Qolaasiyaasi 2:8 - Kafa Linguistics Project

⁸ Kiristoosi dojjiti doyoommon tuneyaanoon, ashi doyoommonaa hini showeexi ariyoommona, ariyoon shaahiibeeti yibbaatoonaa duube acona koniyoona ittoshin olle yeshiree guunon bi tuniyaachemmoyich ittoshi qelloon ariibote!

Qolaasiyaasi 2:8 ပူးပေါင်းရင်းမြစ်များ

Solomooni 2:15

No woyino bungitone; no woyinoon aalliibeeti boqqelleenaꞌon, gishiishi boqqelleenaꞌon, olle yeshote.

Erimiyaasi 29:8

Ebich Israꞌeelee Nuggishoo Beshe Mawe Doono Yeeri ishichiye: “Ittoshi daggooch beeti keemechinaꞌonaa kaayechinaꞌona ittoshin dawushaayeete; boonoshi gummiibeeti gumonoo waayeyaahote;

Maatiyoosi 10:17

Tunebaani nallechinaꞌoyich ittoshin beshiiree immemminaꞌone; Ayihudeenaꞌo kiceebeeti kexoochaa arengoona xooppemmo ittoshine; ebich ashi waanee ittoshi qelloon quyebote!

Maatiyoosi 16:6

Yesuusi boonoshin “Fariseenaꞌonaa Saduuqeenaꞌonochi bukee shittoochee ittoshi qelloon quyebote” iye.

Maatiyoosi 7:15

“Koote keemechinaꞌo waanee ittoshi qelloon quyebote. Bagoochoommon duuroo shaahibee ittoshi waan woyemminaꞌone; tunebaani boonoshi mullo kuxxii maabeeti okeroommone.

Mishiraachechinaꞌo 17:18

Arooba Efikiroosinaa Istiikina getteebeeti dojjechinaꞌo dojjiti mooyon dabbii beetinaꞌo daggoochee ikkikkeenaꞌo biinna daneheete. Boonoshi daggoochee ikkikkeenaꞌo “Hini kasheyaani noonecho amoon gettane bi ii beeto?” iyeete. Bareenaꞌo, Phawuloosi Yesuusichon, wotta qititinaꞌochi timichon boonoshich bi gettitoyich, wochiꞌi, “Dallaawe nuggisheenaꞌochi wochoon bechecho shaahiye” iyeete.

Mishiraachechinaꞌo 17:32

Phawuloosi “Qititinaꞌo tiyemminaꞌone” iꞌi bi getaa, waayetinaꞌo daggoochee qatinaꞌo cooneheete; wotta qatinaꞌo “Hini mooyon wochiree ne getaa waayebone” iyeete.

Roomi 16:17

Illa ta maneenaꞌote! Ittoshi doyiti doyoon shixona ashoonaa ashoonochi daggooch barbarittinoon hallii beetinaꞌo waanee, xugo tuneebeeti asheenaꞌo waaneenoo ittoshi qelloon ittoshi quyemmoyich ittoshin qollaabeeto taane; eboshi waanee baribote.

1 Qorontoosi 10:12

Ebich “Kupphaꞌa neexaabeeto taane” ii beeto bulli bi dihaachemmoyich, bi qelloon ariibe.

1 Qorontoosi 8:9

Tunebaani ebi ittoshi mami aalloo kuppheyaani kittinneenaꞌoyich xugo bi tuneyaachemmoyich, ittoshi qelloon ariibot!

2 Qorontoosi 10:5

Ashi gajjiteyoonaa Yeerichi ariyee toommooch geecoona tiyiibeeti mooyo bullinon happemmo noone; Kiristoosich deꞌa boonoshi gettemmoyich ashi gaboo bullin keccemmo noone.

Galaati 1:14

Ta qaabbechinaꞌochi doyoyich bulliyee beshoon qanaataabee Ayihudeenaꞌo tuneti meeti ta goomeenaꞌoyee Ayihudeenaꞌochi maddee doyoon ceechoona beshaa beehoye.

Galaati 4:3

Ebiyoommon no wotta gaggere bushiishoommon tunaꞌa no beehooba, hini showee toommeexi shiiche doyoyich hajjee, guunon tunaꞌa beehone.

Galaati 4:9

Tunebaani and Yeerin ariichii, beshoonoo Yeeri ittoshin ariichaa, giidaalli hoxeeti shiichee doyooch wochinnoon aabichiꞌi wottehote? Guunon tuneꞌi eboshich wochinnoon hajjeyoon shunniyote?

