Qolaasiyaasi 3:13 - Kafa Linguistics Project

¹³ Ittoshinaa ittoshina ikkoochi mooyon baroo haaꞌiibe; koniyoona bi manoo toommooch bi qoonniti mooyo beegaata, maaribote. Doono ittoshin bi maaritoommon ittoshiyoo wotta ebiyoommon maaribote.

Qolaasiyaasi 3:13 ပူးပေါင်းရင်းမြစ်များ

Shaahiyoo 19:11

Shalligoo ashoon haaꞌiyecho tuniihe; biin xuqqiton maaroo oogoon danoone.

Maatiyoosi 5:44

Tunebaani and ta waanee waayebote! Yeeri bi halliti aabeen deꞌeenaꞌonaa gondeenaꞌonoyich kichii beetone; kaameenaꞌonaa xummeenaꞌonoyich tachiꞌi amiyon dichii beetone. Illa shimaayooch beeti ittoshi Nihooyich bushiishoo ittoshi tunemmoyich, ittoshi shixechinaꞌon shunote; ittoshin duꞌii beetinaꞌoyich corootibote.

Maatiyoosi 6:12

No wotta noon xuqqitinaꞌon no maaroommon, no gondoon nooch maaribe.

Maariqoosi 11:25

Wotta corootiya ittoshi neexehooba, shimaayooch beeti ittoshi Nihoo ittoshi axaaxoon bi maaremmoyich, ittoshi shuuteti asho bullin maaribote.

Luqaasi 11:4

No wotta noon xuqqitinaꞌo bullin no maarii beetoyich, no gondoon nooch maaribe! Gondoochi nihoo dachooch noon geddaahine’ ” iꞌi gettiye.

Luqaasi 23:34

Yesuusiyoo “Ta Nihoocho, boonoshin maaribe; ebi boonoshi shuunee beeton ariyaaneenaꞌone” iye. Ebiyee gubb, bi tahoon ixoo kuxxiꞌi qoodeeheete.

Roomi 15:7

Ebich Yeeri oogemmoyich Kiristoosi ittoshin bi waan bi katichoon shalligibee ebiyoommon tuniibotalli, ittoshinaa ittoshina ikkoo baroon shiqqiyaaye.

2 Qorontoosi 2:10

Illa ittoshi maariti ashoon tawoo wotta maarito taane; ta maaremmi mooyo amolla bi beegaata, ittoshicha iyaꞌa Kiristoosi aafooch maarito taane.

2 Qorontoosi 6:6

Xallittinoona, ariyoona, haaꞌiyoona, deꞌittinoona, nooch beeti Yaafe Ayaanoona mulloochee tiyiti shunoona,

Galaati 6:2

Ittoshi daggoochee ikkoo baroochi shaagoon shaagi gaachebe; ebiyoommona Kiristoosi dojjiti sheeroon ceechiibeeto ittoshine.

Efesooni 4:2

Bulli aaboon qellee giishiyoona, shiimecho tunoona, haaꞌiyoona ittoshinaa ittoshina ikkoo baroon shunibee haaꞌiibote.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

Yaaqobi 2:13

Yeeri bi nallemmi aabooba ashoon maaraani ashi toommooch maaraalli nalloon nallemmone; maaroo nallee toommooch giidemmone.

1 Pheexiroosi 2:21

Yeeri ittoshin bi ceeggito ebichiye. Wotta Kiristoosi bi qelloona ittoshicha ii xuuxoon beeggiꞌi, bi hilloon dabbibee, bi shuunetoommon ittoshi shuunemmoyich ittoshich bekkiitone.