7 “Nuggishoo Doono Yeero, Abraamin kaaccaꞌa, Kalideenaꞌo showoochee, Uuri katemoochee kichito, neene; bi shigoonoo Abrahami iyaꞌa shigiito, neene.
Taari, bi bushoo Abraamin, bi bushoochi bushoo, Haraanichi bushoo Looxin, Abraami mechee, bi naamechee Saarayinoo yechiꞌi, Kanaanee showooch hamma, Kalideenaꞌo showooch beeti, Uuri katemoochee kechiye. Tunebaani Karaan shaggiꞌi, arooch koteheete.
Aroochee Doono Yeeri Abraamich “Hini showoon ne woraashemmoyich neech imma, Kalideenaꞌo showooch beeti Uuri katemoochee neen kichiti Doono Yeeri taane” iye.
Meeti aageteenaꞌoyich qaabbechi nihoon neen ta tuniitoyich, ebiyee bekk ne shigo Abraami getaa ceekkeyaachemmone; tunebaani Abrahami getaa ceekkemmone.
Kaamoonaa tate mooyonon tuniyoona ta gommon boonoshi quyemmoyich, bi bushiisheenaꞌonaa biyee gubbi shiijjereenaꞌona taach deꞌa ii beetinaꞌon bi tuniyemmoyich, biin kaacceto taane; bi bushiisheenaꞌo ebin boonoshi tuniigaata, biich ta getteti mooyo bullin tuniyemmo taane” iye.
Abrahami getteeti Abraaminane.
Ittoshi nihoo Abrahamin, ittoshin shiyeti Saarinoo ciinote. Abrahamin ta ceeggiyooba bi ikkeetone; biin diiriyoye; bi yaroonoo meechiyoye.
Tunebaani Doono Yeeri ittoshi qaabbechinaꞌon bi shunniti shunoo manjoo bi tunetoyich, showee toommooch beeti aageteenaꞌo bulli daggoochee, boonoshi shiijjeroo tuneti ittoshin kaacciye. Ebich and beddaahaa ittoshi biinna kaacheti asho ittoshine.