Qolaasiyaasi 2:5 - Kafa Linguistics Project

⁵ Meenona ittoshi waanee ta wokketaanona, bulli aaboon ittoshin gabaabeeto taane; gaawe qocoona ittoshi beemonaa Kiristoosi toommooch mullee tooꞌiyoona ittoshi manjoonon ta beeggetoyich emiraabeeto taane.

Qolaasiyaasi 2:5 ပူးပေါင်းရင်းမြစ်များ

2 Kiinoo 29:35

Woddoo tuneti micciibeeti deejjoyee baroo ikkittinee deejjee awuyonaa micciibeeti deejjoona tookkii giddeebeeti uyee deejjoona, giddee beetone. Ebiyoommon Doono Yeerichi yaafee kechi maddoo wottee yeshehe.

Shoddo 78:37

Boonoshi mullo biin gibenoona manjaanoone; bi wogoyichoo gibeneyaaneenaꞌone.

Shoddo 78:8

Boonoshi qaabbechinaꞌochi shiijjeroochoommon, babbereenaꞌo, hukkechinaꞌo, kaameyaani mullechinaꞌo, Yeerichoo gibeneyaani ayaanechinaꞌo, tuneyaachemminaꞌone.

Haddoo 7:11

Doono Yeeri Muusich ishichiye: “Ukkireenaꞌo boonoshi ikkikkoona, boonoshi wojjoon deejjee gudee diiree baaroyich, qemi qemona giddiibeete” iye.

Mishiraachechinaꞌo 2:42

Are asheenaꞌo mishiraachechinaꞌochi doyoon waayeebee, ikkottinoona beebee, maayoon ikkooch maabee, manjii corootii beeheete.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

1 Qorontoosi 11:34

Ittoshi kiceyoo nalloon ittoshi toommooch bi deebaachemmoyich, shaaceto koniyoona bi beegaata, bi kexoochaa mame. Echeti mooyon ittoshi waan ta waahooba qociyemmo taane.

1 Qorontoosi 14:40

Mooyo bulli yaaroonaa gaaweti gommona tunebe.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

1 Qorontoosi 16:13

Ittoshi qelloon ariibote; Kiristoosi toommooch beeti ittoshi mullee tooꞌiyoona manjiree neexebote; shattaayi kupphebote;

Qolaasiyaasi 2:1

Ittoshinaa Lodooqi kittinneenaꞌonoyich, wotta aafoona taan beeggii ariyaaneenaꞌo bullichoo am shaahe ooge qiiccee toommooch ta beeto gaata ittoshi ariyemmoyich shunnoye.

1 Tasaloonqi 2:17

Illa no maneenaꞌote! Mulloona baroo no qajjetaanona, meenona ittoshiyee giisheche aaboon no baritoyee gubb oogeti sharaatoona no beetoyich wochinnoon ittoshin aafoona ciinoyich woddoon qiicceto noone.

1 Tasaloonqi 3:8

Doono Yesuusina manjiꞌi ittoshi neexegaata, andoo emiribee kashoona beeyemmo noone.

Hibireena'o 3:14

Shiichiꞌi nooch beeti gibenoon ciirooch beddaahaa manjiiꞌa no yeshigaata, Kiristoosicho tuneto bullin qoodeyecho noone.

Hibireena'o 6:19

Shuuraanoon no beeyemmoyich, ebi no gibenaabeeti gibeno no kashoon quyee beetone; ebi are no gibeno Yesuusine; biyoo shimaajji yaafee kechi maaci Yaafe Xaaꞌooch maccillaatoon beshee giyitone.

1 Pheexiroosi 5:9

Showee toommooch beeti kittinnee ittoshi maneenaꞌo ebiyoommi xuuxo bullin beeggii beetinaꞌo boonoshi tunoon ariiree, ittoshi mullee tooꞌiyoona manjiree, biin koyebote.

Ruuti 1:18

Naꞌoomiyoo Ruuti biinna tookki hamma mulloochee tiijjaa tiyeti bi tunoon ariyaꞌa cikkaa qajjahan.