Galaati 5:15

Tunebaani ittoshinaa ittoshina ittoshi geccee beegaata, ittoshi dafee beegaata, ikkooch ittoshi aalleyaachemmoyich ittoshi qelloon ariibote!

Efesooni 2:2

Arooba hini alemee asheenaꞌo beeti beemoommon, Yeerich deꞌa getaani asheenaꞌo toommooch and shuuneebeeti ayaanee daaggoommonoo beehote. Ebi ayaanoo yongee toommooch beeti gonde ayaaneenaꞌon hajjiibeeti gonde iraashoone.

Efesooni 4:20

Tunebaani Kiristoosichon ittoshi ariito ebiyoommona toonoone.

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

Yibbaatoo 6:12

guuno tunaꞌa beebee ne echeti Gibitsee neen kichii deebiti Doono Yeerin ne batteyaachemmoyich ne qelloon ariibe!

Filipphisiyoosi 3:2

Kunaaneenaꞌo waanee ittoshi qelloon quyebote; gondoon shuunee beetinaꞌo waanee, dokireebote iꞌi ittoshin xuqqii beetinaꞌo waaneenoo ittoshi qelloon quyebote.

Qolaasiyaasi 2:18

Beꞌenee qellee giishiyoonaa maraakeenaꞌoyich goyinnoonon shunibee, “Ta besh taane; yaaꞌoon beeggeto taane” getibee Yeeri aalli gaboona duuboon geecibee koniyoona ittoshi toommooch nallaaye.

Qolaasiyaasi 2:20

Illa hini alemeexi ashoon hajjiibeeti ariyoommi gaboochee biicheꞌi Kiristoosina tookkii ittoshi qititoyee, hini alemeexoommon tuneti ashi doyoommon “Hinichi achooch shaggaahine! Hinin napphe beeggaahine! Ebinoo yechaahine” ii beeti getoyich amoyichiye ittoshi hajjeebeeto?

Qolaasiyaasi 2:22

Eboshi bulli shuunee toommooch boonoshi heechitoyee gub, aallechinaꞌone; asho halliti sheereenaꞌonaa doyeenaꞌonane.

Qolaasiyaasi 2:23

Ebi mooyinaꞌo bi qelli daaggoommona goyinnoonaa shaahiyee qellee giishiyoona, meenonoo maajjiyoona ariyechon shaahiyeete; tunebaani meechi qaatoon bayoyich amoonolla gaacaaneenaꞌone.

1 Ximootiyoosi 6:20

Ximootiyooso, Yeeri neech guudiiꞌi bi immiti mooyon quyebe. Yeerin oogiyaani moochaalli yibbaatoochee, kootoon ariyoo shaahiiꞌi wonaaxiyee yibbaatoochee wohe.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

Hibireena'o 13:9

Baribare dallaawe doyoon dabbiree tate gommoochee kechaahote. No mullo manjemmo Yeerichi wojjoonalli maayoyich icheti doyoon quyoona toonoone; ebi doyoon quyee beetinaꞌo amee gaacoonolla daneyaaneenaꞌone.

Hibireena'o 3:12

Ta maneenaꞌote! Beeyechi Yeerin qachiyemmi, Yeeri toommooch mullee tooꞌiyoon bajjemmi gonde mullo diqqich ittoshi daggoochee ikkoyichona bi beetaachemmoyich, ittoshi qelloon quyebote.

1 Pheexiroosi 1:18

Ittoshi qaabbechinaꞌo waanee ittoshi woraashiti duube beemoochee ittoshi biisheeto, birewoochoommon woyee aachoochoommon aallemmi mooyona tuneyaanoon, bachaalli xalle bagoommon tuneti, Kiristoosichi aaxxe damoona bi tunoon ariibeeto ittoshine.

2 Pheexiroosi 3:17

Illa ta shunechinaꞌote! Ebin shiichiꞌi ariito ittoshine; ebich ittoshi qelloona ebi are hukkechinaꞌochi muricoon dabbiree Yeeri toommooch beeti ittoshi mullee tooꞌiyee manjoochee ittoshi dihaachemmoyich, ittoshi qelloon ariibote!

2 Yowannisi 1:8

Illa Yeeri ittoshich bi qanniiti wojjoo bullin ittoshi deqqemmoyichalli, aayiree ittoshi mucceyaachemmoyich ittoshi qelloon quyebote!