Qolaasiyaasi 2:2 - Kafa Linguistics Project

² Ta qiiccaabeeto, boonoshi mullo kupphemmonaa shunoona boonoshi ikkottemmonoyich, ceeni shalligoon daneree Yeerichi maacee mooyo tuneti Kiristoosin boonoshi ariyemmoyichiye.

Qolaasiyaasi 2:2 ပူးပေါင်းရင်းမြစ်များ

1 Taateenaꞌo 3:28

Taatoo nalliti nalloon Israꞌeeleenaꞌo bulli waayeheete. Dayinnetoona nalloyich Yeerichi shalligoo biich beemon boonoshi beeggitoyich, taatoon shattiyeete.

Shoddo 133:1

Maneenaꞌo ikkittinoona beemo, am shaahoon gaawetonaa emirikkitonane.

Isiyaasi 32:17

Ebi cadiqee aafo diggoon deebemmone; tooqqii kashoonaa gibenoona bulli yemeenoon showee toommooch tunemmone.

Isiyaasi 40:1

“Goggiibote; ta asheenaꞌon goggiibote” iye ittoshi Nuggishoo Yeeri.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Erimiyaasi 9:24

tunebaani degeyemmo, shoodoon, dayinnetoonaa cadiqoonon showee toommooch tuniyaabeeto ta tunoon bi ariyoonaa bi digenoona, ebina degeebe; ebiyoo ebi mooyinaꞌo taan boonoshi emirikkii beetoyichiye” iye.

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

Maatiyoosi 11:27

Wotta Yesuusi asheenaꞌoyich, “Ta Nihoo bulli mooyon taach immitone. Nihoo Yeeriyee damba Yeerichi Bushoo taan ariibeeto aalloone; Yeerichi Bushoo tayee besh, wotta Yeerichi Bushoo ta biich bekkiiya ta daaggiti ashoyee beshetaa, Nihoo Yeerin ariibeeto aalloone.

Maatiyoosi 13:11

Yesuusi wochiꞌi ishichiye: “Yeeri shimaajji taatittinee maacee mooyon ittoshich arichiitone; tunetaa bareenaꞌoyich arichiyaanoone.

Luqaasi 1:1

Iraano Teefilooso, batti batt boonoshi hajjee aafoona hini mooyinaꞌon beeggiꞌi mishiraachee qaaroon gettechinaꞌo nooch boonoshi arichiitoommon, ebiyee aaf no daggooch tuneti mooyon meetinaꞌo yaari yaaroona koorooch giyitinaꞌone.

Yowannisi 10:30

Taannaa Nihoo Yeerina ikkoo noone” iye.

Yowannisi 10:38

Tunetaa ta shuunegaata, taanolla ittoshi iberiyoo qayigaata, Nihoo Yeeri taanna tookkii bi tunoon, tawoo Nihoo Yeerina tookkii ta tunoon xiishiree ittoshi ariyemmoyich, ta shuunoon iberiibote” iye.

Yowannisi 16:15

Nihoo Yeerich beeto bulli taachone; ebich ‘Ta waanee bi waayeton ittoshich gettemmone’ iyoye” iye.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 5:17

Tunetaa boonoshich Yesuusi “Ta Nihoo hanaach beddaahaa shuunee beetone; tawoo ta qelloona shuunaabeeto taane” iꞌi gettiye.

Yowannisi 6:69

Nowoo, Yeerichi Yaafoo ne tunoon iberiito noone; ariinoo ito noone” iye.

Mishiraachechinaꞌo 4:32

Arooba Yesuusichi asheenaꞌo bulli ikke mullo, ikke kasho tuneheete; boonoshi daggoochee koniyoona “Hini gijjoo taachone” getaanoone; bullin gogeꞌi ikkooch qoodee beeheete.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 16:25

Bulli yemeenee Nuggishoo wonnee yemeenoochee tiijjiꞌi aachaa yagiti mooyon “and galleebe” itone. Ebich keemechinaꞌo boonoshi kooriti macaafoochaa xallayii gettitinaꞌone; aageteenaꞌoo boonoshi mulloon Yesuus Kiristoosi toommooch tooꞌiiree biich deꞌa boonoshi gettemmoyich waayeꞌi ariitinaꞌone. Illa ta gettaabeeti mishiraachoommona Yesuus Kiristoosicho getteebeeti wochoommon ittoshin kupphiyoon hakkemmi,

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

1 Qorontoosi 14:31

Waayeebeeto bulli ariyemmonaa kupphemmonoyich, ittoshi bulli kaalli kaalloona keemoon keemon hakkiyote.

