Nehimi 9:5 - Kafa Linguistics Project

⁵ Leweenaꞌo, eboshiyoo Yaasi, Qadimeeli, Baniyi, Hashabiniyahi, Sherebiyi, Hodiyi, Shebaniyinaa Fetahiyina, “Tiyi neexeechi, ittoshi Nuggishoo Doono Yeerin bulli yemeenoochee bulli yemeenooch diiribote” iyeete. Aroochee asheenaꞌo ishichiꞌi corootiyeete: “Galletoonaa diiroo bullinoyee beshe oogee yiirechi ne shigo diireebe.

Nehimi 9:5 ပူးပေါင်းရင်းမြစ်များ

1 Taateenaꞌo 8:14

Israꞌeelee iitoo bulli neexeꞌi beetaa, taatoo boonoshi waan wotteechii, boonoshi bullin diiriye.

1 Taateenaꞌo 8:15

Ishichiinoo iye: “Israꞌeelee Nuggishoo Doono Yeeri galleteebe! Biyoo ‘Ta asheenaꞌo tuneti Israꞌeeleenaꞌon Gibitsee kichaa ta deebeti aaboochee tiijjaꞌa, ta shigo arooch beeyemmi yaafee kexo hakkemmoyich, Israꞌeelee yoodo bulli daggoochee katemoo aabinona kaacaano taane; tunebaani ta asheenaꞌo tuneti Israꞌeeleenaꞌo toommooch ukkiroo bi tunemmoyich, Daawitin kaacceto taane’ iꞌi, ta nihoo Daawitich bi gibenikkiti gibenoon ceechitone.

1 Taateenaꞌo 8:22

Israꞌeelee iitoo bulli ciinnii beetaa, Solomooni Doono Yeerichi deejjee gudee aafooch neexehe; bi kishoon shimaayooch yaggiichii,

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

1 Kiinoo 16:36

Bulli yemeenoochee bulli yemeenooch, Israꞌeelee Nuggishoo Doono Yeeri diireebe. Asheenaꞌo bulliyoo, “Ameena” iyeete; Doono Yeerinoo galleteheete.

1 Kiinoo 29:11

Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.

1 Kiinoo 29:13

No Nuggishoocho, andoo neen galletehone; ooge ne shigoonoo naadiyone.

1 Kiinoo 29:20

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.

2 Kiinoo 20:13

Yihudee asheenaꞌo bulli boonoshi mecheenaꞌona, boonoshi bushiisheenaꞌonaa gaggereenaꞌona tookkii Doono Yeeri aafooch neexee beeheete.

2 Kiinoo 20:19

Qohaatichi yareenaꞌonaa Qoraahichi yareenaꞌona tuneti Leweenaꞌo tiyii neexeechii, boonoshi qaaroon oogichiꞌi Israꞌeelee Nuggishoo Doono Yeerin galleteheete.

Iziri 3:11

Boonoshinaa boonoshina kaalli kaalloona shoddoon kofeebee, “Deꞌoone; bulli yemeenoon Israꞌeeleenaꞌoyich shoodechone” iꞌi shoddoona Doono Yeerin galleteheete. Doono Yeerichi kechi xaqqeenaꞌo heccetoyich, asheenaꞌo bulli Doono Yeerin galleteebee ooge qaaroona ililiyeete.

Nehimi 9:4

Yaasi, Baniyi, Qadimeeli, Shebaniyi, Buuni, Sherebiyi, Baniyinaa Qenaanina Leweenaꞌochi daqqee toommooch neexeechii, boonoshi Nuggishoo Doono Yeer waan ooge qaaroona corootiyeete.

Nehimi 9:6

Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.

Iyoobi 1:21

Biyoo ishichiye: “Shokkaachoon ta indee maacoochee kecheto taane; shokkaachoon wotteree hammemmo taane. Doono Yeeri immiye; Doono Yeeriyoo tiijjii daammiye; bi shigo galleteebe” iye.

Shoddo 106:2

Doono Yeerichi ooge shuunoon koni hakki getteehe? Bedoona biin galletoon hakkemmo konine?

Shoddo 134:1

Doono Yeerichi kexooch xumoona neexee maddeebeeti, Doono Yeerichi maddechinaꞌote, Doono Yeerin galletebote.

Shoddo 145:2

Bulli aaboon neen galletemmo taane; bulli yemeenoon ne shigoon oogiyemmo taane.

Shoddo 145:5

Ne oogoonaa ne oogee yiiroonon yibbaatemminaꞌone; tawoo worganeeti ne shuunoon kichi kindii gabemmo taane.

Shoddo 146:2

Ta kashee yemeeno bulliich, Doono Yeerin galletemmo taane; kashoona ta beemmi yemeeno bullin, ta Nuggishoyich shoddemmo taane.

Shoddo 16:2

Doono Yeerich ishichiyo, “Ne ta Doono neene; ne waanee besh deꞌe mooyo taach daneyaanoone” iyo.

Shoddo 66:2

Bi shigoon oogiyoona shoddebote; ooge galletoon biich imbote.

Shoddo 99:3

Oogoonaa shattiitona tuneti ne shigoon galletebeete. Bi yaafoone!

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 15:6

“Doono Yeero, ne qanne mochoo giidechi oogee yiirechone. Doono Yeero, ne qanne kishoo ettoon yiikketone.

Daaneeli 2:20

ishichiinoo iye: “Yeeri ariyechonaa giidechonane; biyoo bulli yemeenoochee bulli yemeenooch galleteebe.

Maatiyoosi 11:25

Arooba Yesuusi ishichiye: “Showoonaa shimaayoonochi Doono tuneti ta Nihoocho, ebin ariyechinaꞌonaa shalligechinaꞌona ariyaachemmoyich ne aachitoyich, gaggereenaꞌoomminaꞌoyichoo ne bekkiitoyich neen galletehoye.

2 Qorontoosi 4:6

“Manderooch bekko bekkebe” iti, Kiristoosichi barooch wacciibeeti bi oogee yiiree ariyoon bekkiibeeti bekkoon imma no mullee daggooch aaxxiito, Yeerine.

Yibbaatoo 28:58

Muusi Israꞌeeleenaꞌoyich ishichiye: “Hini macaafooch kooreeti ebi sheeree qaareenaꞌon manjiiꞌa quyo ne qayigaata, wotta oogee yiirechonaa shattiitona tuneti, ne Nuggishoo Doono Yeerichi shigoon shaton ne qayigaata,

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

Woraaferasheenaꞌo 13:18

Maraakoo wochiꞌi, “Ta shigo worganikkito bi tunetoyich, amoyichiye ne echaabeeto?” iye.