Qolaasiyaasi 2:18 - Kafa Linguistics Project

¹⁸ Beꞌenee qellee giishiyoonaa maraakeenaꞌoyich goyinnoonon shunibee, “Ta besh taane; yaaꞌoon beeggeto taane” getibee Yeeri aalli gaboona duuboon geecibee koniyoona ittoshi toommooch nallaaye.

Qolaasiyaasi 2:18 ပူးပေါင်းရင်းမြစ်များ

Halloo 3:13

Nuggishoo Doono Yeeriyoo ureen “Ebi ne tuniiti mooyo, amoone?” iye. Ureyoo wochaꞌa, “Dingero taan dawusheenane ta maato” iyan.

Iyoobi 38:2

“Ariyaanoon yibbaatoona ta shalligoon qallayaabeeti ne, halla koni neene?

Isiyaasi 57:9

Zayitoon, wodde shittoonoo yechaꞌa Molook waan hammehine; ne wocheyechinaꞌon wohooch, maash beddaahaa daachiihine.

Hiziqeeli 13:3

Nuggishoo Doono Yeeri ishichiye: Amoonolla beegaanoon boonoshi mullee gaboon dabbiibeeti mullaalli keemechinaꞌoyich woowo!

Daaneeli 11:38

Eboshichi qoodoon mishigeenaꞌon quyeebeeti nuggishoon oogiyemmone; bi qaabbechinaꞌo ariyaani nuggishoyich aachoon, birewoon, aaxxe xaqqeenaꞌonaa aaxxe wojjoonon giddiyemmone.

Haddoo 25:18

Ebiyoo Feꞌoori guudoochaa ittoshin dawushiꞌi ittoshi toommooch boonoshi shuuneti gonde mooyonaa Feꞌooraa kinditi naxee naboona qititi boonoshi iraashoochi bushee tuneti boonoshi manee Kozibichi gommona ittoshin boonoshi dawushiti dawushoonoyichiye” iye.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Roomi 1:25

Ebiyoo Yeerichi iberoon kootoona boonoshi shadditonaa Hallito beetaa halleetoyich boonoshi goyinnee maddetonoyichiye. Halliti Yeeri bulli yemeenoon galleteetone. Ameena.

Roomi 16:18

Ebiyoommi asheenaꞌo boonoshi maacoyich baachalli no Doono Yesuus Kiristoosich hajjeyaaneenaꞌone; gaaweto shaahii beetonaa maanjee yibbaatoona diqqe asheenaꞌochi mulloon dachii beetinaꞌone.

1 Qorontoosi 13:4

Shunecho bulli mooyon haaꞌiihe; ashoyichoo deehe. Shunecho qanaateyaache. Shunecho naadeyaache; geecaache;

1 Qorontoosi 4:18

Ittoshi daggoochee ikkikkeenaꞌo taan “No waan waataachemmone” iibee geecii beetinaꞌone.

1 Qorontoosi 4:6

Ta maneenaꞌote! “Kooreeti sheeroon shaaddiyaahote” getteeton no waanee ittoshi ariyemmoyich, ittoshicha iyaꞌa taannaa Aphiloosinochi mooyon malletoon tuniiꞌa getteto taane. Ebich ittoshi daggoochee koniyoona ikkoona geecibee baroon hoxaaye.

1 Qorontoosi 8:1

Andoo shahalloyich deejjeeti deejjeechon “No bullich ariyoo beemo” iberoone. Ariyoo ashoon geececho tunii beetone; tunebaani shuno ashoon eennii beetoone.

1 Qorontoosi 9:24

Woccii beshoon gajjiteeꞌi wocee beetinaꞌo daggoochee wocona beshiree naadee wojjoon danemmo ikke uro baach tunoon ariyaachote? Ebiyoommon naadee wojjoon ittoshi danemmoyich kuppheree gaaweti wocon wocebote.

