Qolaasiyaasi 3:16 - Kafa Linguistics Project

¹⁶ Kiristoosichi qaaro ceenoona ittoshi mullooch beebe; ariyoo bullina ikkoo ikkoon dojjibee, ittoshinaa ittoshina ciiceebote. Shoddoonaa naadoona, Ayaanee shoddoona galletoonoo ittoshi mulloona Yeerich shoddebote.

Qolaasiyaasi 3:16 ပူးပေါင်းရင်းမြစ်များ

1 Taateenaꞌo 3:28

Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.

1 Kiinoo 25:7

Eboshi bulli boonoshi maneenaꞌona tookkii, Doono Yeerichi maddoyich shoddoon doyiti ariyechinaꞌone; boonoshiyoo gutte ballaa shinnaa shimitteenaꞌone.

Nehimi 12:46

Wonna Daawitinaa Asaafinochi yemeenooboo, Yeerin shoddoona oogiyoonaa galletoonoyich, shoddechinaꞌochi ukkireenaꞌo beetinaꞌone.

Iyoobi 23:12

Bi getoochee keyaano taane; bi geto bullin ta mullooch kotiyaꞌa quyeto taane.

Shoddo 119:11

Axaaxoona neen ta xuꞌaachemmoyich, ne qaaroon ta mullooch kotiihoye.

Shoddo 119:54

Dallaawoo tunaꞌa ta beeti showoochaa ne qociyoo taach shoddoon tunehe.

Shoddo 138:1

Doono Yeero, ceeni mulloona neen galletehoye; nuggisheenaꞌo aafoochaa galletee shoddoon shoddemmo taane.

Shoddo 28:7

Doono Yeeri ta hakkoonaa ta gaachoonane; ta mullo biin gibenehe; biinna gaacheehoye; ta mullo emiriye; shoddoona biin galletehoye.

Shoddo 32:7

Ne taach aashee xaaꞌoo neene; xuuxoochee taan quyemmo neene; wudee danee shoddoon ta guudoona tuniihine.

Shoddo 71:23

Galletee shoddoon shoddebee, neech ililemmo taane; ne wodiiti ta kasheyoo neech ililemmine.

Shaahiyoo 14:8

Ariyechochi shalligoo, bi gommon bi muricaachemmoyich tuniihe; tunebaani tuushoon mullee mucco muriciihe.

Shaahiyoo 18:1

Ashoona yesheyaani asho, bi qaatoon baach dabbiye; asho bullina shucheti qociyoon shixxiye.

Solomooni 1:1

Shoddo bulliyee beshe Solomoonichi shoddo.

Isiyaasi 26:1

Arooba ebi shoddo Yihudee showoochaa ishichaa shoddeyemmone: “Mishigechi katemoo nooch beetone; Yeerichi wodiyoo, xaqqee uxeroonaa mishigoonon nooch tunetone.

Isiyaasi 30:29

Tunebaani yaafeeti baaroobee xum ittoshi shoddee beetoommon shoddemmo ittoshine; Israꞌeeleenaꞌochi Xaqqee Inderoo tuneti Doono Yeerichi guudooch, shumburoon huggiibee hammiibeeti ashichoommon ittoshi mullo emiremmone.

Isiyaasi 5:1

Ta shunachochon, bi woyinee goyoochonoo shoddebona; ta shunechoyich woyinee goyo, qeemi geppee toommooch beehe.

Erimiyaasi 15:16

Beshe Mawe Nuggishoo Doono Yeero, ne shigoona ceekketo taane; ne qaaro danetone; tawoo maato taane; ne qaaroo taach emiroonaa mulleechi ooge emiroonon tunehe.

Maatiyoosi 26:30

Boonoshiyoo Yeerichi shoddoon boonoshi shoddetoyee gubb tiyiꞌi, Zayitee Michi guudooch kechiꞌi hammiyeete.

