Qolaasiyaasi 3:4 - Kafa Linguistics Project

⁴ Ittoshi kasho tuneti Kiristoosi bekkemmi aabooba, arooba ittoshi wotta biinna tookki oogee yiiroona bekkemmo ittoshine.

Qolaasiyaasi 3:4 ပူးပေါင်းရင်းမြစ်များ

Shoddo 17:15

Tunebaani ta, cadiqittinoona ne aafoon beeggemmo taane; tiyi qaalliree, ne oogee yiiroon beegi michemmo taane.

Shoddo 73:24

Ne ciicoona taan yaabihine; ciiroochaa, oogoona taan daammemmo neene.

Maatiyoosi 13:43

Arooba cadiqeenaꞌo boonoshi Nihoo Yeerichi taatittineechaa aabeechoommon aaxxemminaꞌone. Illa waayeebeeti waajjecho waayebe” iye.

Luqaasi 17:30

“Arooba tunetoommon Ashi Bushoo bekkemmi aabooba wotta ebiyoommon tunemmone.

Yowannisi 11:25

Yesuusiyoo “Qititinaꞌoyich kashoon imiree tiijjemmo taane. Bi mulloon ta toommooch tooꞌiibeeto bi qititaanona kashechon tunemmone;

Yowannisi 14:3

Hammaꞌa xaaꞌoon ittoshich ta qanniitoyee gubb, ta beetooch ittoshi tunemmoyich wotteree waa ta waan ittoshin daammemmo taane.

Yowannisi 14:6

Yesuusi wochiꞌi, “Gommonaa iberoona, kashoonoo taane; ta waanaa tuno bi qayigaata Nihoo Yeer waan womon hakkemmo koniyoona aalloone.

Yowannisi 17:24

“Ta Nihoocho, alemo halleyaan beehooba, taan ne shunnetoyich, oogee yiiroon taach immehine; hini oogee yiiroon boonoshi beeggemmoyich, ebi taach ne immeti asheenaꞌo wotta taanna tookki ta beetooch boonoshi beeyemmoyich shunnoye.

Yowannisi 20:31

Tunebaani Yesuusi aroo Kiristoosi Yeerichi Bushoo bi tunoon ittoshi iberiyemmoyich, bi toommooch mulloon tooꞌiiree bi shigoona kashoon ittoshi danemmoyich, ebi kooreetone.

Mishiraachechinaꞌo 3:15

Kashee Shimboon wuxiihote. Tunetaa biin Yeeri qitoochee tiijjiye. Hini mooyoyich no miixoo noone.

Roomi 8:18

Gubb nooch bekkemmi oogee yiiroona tookkii bi tacheegaata, andi hini yemeeneexi xuuxo amolla shaahiꞌi taach bekkeyaache.

Roomi 8:19

Halleenaꞌo bulli Yeerichi bushiisheenaꞌo bekkoon sharaateebee quyee beetinaꞌone.

1 Qorontoosi 1:7

Ebich Yeeri no Doono Yesuus Kiristoosichi womon bi bekkiyemmi aaboon ittoshi quyeebeeti daggooch, Yaafe Ayaano immiibeeti wojjoochee ikkolla ittoshich shappito aalloone;

1 Qorontoosi 15:43

Bi duukkee beegaata, yiiraalloone; bi tiyii beegaata, yiirechone. Bi duukkee beegaata, giidaalloone; bi tiyii beegaata, giidechone.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Galaati 2:20

Ebich tawoo ebiyee bekk kashechon tunaꞌa beetaache; tunebaani Kiristoosi ta mullooch giyiꞌi beetone. Andoo meenona ta beeti beemo, taan shunnii taacha iꞌi qitoyich bi qelloon beshii immiti, Yeeri Bushoo toommooch mullee tooꞌiyoona ta beemone.

Filipphisiyoosi 3:21

Biyoo hini yiingaalli, qitemmi no ashittinoon shaddiree, worganikkiti oogee yiirechi bi ashittinoon shaahiyemmone. Ebin bi tuniyemmo bullin bi oogee dechiich tuniyoon bi hakkemmi giidoonane.

1 Tasaloonqi 4:17

Aroyee gubb batt kashoona beeti no, yongee toommoochaa Doono Yesuusina danoyich, boonoshina tookki tiijjaa quboona hammemmo noone; ebiyoommon bulli aaboon Doono Yesuusina tookki beeyemmo noone.

1 Ximootiyoosi 6:14

“No Doono Yesuus Kiristoosi waammi wottoon kiinaalli, oonaalli beemona hini getteeti mooyinaꞌon ceechibe” iyaꞌa neech adereto taane.

2 Ximootiyoosi 1:1

Kiristoos Yesuusina daneti kasheechi gibenee wochoon bechiya, Yeeri daaggaa Kiristoos Yesuusichi mishiraachecho tuneti Phawuloosi waanee,

2 Ximootiyoosi 4:8

Illa echeto, Yeeri taach wojjiya bi qanniiti cadiqee gubbichoone; aroonoo kaachii nallechi Doono Yesuus Kiristoosi nallee aabooba taach immemmone; bi immemmo, ta ikkeetoyich baach toonoone; bi womon sharaatee beetinaꞌo bullichiye.

Titoosi 2:13

Ebina diireeti no gibeno tuneti ooge no Nuggishoo, noon Wodiyechi Yesuus Kiristoosi oogee yiiroona bi bekkoon quyaabeeto noone.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

1 Pheexiroosi 1:13

Illa shuunoyich cuye tiyiree qannibote; ittoshi qelloon quyoona beebote; Yesuus Kiristoosi bekkehooba ittoshi danemmi wojjoon ceenoona gibenebote.

1 Pheexiroosi 5:4

Ebi mooyinaꞌon ittoshi tuniigaata, Qiddeenaꞌochi Qiddoo bi waammi aabooba, aalleyaani oogee yiiree gubbichoon ittoshich immemmone.

1 Yowannisi 2:28

Andoo ta shuni bushiisheenaꞌote! Kiristoosin no beegiyooba no shataachemmoyich, bi waahooba bi aafooch no yeelleyaachemmoyich, biinna tookkii ittoshich beeti ikkittinoona manjiree beebote.

1 Yowannisi 3:2

Ta shunechinaꞌote! And Yeerichi bushiishoo noone; gubbich amo no tunemmo gaata batt aricheyaanoone. Tunebaani Kiristoosi waataa xiishi ciinnemmo no tunetoyich, biin shaahemmo no tunoon ariibeeto noone.

1 Yowannisi 5:12

Yeerichi Bushoo biich beeto, kashechone; Yeerichi Bushoo biich aalloyich kashoo aalloone.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,

Yaaꞌoo 2:7

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochito Yeerichi yannetooch beeti kashee michi aafoochee bi maayemmoyich daaggemmo taane.

Yaaꞌoo 22:1

Ebi are maraakoo Yeerinaa Bagoonochi taatee qeenoochee kechii, are katemee daggeexi ooge gommi gutte daggoona ufeebeeti, biriloochoommon wacciibeeti kashee aacon taach bekkiihe. Aachi okkinaa hachinooch agen agenoona aafeebee, natooch aaraa gutte wottoon aafeebeeti kashee mixo beehe; hini are michi waamo aageteenaꞌon wodiyoyich gaacciibeeti attoone.

Yaaꞌoo 22:14

Boonoshich daaggeetaa, kelloona katemee maac giyiree kashee michi aafoochee boonoshi maayemmoyich, boonoshi qoreddoon machii xallii beetinaꞌo diireetinaꞌone.