Qolaasiyaasi 3:12 - Kafa Linguistics Project

¹² Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

Qolaasiyaasi 3:12 ပူးပေါင်းရင်းမြစ်များ

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 45:4

Taan ariyoo ne qajjetaanona, ta guuno Yaaqobicha iyaꞌa, ta kaacceti Israꞌeelicha iyaꞌa, ne shigoona neen ceeggeto taane; oogee shigoon neech immeto taane.

Isiyaasi 63:15

Doono Yeero, yaafoonaa oogee yiirechona tuneti ne beeyi xaaꞌoo, shimaayoochaa dugilla ciine; ne qanaatoonaa ne giidoona aaye? Noon ne sharaatoonaa ne ariqqoona noyee wokkitone.

Isiyaasi 65:22

Bareenaꞌo beeyemmoyich kexon hagaachemminaꞌone; bareenaꞌo maayemmoyich bechaachemminaꞌone; michi eeno genjoommon, ta asheenaꞌochi eeno genjemmone; ta kaacceti asheenaꞌo boonoshi kishee shuunoona meeti yemeenoon emiremminaꞌone.

Isiyaasi 65:9

Yaaqob waanee shiijjeroon, Yihudi waanee ta guudinaꞌon woraashemminaꞌon deebemmo taane. Ta kaaccetinaꞌo showoon woraashemminaꞌone. Ta guuninaꞌoo arooch beeyemminaꞌone.

Erimiyaasi 31:20

Efreemi aaxxe ta bushoo toone? Ta kashoommi gaggeroo toone? Biin ta kaaremmi aabo bullin, wochii biin gabiyoye; ta maacee meeno biich qewetoyich biin ariqqemmo taane” iye Doono Yeeri.

Erimiyaasi 31:3

Doono Yeeri ta wonna boonoshich bekkaꞌa ishichiyo: Bulli aabee shunoona ittoshin shunneto taane; ta shoodoo bulli aabooch ittoshich manjemmone.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Maatiyoosi 24:22

Ebi aabeenaꞌo qaminaan gaata, koniyoona wodoon hakkaacheshone; tunebaani kaachetinaꞌoyicha getaa ebi are aabeenaꞌo qaminnitinaꞌone.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 24:31

Arooba ooge tiree qaaroona maraakeenaꞌon wochemmone. Boonoshiyoo hamiree awudde kelloona aabi-keyoochee aabi-gimooch, showee tuggooch beddaahaa Yeeri kaaccitinaꞌon kicemminaꞌone” iye.

Maariqoosi 13:20

Doono ebi are aabeenaꞌon bi qamichaan gaata, koniyoona wodaacheshone; tunebaani bi kaacciti asheenaꞌoyicha iꞌi ebi are aabeenaꞌon qamichitone.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

Maariqoosi 13:27

Tawoo maraakeenaꞌon wochemmo taane; boonoshiyoo hamiree awudde kelloona showee tuggoochee, shimaayee tuggoocheenoo Yeeri kaaccitinaꞌon kicemminaꞌone” iye.

Luqaasi 1:78

No Nuggishoo maaco shaacaani ariqqechone; ebich maaddee aabo keyoommon damba shimaayoochee keyiree no waan woyemmone.

Luqaasi 18:7

Illa Yeeri areddoonaa xumoonon biin qolleebee cookiibeeti bi kaacciti bi aagetoyich nallaachehe? Boonoshin gaacheyaanoon yagehe?

Roomi 1:7

Yeerina shucheti, yaafoo ittoshi tunemmoyich Yeerina ceekketi, Room beeti ittoshi bullich: No Nihoo Yeerinaa Doono Yesuus Kiristoosinochi wojjoonaa diggoona ittoshich tunebe.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 9:11

Yeeri biich “Qaabboo guuchoyich hajjeyemmone” iye. Ebin bi ito bushiisheenaꞌo batt shiijjeyaani boonoshi beetaa, gaaweto tuneba gondo, ikkeenolla boonoshi tuniyaan beehoobane. Ebich Yeeri kaaccitoommon bi gaboo manjito bi tunemmoyich, ikkoon bariiꞌi bi kaaccito boonoshi shuuneti shuunoona tuneyaanoon, bi ceeggiti ceegoonane.

