Qolaasiyaasi 1:10 - Kafa Linguistics Project

^10-12 Gaawe shuunoo bullina aafoon aafebee, Yeerin ariyoona dicibee, bulli mooyona kupphoonaa haaꞌiyoona worganikkiibeeti bi giidoommon oogichi kupphebee, Yeeri bi yaafeenaꞌoyich bi qanniiti iristoon bi taatittinee bekkoochee no qoodeyemmoyich noon bechiti Nihoo Yeerin emiroona galletebee, mooyo bullina biin emirikkiya Doonoyich bedditon tuneree ittoshi beeyemmoyich corootaabeeto noone.

Qolaasiyaasi 1:10 ပူးပေါင်းရင်းမြစ်များ

Shaahiyoo 16:7

Asho bi shaaddoona Doono Yeerin emirikkiibeeto bi tunegaata, bi etteenaꞌo diggoona biinna tookki boonoshi beeyemmoyich tuniihe.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Daaneeli 12:4

“Daaneelo, yemeenee ciiree wottoon macaafoon qodi nashi dookkibe! Meetinaꞌo ariyoon daakkiya okk hach wocemminaꞌone” iye.

Mikiyaasi 4:5

Aageteenaꞌo bulli boonoshi ikkikkoona boonoshi nuggisheenaꞌoyich goyinne maddemminaꞌone; tunebaani no, no Nuggishoo Doono Yeerich bulli yemeenoon goyinne maddemmo noone.

Imbaaqoomi 2:14

Tunebaani aaco baharooch ceenoommon showoo Doono Yeerichi oogee yiiroon ariyoona ceennemmone.

Yowannisi 15:16

Ta ittoshin kaaccehoani ittoshi taan kaacaano ittoshine. Nihoo Yeeri ta shigoona ittoshi qolleto bullin ittoshich bi immemmoyich, hamiree beeyemmi aafoon ittoshi aafemmoyich ittoshin ukkiriito taane.

Yowannisi 15:8

Wodde aafoon ittoshi aafegaata, ta dabboonoo ittoshi tunegaata, ebina ta Nihoo oogemmone.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Roomi 1:13

Ta maneenaꞌote! Bare Aageteenaꞌo daggooch tunetoommon, ittoshi daggooch beeti asheenaꞌo wotta ta gommona Kiristoosin boonoshi danemmoyich, wodde wottoon ittoshi waan woya ta gaboon, tunebaani and beddaahaa womoyich hakkee ta qayon ittoshi ariyemmoyich shunnoye.

Roomi 4:12

Dokireetinaꞌoyichoo nihoone. Ebiyoo boonoshi dokireetoyich tuneyaanoon, no nihoo tuneti Abrahami dokireyaan beebee, mulloon Yeeri toommooch bi tooꞌiitoommon, mulloon boonoshi tooꞌitoyichiye.

Roomi 6:4

Illa Nihoo Yeeri bi oogee yiiroona Kiristoosin qitoochee bi tiijjitoommon, ebiyoommon wotta noonoo bi tiijjaa andire kashoona shaꞌebee no beeyemmoyich, Kiristoosi qitoona ikkoo tunaꞌa no afaalleyoona biinna tookkaa duukkehone.

2 Qorontoosi 2:14

Yeerich galleto bede; gondoochi giidoon kochii wochiꞌi Kiristoosina keccetinaꞌochoommon bulli aaboon noon yaabii beetone; Kiristoosin ariyee cinno bulli xaaꞌooch bi beddemmoyich noonna shuunee beetone.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

2 Qorontoosi 5:9

Ebich wotta hini no meenona no beetaa woyee no baritaa, Doono Yesuus Kiristoosin emirikkoon oogichaa qaawaabeeto noone.

2 Qorontoosi 9:8

Bulli aaboon bulli gommona ittoshich qaawiibeeto bullin daneree, gaawe shuunoo bullin woddiree ittoshi shuunemmoyich, Yeeri bi wojjoo bullin ittoshich woddiyoon hakkiye.

Efesooni 1:17

Oogee yiirecho tuneti Nihoo, biyoo no Doono Yesuus Kiristoosichi Nuggishoo biin ariyoona shalligechon ittoshin tuniyemmi, biin ittoshich bekkiyemmi Yaafe Ayaanoon ittoshich bi immemmoyich qollaabeeto taane.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Efesooni 4:13

Ebiyoo no bulli Yeeri Bushoo toommooch mullee tooꞌiyoonaa biin ariyoona daneebeeti ikkittinooch shagiree, kachiti ashoon tunoona, bullina Kiristoosin shaahooch no beddemmi wottooniye.

Efesooni 5:15

Illa aabichiree ittoshi beeyemmo gaata ariyoona ittoshi qelloon quyebote. Shalligechinaꞌoommonalli tuusheenaꞌoommon tuneree beeyaahote.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

Filipphisiyoosi 1:27

Illa Kiristoosichi mishiraachee qaaroyich baach bedditon tuneree beebote. Ebi tunegaata, waa ittoshin ta beeggetaa woyee ittoshiyee ta wokketaa, ikke mulloona mishiraachee qaaree gibenoyich qiicceebee ikke ayaanoona manjiꞌi ittoshi neexoon waayemmo taane.