2 Qorontoosi 11:3

Tunebaani dingero bi acona Hewaanin bi dawushoommon, diqqich ittoshi gaboo duubetaa Kiristoosich beeti ibere xalle ittoshi shunoon qajjemmo ittoshine iyaꞌa shattaabeeto taane.

2 Qorontoosi 12:20

Ittoshi waan ta waahooba, diqqich ta gabitoommon tuneree daneyaachemmo ittoshine; tawoo wotta ittoshi gabitoommon tuneree daneyaachemmo taane. Hayo, qanaato, kaaro, “Ta besh taane” geto, oono, ashi shigee shaaꞌiyoo, geecoo, cangecho ittoshi waan beemo qayaache iyaꞌa shattaabeeto taane.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Efesooni 5:6

Eboshi naboona Yeerichi kaaree shiixxoo biich deꞌa getaaneenaꞌo toommooch kindemmone; ebich koniyoona duube yibbaatoona ittoshin dachaaye.

Yibbaatoo 29:29

“Gaxxeyaani mooyo no Nuggishoo Doono Yeerichone; tunebaani noonnaa no shiijjeroona bulli yemeenoon no quyemmoyich, Doono Yeeri bi sheeroon nooch gaxxitone” iye.

Filipphisiyoosi 3:14

Yeeri Kiristoos Yesuusina, damba beeti kashoyich taan bi ceeggiti naadee wojjoon ta danemmoyich, tuggooch shagga woccaabeeto taane.

Qolaasiyaasi 2:23

Ebi mooyinaꞌo bi qelli daaggoommona goyinnoonaa shaahiyee qellee giishiyoona, meenonoo maajjiyoona ariyechon shaahiyeete; tunebaani meechi qaatoon bayoyich amoonolla gaacaaneenaꞌone.

Qolaasiyaasi 2:4

Ishin ta ii beeto, koniyoona noonee shaawona ittoshin bi dachaachemmoyichiye.

Qolaasiyaasi 2:8

Kiristoosi dojjiti doyoommon tuneyaanoon, ashi doyoommonaa hini showeexi ariyoommona, ariyoon shaahiibeeti yibbaatoonaa duube acona koniyoona ittoshin olle yeshiree guunon bi tuniyaachemmoyich ittoshi qelloon ariibote!

1 Ximootiyoosi 1:7

Boonoshiyoo Muusichi Sheeree dojjechinaꞌo tunoon shunniibee, boonoshi yibbaatee beeton woyee aafoon kuppheꞌi ashich boonoshi gettiibeeti mooyon shalligaaneenaꞌone.

1 Ximootiyoosi 4:1

Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

2 Pheexiroosi 2:14

Maacheen beeggii beshiiyaaneenaꞌone; beddiye iꞌi axaaxee shuunoochee wotteyaaneenaꞌone. Ikke gaboona manjaani asheenaꞌon dawushii beetinaꞌone; hiriggoon doyiti mullo boonoshich beetone; uppeti shiijjereenaꞌone.

1 Yowannisi 2:26

Ittoshin muriciiya qaawiibeeti asheenaꞌochon ittoshich koorito taane.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:14

Aafi cooxo aafooch bi bekkiyemmoyich daaggeeti malletoona showee toommeexi asheenaꞌo bullin muricciihe; goraadoona bi mayetaanona, batt kashoona beeti cooxoyich bi shahalloon boonoshi shuunemmoyich showee toommooch beeti asheenaꞌoyich gettiye.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 19:10

Hini are maraakoyich goyinneya bi baatooch dihiyo; tunebaani aroo “Neen ariibe! Eechiyaahine! Neechoommon, Yesuusi miixeti iberoon yechiti ne maneenaꞌochoommonoo Yeerichi guuno taane; Yeerich baachiye ne goyinnemmo. Yesuusi miixeti iberoo Yeerichi wochoon boonoshi gettemmoyich asheenaꞌon shuurikkii beeti ayaanoone” iye.

Yaaꞌoo 3:11

“Kaateree woyemmo taane; neech ichemmi gubbichoon koniyoona bi bogaachemmoyich, neech beeti mooyon manjiiree yeshe.