1 Qorontoosi 13:4

Shunecho bulli mooyon haaꞌiihe; ashoyichoo deehe. Shunecho qanaateyaache. Shunecho naadeyaache; geecaache;

2 Qorontoosi 6:6

Xallittinoona, ariyoona, haaꞌiyoona, deꞌittinoona, nooch beeti Yaafe Ayaanoona mulloochee tiyiti shunoona,

Galaati 5:6

Ebiyoo Kiristoos Yesuusina tunetoyich, dokireyoo woyee dokireyee qayo bi gaaccemmi gaaco amolla aallo bi tunetoyichiye; gaaccemmo shunoona shuuneebeeti, Kiristoosi toommooch mullee tooꞌiyoo baachiye.

Efesooni 1:4

Alemo halleyaan beetaa, bi aafooch yaafoonaa bachaalloonon no tunemmoyich Kiristoosina noon kaacciye; Yeeri noon bi shunnitoyich,

Efesooni 4:2

Bulli aaboon qellee giishiyoona, shiimecho tunoona, haaꞌiyoona ittoshinaa ittoshina ikkoo baroon shunibee haaꞌiibote.

Efesooni 4:24

Ibere cadiqittinoonaa yaafittinoona Yeerin shaahoyich halleeti andire ashoon tahebote.

Efesooni 4:32

Ittoshinaa ittoshina deꞌoonaa ariqqechona tunebote; Yeeri Kiristoosina ittoshin bi maaritoommon ittoshinaa ittoshina maareebote.

Filipphisiyoosi 1:8

Kiristoos Yesuusi ittoshin bi shunniibeeti shunoona ittoshi bullin aabichaꞌa ta sharaataabeeto gaata Yeeri ta miixoone.

Qolaasiyaasi 3:10

Ebi andire asho Yeeri bi hajjee shaahoon bi tunemmoyich, biinoo ariyooch bi beddemmoyich bi andiriibeeti ashoone.

1 Tasaloonqi 5:15

Ittoshi daggoochee koniyoona baroyich gondoochi qoodoon gondoona bi wochaachemmoyich bayote. Tunebaani bulli aaboon ittoshinaa ittoshina, wotta asho bullich gaaweton tuniyoyich qiiccebote.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 2:10

Ebiyeenoo Kiristoos Yesuusi waanee wodoonaa bulli yemeenee oogee yiiroonon boonoshi danemmoyich kaachetinaꞌoyicha iyaꞌa hini xuuxo bullin haaꞌiibeeto taane.

Titoosi 1:1

Yeeri kaaccitinaꞌo Kiristoosi toommooch mullee tooꞌiyoona boonoshi kupphemmoyich, wotta Yeerin oogiibeeti beemon beemooch bechiibeeti iberoon boonoshi ariyemmoyich tuniyoyich wocheeti, Yeerichi guuno, Yesuus Kiristoosichi mishiraachecho tuneti Phawuloosi waanee:

1 Pheexiroosi 1:2

Nihoo Yeeri shiichiꞌi bi gabitoommon, bi kaaccitinaꞌoyich, Yesuus Kiristoosich deꞌa getoyich bi damoo wucaa xalletinaꞌonaa Yaafe Ayaanoona yaafeetinaꞌonoyich: Yeerichi wojjoonaa diggoona ittoshich woddebe.

2 Pheexiroosi 1:10

Ebich ta maneenaꞌote! Ittoshi ceekkoonaa kaachoonon manjiyoyich, aafichoyee beshoon kupphebote. Ebi mooyinaꞌon ittoshi tuniigaata, ittoshin tephi dichemmi mooyo ciroona aalloone.

1 Yowannisi 4:19

Yeeri shiichii noon bi shunnitoyich, no biin shunnaabeeto noone; noonnaa noonnoo shunaabeeto noone.

2 Yowannisi 1:13

Yeeri kaacciti ne maneechi bushiisheenaꞌo neen diggii beetinaꞌone.

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.