Qolaasiyaasi 2:16 - Kafa Linguistics Project

¹⁶ Illa maayee naboona woyee uyee naboona woyee nati baaroon woyee agenee keyi baaroon woyee shambetoon ittoshi quyee qajji naboona koniyoona ittoshi toommooch nallaaye.

Qolaasiyaasi 2:16 ပူးပေါင်းရင်းမြစ်များ

2 Taateenaꞌo 4:23

Biyoo, “Hanaach agenee keyi baaroo woyee shambetoo toone; bi waan ne hammemmo amoyichiye?” iye. Ureyoo “Diggoyichiye” iyan.

2 Kiinoo 31:3

Doono Yeerichi sheerooch bi kooreetoommon, maaddoonaa womikkoona, shambetooba, agenee keyi baaroobinaa maacheti baaroobina giddeebeeti, micciibeeti deejjoyich taatoo bi hajjee gijjoochee immiye.

Nehimi 10:31

“Boonoshiyoo maayoon woyee bare mooyo amoonolla shambetee aaboon woyee baaree aaboon woyee yaafeeti amee aaboonona, kemma boonoshi deebigaata, boonoshi waanee kemeyaachone; shabaatti shabaatte natona showoon goyaanoon kashiyemmo noone; hiishoo bullinoo maaremmo noone.

Nehimi 10:33

Ebi wojjoo yaaree koshoyich, qemi qemona giddeebeeti maayi buuroonaa micciibeeti deejjoonoyich, shambetooba giddeebeeti deejjoyich, agenee keyi baaree deejjoyich, maacheti baaree aaboyich, yaafeeti wojjeenaꞌoyich, Israꞌeeleenaꞌochi axaaxoon maariyoyich giddeebeeti deejjoonaa no Nuggishoochi kechi maddoo bullinoyich heechemmone.

Nehimi 8:9

Showee iraashoo Nehimi, qeeshoo, sheeree dojjechi Izirinaa asheenaꞌon dojjiibeeti Leweenaꞌona asheenaꞌo bullich “Hanaachi aabo no Nuggishoo Doono Yeerich yaafeeti aaboone. Ayini eeppaahote; tuumishoo gettaahote” iyeete. Ebiyoo asheenaꞌo bulli Yeerichi qaaroon boonoshi waayehooba, boonoshi eeppii beetoyichiye.

Shoddo 42:4

Dofee asheenaꞌon dabbiyaꞌa, boonoshina tookkaa Yeerichi kexooch ta hamon, ililiibee galletee shoddoona baaroon no baaroon, ebi mooyon ta gabimmona ta mullo tiishehe.

Shoddo 81:3

Batti batti agenee keyooba, no baaree aabooba, ceeni agenee bekkehooboo, shametoon hugote.

Isiyaasi 1:13

Gaacaalli ittoshi buuroon ebiyee bekk deebaahote; ixaanoo taan tiyaarii beetone; batti agenee keyi ittoshi baaroon, ittoshi shambetoon; ittoshi iitoonaa xuꞌoona ceenniti ittoshi kiceyoonon haaꞌiyoon hakkaache.

Hiziqeeli 4:14

Aroochee tawoo ishichiyo: “Nuggishoo Doono Yeero, ebi tunaaye; ciroona eeꞌaa ariyaano taane; ta bushittinoochee tiijjaꞌa ebiich beddaahaa bi aalla qititon woyee cooxo yechiton ciroona maataano taane; eeꞌe maayo ta noonooch shaggii ariyaanoone” iyo.

Hiziqeeli 45:17

Baari baaroona, agenee keyi baaroona, shambetoona, maacheeti Israꞌeelee baaroo bullina micciibeeti deejjoon, maayi buuroon, uyee buuroonoo qanniyoo iraashoochone. Iraashoo Israꞌeeleenaꞌochi axaaxoon maariyoyich, axaaxee deejjoonaa maayi buuroonon, micciibeeti deejjoonaa ikkittinee deejjoonon giddiyemmone” iye.

Leweenaꞌo 16:31

Ebi aabo ittoshich shambetoochoommon kashee aabo, coomiree ittoshi heechemmi aabo tunebe. Ebiyoo ittoshich bulli yemeenee qociyoo tunebe.

