Qolaasiyaasi 1:16 - Kafa Linguistics Project

¹⁶ bekkee beetinaꞌonaa bekkeyaaneenaꞌona, taatittino tuneba woyee doonjittino tuneba woyee iraashittino tuneba woyee ukkirittino tuneba showoonaa shimaayoonooch beetinaꞌo bulli biinna halleetinaꞌone. Bulli mooyo biinna halleetone; biichoo halleetone.

Qolaasiyaasi 1:16 ပူးပေါင်းရင်းမြစ်များ

1 Kiinoo 29:11

Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.

Nehimi 9:6

Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.

Shaahiyoo 16:4

Doono Yeeri halliti mooyo bulli nabechone; biyoo gondeenaꞌon aallee aaboyich qanniitone.

Isiyaasi 43:21

Ta qellich ta halliti asheenaꞌo, taan gallete shoddemminaꞌone” iye.

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Yowannisi 1:10

Are Qaaro alemooch beehe; alemo halleeto biinnane; tunetaa alemo biin ariyaanoone.

Yowannisi 1:3

Yeeri bulli mooyon biinna halliihe; halleetinaꞌo daggoochee ikkolla bi aalloon halleeto aalloone.

Roomi 11:36

Bulli mooyo halleeto bi waanee, biinna, biichiye. Biichoo bulli yemeenoon oogee yiiroo tunebe! Ameena.

Roomi 8:38

Qitoo bi tunetaa, kasho bi tunetaa, maraakeenaꞌoo boonoshi tunetaa, shimaajji iraasheenaꞌoo boonoshi tunetaa, and beeto bi tunetaa, gubb woyemmo bi tunetaa, shimaajji giideenaꞌo boonoshi tunetaa,

Roomi 9:5

Qaabbechinaꞌochi yareenaꞌone; eboshichi daggoochee Kiristoosi meenona shiijjeꞌi waahe; biyoo bulliyee beshoone; bulli yemeenoonoo diireeti Nuggishoone. Ameena.

1 Qorontoosi 8:6

nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.

Efesooni 1:10

Ebiyoo yemeeno bedaa tuniiya bi gabiti mooyo, shimaayoonaa showoonooch beeto bulli ikkoo tuneree Kiristoosich bi hajjeyemmoyichiye.

Efesooni 6:12

No koyaabeeto, shimaajji xaaꞌooch beeti yinnee ginechinaꞌona tookkaa, ukkireenaꞌonaa iraasheenaꞌona tookkaa, hini manderee yemeenooch asheenaꞌon hajjiibeeti gonde ayaaneenaꞌona tookkaanalli, ashoona tookkaa toonoone.

Yibbaatoo 4:39

“Illa and damba shimaayooch tuneba desh showooch, Doono Yeeri baach Nuggishoo bi tunoon, bare nuggishoo aallo bi tunoonoo shalligibe. Ebinoo ne mullooch manjii yeshe.

Filipphisiyoosi 2:10

ebin bi immito, shimaayoonaa showoonooch, showoyee deshoo beeto bulli Yesuusichi shigoyich bi gutenemmonaa

Qolaasiyaasi 1:15

Kiristoosi bekkeyaani Nuggishoochi shaahiyoone; halleetinaꞌo bulliyee shiichiꞌi beeti qaabboone;

Qolaasiyaasi 1:20

masqalooch ufeti ebi bi Bushoochi damoona diggoon tuniiꞌi, showooch tuneba shimaayooch beeti mooyo bulli biinna tookki shunemmoyich tuniihe.

Qolaasiyaasi 2:10

Ittoshiyoo ceeni kashoon ittoshi daneto, taatittino bullinaa iraashittino bullinochi shimbo tuneti Kiristoosinane.

Qolaasiyaasi 2:15

Hini are masqalee toommoochaa Kiristoosi gondoochi iraasheenaꞌonaa ukkireenaꞌonon kochii wochiꞌi, boonoshi giidoon shootona bulli aafooch cooqqireetinaꞌon tuniihe.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

Hibireena'o 2:10

Bulli mooyon halliti, bulli mooyo biich beeti Yeeri meeti bushiisheenaꞌon oogee yiirooch deeboyich, boonoshi wodee shimbo tuneti Yesuusin xuuxoon beegona beddito bi tunemmoyich bi tuniyoo tatoone.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.