1 Qorontoosi 2:12

Tunebaani nooch icheti wojjoo bullin no ariyemmoyich, Yeer waanee wocheeti Ayaanoani, hini alemeexi ayaano toonoone nooch icheto.

Galaati 3:28

Ittoshi bulli Kiristoos Yesuusina, ikkoo tuneto ittoshine. Ebich Ayihudee asho geto woyee Giriikee asho geto aalloone; guuchi yaroo geto woyee doonji yaroo geto aalloone; anaamo geto woyee maachee geto aalloone.

Efesooni 1:7

Yeerichi wojjoo woddetoyich, bi Bushoochi damoona biicheto noone; ebi getoo no xuꞌoyich maaroon daneto noone getone.

Efesooni 3:16

Maaci ittoshi ashittino manjemmoyich, Yeeri worganikkiti bi oogoochee bi Ayaanoona giidoon ittoshich bi wojjemmonaa Kiristoosi bi toommooch ittoshi mullee tooꞌiyoona ittoshi mullooch bi beeyemmonoyich, corootaabeeto taane; Yeerinaa ashoonon ittoshi shunnii beetoyich bulli mooyon tuniibee, yaafeenaꞌo bullina tookki Kiristoosichi shunee gamino, gidoo, neexoonaa duchoona ebine getiree ittoshi shalligemmi hakkoo ittoshich bi beeyemmoyich corootaabeeto taane.

Efesooni 3:3

Shiichaꞌa ebi mooyichon qaminona ta kooritoommon, Yeeri aricheyaani mooyon gaxxiꞌi taach bekkiihe.

Efesooni 6:22

Ittoshi waan biin wochaa ta daachiibeeti naboo, no mooyon bi getaa ittoshi ariyemmoyich, ittoshi mulloonoo bi goggiyemmonoyichiye.

Filipphisiyoosi 2:1

Kiristoosina kuppheebeeto ittoshi tunegaata, bi shunoona goggeebeeto ittoshi tunegaata, bi Ayaanoona tookkii ikkittino ittoshich beegaata, ittoshinaa ittoshina shoodeebeeto, ariqqeebeetoo ittoshi tunegaata,

Filipphisiyoosi 3:8

Ebi ikkeeto tuneyaanoon, bulliyee beshiton danoyich, ebiyoo Kiristoos Yesuusi ta Doonon ariyoyicha iyaꞌa ebi mooyinaꞌon ciroona gaacaachemminaꞌon tuniiꞌa haddito taane. Biicha iyaꞌa eboshi bullin qajjeto taane. Kiristoos Yesuusi toommooch mullee tooꞌiyoona daneebeeti cadiqoo, ebiyoo sheeroon ceechii ta quyoona daneti cadiqoo tuneyaanoon, mullee tooꞌiyoona Yeer waanee daneebeeti cadiqoo taach bi beeyemmoyich, Kiristoosin danoyicha iyaꞌa bullin guudoon shaahiiꞌa duppeto taane.

Qolaasiyaasi 1:26

Hini qaaro wonnee yemeenoochee tiijjiꞌi shiijjereenaꞌo bullich aacheeti maacee mooyone; tunebaani and ebi are maacee mooyo yaafeenaꞌoyich gaxxeetone.

Qolaasiyaasi 1:27

Boonoshichoo Yeeri ebi maacee mooyo Aageteenaꞌo daggooch am shaahoon worganikkiibeeto gaata bi tunoon arichiyoyich shunniye; ebi maacee mooyo Yeerichi oogee yiiroon danee gibeno tuneti Kiristoosi ittoshi mullee daggooch beemone.

Qolaasiyaasi 1:9

Ebich no wotta ishin no waayeti aaboochee tiijjaꞌa, Yeeri bi Ayaanoochee daneebeeti ariyoonaa shalligoo bullinon ittoshich ceenoona imiree bi daaggoon ittoshich bi arichiyemmoyich, qollaabee ittoshich corootoon kuxaano noone.