Amootsi 8:5

Ittoshiyoo “No maayoon no kemmemmoyich, agenee keyi baaroo besheshoo geta! Teepphoon wochinnoon no kemmemmoyich shambetoo besheshoo geta! Ebi aabo beshemmo gaata, munne kobbayona maayoon qeelle aaxxii kemibee, koote machoona asheenaꞌon dachesho noone.

Haddoo 10:10

Wotta ittoshi emiree aabooba, ittoshi baari baarooba, agenee keyi baarooba, micciibeeti deejjoonaa ikkittinee deejjoonon ittoshi giddiihooba tiroon hugote. Eboshiyoo Doono Yeeri ta aafoochaa ittoshi shalligeyemmoyich tuniyemminaꞌone; ta, ittoshi Nuggishoo Doono Yeeri taane” iye.

Maatiyoosi 15:11

Ashoon eeꞌiibeeto kookkoona giyiibeeti maayo toonoone; tunetaa ashoon eeꞌiibeeto ashi noonoochee kechiibeeti mooyone” iye.

Maariqoosi 7:19

Maayo ashi maacooch giyiꞌi maach keyoyee damba, ashi mullooch giyaache” iye. Ebina Yesuusi maayo bulli xalloo tunoon arichiihe.

Mishiraachechinaꞌo 15:20

Tunebaani Muusi kooriti macaafoon aafi shiijjeroochee tiijjiꞌi, shambeti shambetooba Ayihudeenaꞌo kiceebeeti kexoochaa shemmee beetinaꞌonaa katemoo bulliichaa gettii beetinaꞌona beetoyich, ‘Shahalloyich deejjeeꞌi eeꞌeton maayaahote; shunee mamoochee wohote; guureyaanoon taaqqee qititon, damoonoo maayaahote’ getiree boonoshi waan kooribone” iye.

Roomi 14:10

No bulli Yerichi nallee gabberee aafooch neexemmo noone. Ebich ne manoo toommooch amoyichiye ne nallaabeeto? Newochi wotta ne manoon amoyichiye ne qallayaabeeto?

Galaati 4:10

Aaboon, agenoon, yarimmoon, natonoo haddiꞌi baariibeeto ittoshine.

Qolaasiyaasi 2:20

Illa hini alemeexi ashoon hajjiibeeti ariyoommi gaboochee biicheꞌi Kiristoosina tookkii ittoshi qititoyee, hini alemeexoommon tuneti ashi doyoommon “Hinichi achooch shaggaahine! Hinin napphe beeggaahine! Ebinoo yechaahine” ii beeti getoyich amoyichiye ittoshi hajjeebeeto?

Hibireena'o 13:9

Baribare dallaawe doyoon dabbiree tate gommoochee kechaahote. No mullo manjemmo Yeerichi wojjoonalli maayoyich icheti doyoon quyoona toonoone; ebi doyoon quyee beetinaꞌo amee gaacoonolla daneyaaneenaꞌone.

Hibireena'o 9:10

Ebiyoo, eboshi Yeeri bullin bi andiriimmi yemeenee wottoon tuneebeeti maayoonaa uyoonochi doyoo, baribare xallittinee doyoo tuneebeeti, maach bekkeebeeti ashittinee doyeenaꞌo baach boonoshi tunetoyichiye.

Yaaqobi 4:11

Ta maneenaꞌote! Ittoshinaa ittoshina ooneyaahote; bi manoon oonniibeeto, bi oonniibeeto sheerooniye; bi manoo toommooch nallii beetoo, bi nalliibeeto sheeree toommoochiye. Wotta sheeree toommooch ne nalligaata, nallee gabberooch koteto nealli, sheeroon quyeebeeto toono neene.

1 Saameeli 20:18

Aroochee Yonaataani Daawitich ishichiye: “Yaach agene kechi baaroone. Ne kote xaaꞌoo shokko bi tunoona, arooch aallo ne tuno arichemmone.

1 Saameeli 20:5

Daawitiyoo biich ishichiye: “Ebiyoche, yaach agenee keyi baaroo bi tunetoyich, maayoon mamoyich taatoona tookki madooch koto taach qaawii beetone. Tunebaani sharitti wottoon ikke kubbooch aashe ta beeyemmoyich tuniibe.