Qolaasiyaasi 2:4 - Kafa Linguistics Project

⁴ Ishin ta ii beeto, koniyoona noonee shaawona ittoshin bi dachaachemmoyichiye.

Qolaasiyaasi 2:4 ပူးပေါင်းရင်းမြစ်များ

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maatiyoosi 24:4

Yesuusi wochiꞌi boonoshich ishichiye: “Asho koniyoona ittoshin bi muriciyaachemmoyich, ittoshi qelloon quyebote.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

Mishiraachechinaꞌo 20:30

Ebiyee ikkikkeenaꞌo ittoshi daggoochee tiyiree, kittinneenaꞌon boonoshi waan wochiya xumme mooyon boonoshi ciiccemmon ariibeeto taane.

1 Qorontoosi 2:4

Ta yibbaatoonaa ta awaajjaabeeti awaajjoona ta tuniito, Yaafe Ayaanee giidoon bekkiyoonalli, ashi shalligoonaa dachee yibbaatoona toonoone.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

Galaati 2:4

Ebi mooyo bi tiyito, “Kittinnee manoo noone” ii beeti koote asheenaꞌo Kiristoos Yesuusina no daneti, guuchittinoochee keyon qiidoyich aashoona no daggooch boonoshi giyitoyichiye; boonoshiyoo guuchittinooch noon wochiya qaawiyeete.

Efesooni 4:14

Arooba acona muriciyoyich qanniti asheenaꞌochi dawushee naboona, yongoochoommon shaddeebeeti doyoona wullaawullebee aachi toommooch holliti kokeshoochoommon okk hach tegeggebee gubbich gaggere bushiishoon tuneyaachone.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

Qolaasiyaasi 2:18

Beꞌenee qellee giishiyoonaa maraakeenaꞌoyich goyinnoonon shunibee, “Ta besh taane; yaaꞌoon beeggeto taane” getibee Yeeri aalli gaboona duuboon geecibee koniyoona ittoshi toommooch nallaaye.

Qolaasiyaasi 2:8

Kiristoosi dojjiti doyoommon tuneyaanoon, ashi doyoommonaa hini showeexi ariyoommona, ariyoon shaahiibeeti yibbaatoonaa duube acona koniyoona ittoshin olle yeshiree guunon bi tuniyaachemmoyich ittoshi qelloon ariibote!

2 Ximootiyoosi 2:16

Yeerin oogiyaani, moochaalli yibbaatoochee wohe. Ebiyoommi yibbaatoo asheenaꞌon beshoon Yeer waanee wokkiyemmone;

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

1 Yowannisi 2:18

Ta shuni bushiisheenaꞌote! Hini yemeenee ciiroone; ebich “Kiristoosina koyecho woyemmone” getaa ittoshi waayetoommon, andolla meeti Kiristoosina koyechinaꞌo tiyitinaꞌone. Ebina yemeenee ciiro bi tunoon ariibeeto noone.

1 Yowannisi 2:26

Ittoshin muriciiya qaawiibeeti asheenaꞌochon ittoshich koorito taane.

1 Yowannisi 4:1

Ta shunechinaꞌote! Meeti koote keemechinaꞌo showee toommooch boonoshi kechitoyich, ayaaneenaꞌo Yeer waanee boonoshi tunoonaa tunee qayonon xiishiree ariibotalli, ayaano bullin iberiyaahote.

2 Yowannisi 1:7

“Yesuus Kiristoosi asho tuneꞌi waataanoone” ii beeti meeti muricciyechinaꞌo hini alemooch kechitinaꞌone. Ebiyoommi asho Kiristoosina koyechonaa muricciyechonane.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 20:3

Oppee hoonoochoo duppiye; hume nato ceennimmi wottoon aageteenaꞌon bi muricciyaachemmoyich, oppee hoonee kelloon hicciꞌi maatemoon geddiye; hume nato ceennitoyee gubb giisheche wottoyich baach biicheyemmone.

Yaaꞌoo 20:8

Showee awudde kelloona beeti aageteenaꞌon, Googinaa Magooginon bi muriciyemmoyich ginee koyee xaaꞌooch kiciya kechemmone; boonoshi haddoo baharee gasheexi qacoommone.