Luqaasi 2:51

Aroochee boonoshina tookkii wotteꞌi Naazireet hammiye. Boonoshichoo deꞌa iꞌi wochee beehe. Bi indeyoo hini mooyo bullin bi mullooch kotii beehan.

Yowannisi 15:7

Taanna ittoshi beegaata, ta getteti qaaroo ittoshi mullooch bi beegaatoo, ittoshi shunnimmo bullin qollebote; ittoshich ichemmone.

Roomi 10:17

Illa Kiristoosi toommooch mullee tooꞌiyoo daneebeeto, Kiristoosichon getaa waayoonane.

Roomi 15:14

Ta maneenaꞌote! Ittoshi, ittoshi qelloona deꞌittinoona ittoshi ceenon, ariyoona ittoshi ceenon, ikkoo baroon kaaree ciicon hakkemmo ittoshi tunoon, ittoshichon ta qelloona ta manjiiꞌa ariito taane.

1 Qorontoosi 14:15

Ishigaata, aabichibote? Ta ayaanoona corootemmo taane; ta mulloona wotta ariibee corootemmo taane; ta ayaanoona Yeerich shoddemmo taane; ta mulloona wotta ariibee Yeerich shoddemmo taane.

1 Qorontoosi 14:26

Illa ta maneenaꞌote! Ikkooch ittoshi kiceehooba, ikkoo shoddehe; baroo wotta dojjiye; baroo Yeeri biich bekkiiti mooyon gettiye; baroo baribare noonoona yibbaatehe; baroo baribare noonoona yibbaateeton biichii wokkeelliye. Eboshi bulli kittinneenaꞌon eenniyoyich gaaccemminaꞌo tunebeete.

Efesooni 1:17

Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

Efesooni 5:17

Ebich Doono Yesuusichi daaggoo amo gaata shalligibotalli, mullaalloon tuneyaahote.

Efesooni 5:19

Shoddoonaa naadoona, Ayaanee shoddoonoo ittoshinaa ittoshina yibbaatebote; Doono Yeerich ittoshi mulloona shoddebote.

Efesooni 5:26

Kiristoosi bi kashoon kittinnee guuphoyich beshiiꞌi bi immito, aacona machii, bi gettiti mishiraachee qaaroona xalliiꞌi yaafoyichiye.

Qolaasiyaasi 1:28

Bullich no gettaabeeto Kiristoosichoniye. Asho bulli bi ikkikkoo Kiristoosina, bedditi ashoon bi tunetaa Yeer waan giddiyoyich ariyoo bullina asho bullin kaaraa ciiccaabee arichiibeeto noone.

Qolaasiyaasi 1:9

Ebich no wotta ishin no waayeti aaboochee tiijjaꞌa, Yeeri bi Ayaanoochee daneebeeti ariyoonaa shalligoo bullinon ittoshich ceenoona imiree bi daaggoon ittoshich bi arichiyemmoyich, qollaabee ittoshich corootoon kuxaano noone.

Qolaasiyaasi 4:6

Boonoshi ikkikkoyich aabichiree tatoona ittoshi wochemmo gaata ittoshi ariyemmoyich, ittoshi yibbaatoo bulli aaboon kiihochoommon nooccii beetonaa emirikkii beetona tunebe.

1 Tasaloonqi 1:8

Doono Yesuusichi mishiraachee qaaro ittoshi waanee tiyiꞌi bi shaggito, Makidoonee showoonaa Akaayee showoonooch baach tuneyaanoon, Yeeri toommooch ittoshi mullee tooꞌiyoo bi waayeeto bulli xaaꞌooch beeti asheenaꞌoyichiye. Ebich ittoshichon no gettemmi bare mooyo amolla aalloone.

1 Tasaloonqi 4:18

Ebich ittoshinaa ittoshina ebi qaaroona ikkoo baroon goggii kupphiibe.

2 Tasaloonqi 3:15

Tunebaani manoochoommon kaare ciicotalli, shixechon shaahiiree ciinnaahote.