Qolaasiyaasi 2:19

Ebiyoommi asho shimbo tuneti Kiristoosina tookkii amee yesholla biich aalloone; ashittino bullin maqqoona gawii yeshiibee maanjjiibeeto shimboone.Yeeriyoo ashittino eennemmoyich bi tuniibeeto ebiyoommi gommonane.

Qolaasiyaasi 3:14

Eboshi bulli toommooch ceeni ikkittinoona bullin cuchiibeeti shunoon daakkiree tahebote.

Qolaasiyaasi 4:3

Yeerichi qaaroon ta getti naboonane and cuyee kexooch cuchaꞌa ta beeto; ebich ittoshi corootii beegaata, Kiristoosichi qaaree maacee mooyon gaxxi no gettemmi bi qaaree kelloon Yeeri qechemmoyich, noochoo corootibote.

Qolaasiyaasi 4:8

Biin ittoshi waan ta wochaa daachiibeeto, no mooyon ittoshich bi getteemmonaa ittoshi mulloon bi goggiyemmonoyichiye.

1 Tasaloonqi 1:5

Ittoshi waan no waahooba mishiraachee qaaroon ittoshich no getteto, xiishaꞌa no iberiyoon bekkiyoonaa Yaafe Ayaanee giidoona no shuunoonalli, noonoona baach toonoone. Ittoshina tookkaa no beehooba, ittoshich gabaabee aabichaꞌa no beeto gaata ariibeeto ittoshine.

1 Tasaloonqi 3:2

Kiristoosichi mishiraachee qaaroon gettiibee noonna tookkii Yeerich shuuneebeeti no manoo Ximootiyoosin ittoshi waan wochaa daachiito noone; ebi ittoshi toommooch shaggiti duꞌoona koniyoona Kiristoosi toommooch mullee tooꞌiyoochee bi shuuraachemmoyich ittoshin ciici bi goggiyemmoyichiye wochaa no daachiito. Ebi duꞌo no toommooch shago Yeerichi daaggoo bi tunoon ittoshiyoo ariibeeto ittoshine.

1 Tasaloonqi 5:14

Wotta no maneenaꞌote! Ittoshin ciiccaabeeto noone; shuuna biisheenaꞌon kaare ciicote; aafi shateenaꞌon kupphiibote; kuppheyaaneenaꞌon gaachebote; asho bullin haaꞌiibote.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 6:11

Kiristoosi toommooch mullee tooꞌiyoonaa haaꞌiyoona Yeeri gibenikkiti mooyon woraashii beetinaꞌoommon ittoshi tunemmoyichalli, beenechinaꞌo ittoshi tunemmoyich ta qaatoo toonoone; are gibeno ceennimmi wottoon ittoshi ikkikkoo ebiyee aaf ittoshi kupphetoommon, ciirooch beddaahaa ittoshi kupphemmoyich qaataabeeto taane.

2 Pheexiroosi 1:10

Ebich ta maneenaꞌote! Ittoshi ceekkoonaa kaachoonon manjiyoyich, aafichoyee beshoon kupphebote. Ebi mooyinaꞌon ittoshi tuniigaata, ittoshin tephi dichemmi mooyo ciroona aalloone.

2 Pheexiroosi 1:3

Yesuus Kiristoosi bi oogee yiiroonaa bi deꞌittinoonoochee no qoodeyemmoyich, noon ceeggiton no ariyoona yaafeeti kashoonaa Yeerin oogiibeeti qocoona no beeyemmoyich bi Nuggishittinee giidoona qaawiibeeti mooyo bullin nooch immiye.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

1 Yowannisi 3:19

Ebina iberoo tuneti Yeer magecho no tunoon manjiyemmo noone; ebinoo “No mullo noon ittibatee beetone” iyaꞌa no shalligaabeeti mooyo bulliichee Yeeri aafooch kashemmo noone. Aroo no mulloyee beshoon oogoo bi tunetoyich, bullin arii beetone.

1 Yowannisi 5:7

Miixee beetinaꞌo keeminaꞌone;