Qolaasiyaasi 3:22 - Kafa Linguistics Project

²² Guuninaꞌote, ittoshi dooninaꞌoyich bulli mooyona deꞌa getote. Ashoon emirikkoonaa ashi beꞌenoonoyich tuneyaanoon, kaame mulloona Doono Yeerin shatibee boonoshich hajjeebote.

Qolaasiyaasi 3:22 ပူးပေါင်းရင်းမြစ်များ

Galaati 1:10

Illa and naadoon danoon ta qaawaabeeto, ashi waaneeniyee Yeer waaneeniye? Woyee ashoon emirikkoon qaawaa beetote? Ashoon emirikkoon qaawaabeeto ta tunemmogaata, Kiristoosichi maddecho tuneyaachesho taane.

1 Tasaloonqi 2:4

Tunebaani Yeeri mishiraachee qaaree getti shuunoon nooch guudii bi immemmoyich gibeneeto tunaꞌa no danetoyich, arooniye no gettaabeeto; no gettaa beegaata emirikkoyich no qaawaabeeto, no mulleexi gaboon maqqiꞌi ariibeeti Yeerinalli, ashoon toonoone.

Qolaasiyaasi 3:20

Bushiisheenaꞌote, ebi Doono Yeerin emirikkiibeeto bi tunetoyich, bulli mooyona ittoshi nihoonaa ittoshi indeenoyich deꞌa getote.

Luqaasi 6:46

“Ta gettaa beeton ceechaachote. Illa amoyichiye ‘Ta Doonocho, ta Doonocho’ iꞌi taan ittoshi ceeggiibeeto?

Dojjecho 5:7

Wodde gumonaa wodde yibbaatoona duuboone; ebich Yeerin shate!

Filimooni 1:16

Illa ebiyee damba neenna tookki bi beeyemmo guunoommon tuneyaanoon, guunoyee beshiti shucheti manoommoniye; taach shucheti manoone; neechoo wotta meenona tunebe Doonona beshoon shucheti manoone.

2 Qorontoosi 7:1

Illa ta shunechinaꞌote! Ebi gibeno nooch bi beetoyee, no meenonaa no ayaanoonon eeꞌiibeeti mooyo bulliichee no qelloon xalliibone; Yeerin shatibee, no yaafittinoon ceeno tuniibone.

Mishiraachechinaꞌo 2:46

Bulli aaboon ikkooch yaafee kexooch kiceebee, boonoshi kexi kexooch ataalleebee, emiroonaa gaawe mulloona ikkooch maa beeheete.

Luqaasi 7:8

Ta wotta tayee dambeenaꞌoyich hajjeebeeto taane; tayee desh beeti ginee naayinaꞌo wotta taach hajjee beetinaꞌone. Ikkoon ‘Hambe’ ta getigaata, hammii beetone; baroon wotta ‘Wobe’ ta getigaata, waa beetone; ta guunonoo ‘Ebin tuniibe’ ta getigaata, tunii beetone” iye.

Maatiyoosi 8:9

Ta wotta tayee dambeenaꞌoyich hajjeebeeto taane; tayee desh beeti ginee naayinaꞌo wotta taach hajjee beetinaꞌone. Ikkoon hambe ta getigaata, hammii beetone; baroon wobe ta getigaata, waa beetone; ta aafee bushoon ‘Ebin tuniibe’ ta getigaata, tunii beetone” iye.

Maatiyoosi 6:22

Daakkiꞌi ishichiye: “Ashittinee ceechoo geto aafoone. Illa ne aafo iiwoo tunegaata, ne ashittino bulli biremmone.

Milikiyaasi 1:6

Beshe Mawe Doono Yeeri ishichiye: “Ta shigoon giishiibeeti qeesheenaꞌote, bushoo bi nihoon, guuno bi doonon oogii beetone. Ta, ittoshi nihoo taane; ishigaata amoyich taan oogiyaachote? Ta ittoshi doono taane; ishigaata amoyich taach shataachote? “Tunebaani ittoshi ‘Aabichaꞌa ne shigoon giishiihone?’ iyote.

Dojjecho 12:13

Ebiyoche bulli mooyon waayeto neene; bulli moochi taco ebine: Yeerin shate; bi geteenaꞌonoo ceechibe; asho koniyoona tuniiya bede mooyo ebine.

Shoddo 123:2

Ebiyoche guuno bi doono kishoon ciinoommon, gonnee bi gennee kishoon ciinoommon, nooch ne ariqqemmi wottoon no aafo no Nuggishoo Doono Yeeri ne waan ciinniye.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Halloo 42:18

Keejjinnee qemooba, Yooseefi boonoshich ishichiye: “Yeerin ta shattaa beetoyich, ebin tuniiree ittoshi kashoon wodiibote.

Dojjecho 8:12

Axaaxecho balle wottoon gondoon shuuneebee bi eeno genjetaanona, mooyo bi kaamemmo Yeerin shattii beetinaꞌonaa biin oogii beetinaꞌonoyich bi tunoon ariiho.

Nehimi 5:9

Daakkaꞌa ishichiyo: “Ittoshi tuniibeeti mooyo gaaweyaanoone; no etteenaꞌo tuneti aageteenaꞌo noon naagaachemmoyich, no Nuggishoon shatona beemo ittoshich qaawiyaache?