1 Ximootiyoosi 6:17

And hini yemeeneexi gaannechi kittinneenaꞌoyich ishichibe: “Qelloon yeepphaahote; bulli mooyon nooch ceechiꞌi bi imaa, ebina no emiremmoyich tuniibeeti Yeerin gibenebotalli, gibeneyaani gaannoon gibeniyaahote.

2 Ximootiyoosi 3:15

Kiristoos Yesuusi toommooch mullee tooꞌiyoona wodoo daneebeeti shalligoon neech imon hakkiibeeti Yaafe Macaafeenaꞌon ne bushittinoochee tiijjaꞌa ariito neene.

Titoosi 3:6

Are Ayaanoon noon Wodiyechi Yesuus Kiristoos waanaa no toommooch ceenoona kindiihe;

Yaaqobi 1:5

Ittoshi daggoochee koniyoona shalligoo biich shappi gaata, qoonaanoon mulloochee tiijjiꞌi bullich immiibeeti Yeerin qollebe; biichoo ichemmone.

Yaaqobi 3:17

Tunebaani damba Yeer waanee waabeeti shalligee shiichaꞌa xalleene; daakkaꞌa diggoon qaawii beetine; shiimechine; deꞌa ii beetine; maaroonaa deꞌe shuunoo bullina ceennetine; heppoonaa mulloon xalloo shaahiyoona bi waan aalloone.

Yaaqobi 5:13

Ittoshi daggoochee koniyoona iritoo bi toommooch shaggito bi beegaata, corootibe. Emiriibeeto koniyoona bi beegaata, galletee shoddoon shoddebe.

1 Yowannisi 2:14

Niheenaꞌote! Ittoshich ta kooraabeeto, shiichoochee tiijjiꞌi beeton ittoshi ariitoyichiye. Gurimaasheenaꞌote! Ittoshich ta kooraabeeto, kuppho ittoshi tunetoyich, Yeerichi qaaroo ittoshi mullooch manjiꞌi bi beetoyich, gondoochi nihoonoo kochii ittoshi wochitoyichiye.

1 Yowannisi 2:24

Ebich shiichoochee tiijjiꞌi ittoshi waayeti qaaro ittoshi mullooch manjiree beebe. Shiichoochee tiijjiꞌi ittoshi waayeti qaaro ittoshi mullooch bi beegaata, ittoshi wotta Nihoo Yeerinaa Yeerichi Bushoona tookkii ittoshich beeti ikkittinoona beeyemmo ittoshine.

1 Yowannisi 2:27

Tunebaani Kiristoos waanee ittoshi deqqiti huuto ittoshina tookkii beetone. Biyoo bulli mooyon ittoshich bi dojjii beetoyich, bare asho ittoshich dojjoo qaawiyaache. Aroo ittoshich bi dojjiibeeto iberoonalli kootoon toonoone. Illa bi ittoshich dojjitoommon Kiristoosina tookkii ittoshich beeti ikkittinoona manjiree beebote.

Yaaꞌoo 14:3

Taatee qeechi aafoochaa, kashechi awudde halleenaꞌonaa geeneenaꞌonochi aafoochaanoo andire shoddoon shoddeheete. Hini showooch beeti asheenaꞌo daggoochee Yeeri biishee wodiiti ebi balli aabbaa awudde hume asheenaꞌoyee beshetaa, koniyoona hini shoddoon doyiꞌi shoddoon hakkaanoone.

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.

Yaaꞌoo 5:9

ishichiibee andire shoddoon shoddeheete: “Qoddeti macaafoon daamoyich maatemeenaꞌon gaxxoyichoo beddeto tunaꞌa daneto neene; guureeꞌa ne damoona Yeericho boonoshi tunemmoyich, ashi yoodo bulliichee, asho yibbaateebeeti noonoo bulliichee, ashi yaroo bulliichee, aagetoo bulliicheenoo asheenaꞌon biisheto neene;