1 Ximootiyoosi 1:20

Hemanoosinaa Iskindiroosina eboshichi daggeexinaꞌone; Yeerichi shigoon naagoochee boonoshi cuuqqemmoyich, “Sheexaanoo boonoshin sheeribe” iyaꞌa biich beshii boonoshin immeto taane.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Yaaqobi 2:7

Ittoshi ceekketi gaawe Kiristoosichi shigoon naaggii beetinaꞌo boonoshi tooneenaꞌone?

1 Pheexiroosi 2:1

Illa gondo bullin, dawushoo bullin, mullee xalloo shaahoon, qanaatoon, oono bullinoo ittoshi waanee wokkiibote.

2 Pheexiroosi 2:18

Geeciibee tuushee yibbaatoon yibbaatee beetinaꞌone; axaaxoona beetinaꞌo daggoochee muriccii kechii beetinaꞌon, bekkech batt boonoshi kecha iyaa, yeelliibeeti meechi qaatoona dawushii beetinaꞌone.

2 Pheexiroosi 2:7

cadiqo tuneti Looxiyoo boonoshi daggooch beebee boonoshi hukkee shuunoon beegonaa waayoona qemi qemona oogeton xuuxeebee ebi are hukkechinaꞌochi yeelliibeeti qocoona oogeton iriteeti are cadiqe uro Looxin bi wodiitoyee;

Yihudi 1:13

Yeelliibeeti boonoshi shuunoo umboommo tunemmona, umboon aapphiibeeti giidechi baharee aachi aayoomminaꞌone; boonoshi gommon gawukkiꞌi yallyallimiibeeti xojjeneenaꞌoomminaꞌone; boonoshichoo bulli yemeenoon dunne manderooch boonoshi beeyemmi xaaꞌoon Yeeri qanniitone.

Yihudi 1:8

Ebiyoommon wotta ebi asheenaꞌo gumon gummiibee boonoshi hajjee ashittinoon eeꞌii beetinaꞌone; boonoshiyee damba beeton qallayii beetinaꞌone; damba shimaayooch beeti oogee yiirechinaꞌon naaggii beetinaꞌone.

Yaaꞌoo 16:9

Asheenaꞌo oogeti gaamoona micciyeete; asheenaꞌoo ebi naxeenaꞌo toommooch hakkoo biich beeti Yeerichi shigoon naaggiyeete; oogee yiirecho bi tunetoyich biin galleteya axaaxee gommoochee bi waan wotteyaaneenaꞌone.