Qolaasiyaasi 2:7 - Kafa Linguistics Project

⁷ biinna cammon awure eeniree, ittoshi doyitoommon bi toommooch mullee tooꞌiyoona manjibote; Yeerich galletoon woddiiree imbote.

Qolaasiyaasi 2:7 ပူးပေါင်းရင်းမြစ်များ

Shoddo 1:3

Aroo, woce aachi gashooch becheeti, bi goori gooroona aafaabeeti, bi waamo shoollaani, mixiyoommone; bi shuuneebeeto bulli biich kaamemmone.

Shoddo 92:13

Doono Yeerichi kexooch becheetinaꞌone; no Nuggishoochi addibaabooch waarwaariyemminaꞌone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Erimiyaasi 17:8

Aroo aachi gocooch becheeti, bi cammon aacooch awureebeeti, gaamoo waataa shataani, showoo shuuꞌiyooba keqqaani, bi waamoo waarwaariibeeti, kuxaanoon aafaabeeti mixoommone.

Luqaasi 6:48

Biyoo oppoon genjii iijjiichii manje xaqqee toommooch manjiiꞌi bi kexon haggiti uroommone. Ambamboo waahooba, aaco are kexon xuqqiye; tunetaa gaawichaa bi hakketoyich, shuurikkoon cir hakkaache.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

1 Qorontoosi 1:8

wotta Yeeriyoo no Doono Yesuus Kiristoosi wotteree bi woyemmi aabooba ikke bachaallo ittoshi tunemmoyich, ciirooch beddaahaa ittoshin manjiiree neechemmone.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

2 Qorontoosi 1:21

Kiristoosina, ittoshina tookkii noon kupphii beetonaa biich no maddemmoyich noon huuttitona Yeerine.

Efesooni 4:21

Iberoon biichon waayeto ittoshine; Yesuus waan beeti iberoon biinna tuneꞌi doyito ittoshine.

Efesooni 5:20

Tuneti mooyo bullich bulli aaboon no Doono Yesuus Kiristoosi shigoona Nihoo Yeerin galletebote.

Qolaasiyaasi 1:23

Ebi bi tunemmo, Kiristoosi toommooch mullee tooꞌiyoona manjiꞌi ittoshi waayeti mishiraachee qaaree gibenoochee shokaanoon ittoshi beegaatane. Are mishiraachoo shimaayoyee desh beeti halleetinaꞌo bullich getteetone; ta Phawuloosiyoo ebi mishiraachee qaaree maddechon tunehoye.

Qolaasiyaasi 3:17

Nihoo Yeerin Kiristoosina galletebee, ittoshi yibbaateebeeti yibbaatoon woyee ittoshi shuuneebeeti shuunoo bullin Doono Yesuusicha getiree tuniibote.

1 Tasaloonqi 5:18

amee mooyolla ittoshi toommooch bi shaggitaa, Yeerin galletebote. Ebi Kiristoos Yesuusina ittoshich Yeerichi daaggoo bi tunetoyichiye.

Hibireena'o 13:15

[Illa] bulli aaboon Yesuus waanaa Yeerich galletoon deejjoommon tuniiree giddiibone; ebiyoo Yeeri no Doono bi tunoon no miixee deejjoone.

Hibireena'o 13:9

Baribare dallaawe doyoon dabbiree tate gommoochee kechaahote. No mullo manjemmo Yeerichi wojjoonalli maayoyich icheti doyoon quyoona toonoone; ebi doyoon quyee beetinaꞌo amee gaacoonolla daneyaaneenaꞌone.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

Yihudi 1:12

Eboshi yeelleyaanoon woddiiꞌi uchii maa boonoshi beegaata, ittoshi ikkittinee madoochaa kiinoomminaꞌone; boonoshi qellichon baachiye boonoshi gabiibeeto; yongo shaccii aalliibeeti, amiyo deebaani quboomminaꞌone; bi gooroona aafeyaani, cammona waaxaa ciroona shuuqqiti mixoomminaꞌone.

Yihudi 1:20

Tunebaani ta shunechinaꞌote! Ittoshiyoo bulliyee beshoon yaafeeti gommona Yeeri toommooch mullee tooꞌiyoona dico ittoshich bi daakkeyemmoyich, ittoshinaa ittoshina gaacheyoona kupphebote; Yaafe Ayaanoona yaabeeree corootibote.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,