Filipphisiyoosi 4:18

Ittoshi deejjiti gijjee wojjoon Ephafroditoos waanee deqqeto taane; illa and bulli mooyo taach beetone; beshaa beshoonoo woddetone. Ebi ittoshi immiti gijjee wojjoo Yeerich giddeebeeti cinnechonaa biin emirikkii beetona tuneti deejjoone.

Qolaasiyaasi 2:19

Ebiyoommi asho shimbo tuneti Kiristoosina tookkii amee yesholla biich aalloone; ashittino bullin maqqoona gawii yeshiibee maanjjiibeeto shimboone.Yeeriyoo ashittino eennemmoyich bi tuniibeeto ebiyoommi gommonane.

Qolaasiyaasi 2:6

Illa “Kiristoos Yesuusi Doonone” iꞌi ittoshi miixetoommon, biinna beebote;

Qolaasiyaasi 3:20

Bushiisheenaꞌote, ebi Doono Yeerin emirikkiibeeto bi tunetoyich, bulli mooyona ittoshi nihoonaa ittoshi indeenoyich deꞌa getote.

Qolaasiyaasi 4:5

Yeeri ittoshich immiibeeti gommo bullina Kiristoosichon miixebee Kiristoosi toommooch mulloon tooꞌiyaani asheenaꞌo daggooch ariyoona shaꞌebote.

1 Tasaloonqi 4:1

Illa ciiroochaa no maneenaꞌote! Yeerin emirikkoyich gaawe qocoona ittoshi beemo ittoshi tuniiya bede mooyo bi tunoon ittoshich no dojjaa waayeto ittoshine; andoo ebiyoommi gaawe qocoona beeto ittoshine; tunebaani wotta ebiyee beshoon ittoshi tuniyemmoyich no Doono Yesuusina ittoshin qollaabeeto noone; ciiccaanoo beeto noone.

2 Ximootiyoosi 2:4

Koyooch ceegaa hammiibeeti asho bulli ginee iraashoon emirikkoyich gabiyalli, bare shuunooch giyiꞌi xandeyaache.

Titoosi 3:1

Ne waan beeti kittinneenaꞌon, iraasheenaꞌonaa ukkireenaꞌonoyich hajjee beetinaꞌonaa deꞌa ii beetinaꞌona, deꞌe shuunoo bullichoo qannitinaꞌo,

Titoosi 3:14

No macceenaꞌo wotta aafaalloon tuneree boonoshi echeyaachemmoyich, boonoshich qaawiibeeti mooyo beeyemmoyich buushaarechi shuunee yeshon doyibeete.

Hibireena'o 11:5

Henooki mulloon Yeeri toommooch bi tooꞌitoyich qitaanoone; qitaanoon kashoona bi beetaa, Yeeri biin daammitoyich, koniyoona biin danoon hakkaanoone. Yeeri biin daamoyee shiichiꞌi, biin emirikkito bi tunoon miixetone.

Hibireena'o 13:16

Tunebaani gaaweton tuniyoon, ittoshich beetoochee bareenaꞌoyich qoodoonoo batteyaahote. Ebiyoommi deejjoon no giddiyoo Yeerin emirikkii beetone.

Hibireena'o 13:21

bi daaggoon ittoshi tuniyemmoyich, gaaweto tuneti mooyo bullin ittoshich imbe; biin emirikkiibeeti mooyon Yesuus Kiristoos waanaa no bullina shuunebe. Yesuus Kiristoosichoo bulli yemeenoon galleto tunebe. Ameena.

2 Pheexiroosi 1:8

Ebi mooyinaꞌo ittoshich beegaata, woddeenoo boonoshi getigaata, no Doono Yesuus Kiristoosin ariyoona, gaacechonaa aafechonon ittoshin tuniyemminaꞌone.

2 Pheexiroosi 3:18

Wotta no Doononaa noon Wodiyechona tuneti Yesuus Kiristoosi immiibeeti wojjoon danoonaa biin ariyoona dicote. Biich andoo, bulli yemeenoonoo oogee yiiroo tunebe. Ameena.

1 Yowannisi 3:22

Tuniibote bi ii beeton no shuunaa beetoyich, biin emirikkii beetonoo no tunii beetoyich, no qollaabeeto bullin bi waanee danaabeeto noone.

1 Yowannisi 5:20

Wotta Yeerichi Bushoo womonaa iberoo tuneti Yeerin no ariibeeti mulloon nooch bi imonon ariibeeto noone. Iberoo tuneti Yeerina tookkii nooch ikkittino beetone; wotta bi Bushoo Yesuus Kiristoosina tookkii nooch ikkittino beetone. Biyoo ibere Nuggishoonaa bulli yemeenee kashoonane.

3 Yowannisi 1:6

Boonoshiyoo hiniich kiceeti kittinnee guuphi asheenaꞌo aafooch neexeꞌi boonoshin ne shunon miixetinaꞌone. Andoo Yeerin ne emirikkemmoyich, boonoshi gommoyich shoho tunee ne gaachegaata, gaawe shuunoon shuunemmo neene.