Nehimi 9:35 - Kafa Linguistics Project

³⁵ Boonoshi hajjee taatittinoochaa, boonoshich ne deeti deꞌoona boonoshi aafooch ne qanniiti, gamini, qeemi showoochaanolla neech maddeyaaneenaꞌone; gonde boonoshi shuunoochee ne waan wotteyaaneenaꞌone.

Nehimi 9:35 ပူးပေါင်းရင်းမြစ်များ

Nehimi 9:25

Xaqqee uxerechi katemeenaꞌonaa qeemi showoonon kochii yechiyeete; gaawe qiicoona ceenniti kexinaꞌon, iicheti aachi oppeenaꞌon, woyinee goyoonaa zayitee mixonon, wotta aafeebeeti wodde mixon deqqiyeete; boonoshi michimmi wottoon maaheete; aangiyeete; oogeti ne deꞌittinoona emiriyeete.

Nehimi 9:34

No taateenaꞌo, no ogoogeenaꞌo, nooch maddeebeeti ne qeesheenaꞌonaa no qaabbechinaꞌona ne sheeroon quyeyaaneenaꞌone; ne geteenaꞌonaa ne meeqqeqqeenaꞌonon waayeyaaneenaꞌone.

Isiyaasi 63:7

Doono Yeerichi shoodoon, Doono Yeerichi galletoon, Doono Yeeri nooch tuniito bullin, bi ariqqoon, oogeti bi shoodoonoo, Israꞌeeleenaꞌoyich bi deeti deꞌoon, gettemmo taane.

Erimiyaasi 5:19

Ittoshi asheenaꞌo ‘No Nuggishoo Doono Yeeri amoyich ebi bulli mooyon no toommooch tuniihe’ boonoshi getigaata, newoo boonoshich ‘Taan ittoshi qayoommon, ittoshi showoochaa bara nuggisheenaꞌoyich ittoshi goyinnoommon, ebiyoommon ittoshicho tuneyaani showoochaa bare asheenaꞌoyich hajjeyemmo ittoshine’ itone gettemmo neene” iye.

Hiziqeeli 5:6

Yerusaalemi aageteenaꞌoyee beshoon ta geteenaꞌo toommooch hukkoon tiijjiyan; bi guudoona beetinaꞌoyee beshoon ta qociyoon shaaddahane. Ebiyoo ta geteenaꞌon waayeyaache getonaa ta qociyoona hammi qayonane” iye.

Yibbaatoo 28:47

Ne Nuggishoo Doono Yeeri bulli gommona beemo neech mashaamemmoyich tuniitone; tunebaani ne, oogichaa emiraabee biich goyinnaa maddaano neene.

Yibbaatoo 28:48

Ebich neen koyiree yechemmi etteenaꞌon bi deejjaa, newoo shaace shachewebee, ne tahemmon muccebee, oogetonoo girebee boonoshich maddemmo neene. Doono Yeeri neen bi aalliimmi wottoon, xuuree waanjoon ne qettooch haxxemmone.

Yibbaatoo 31:21

Meeti gonde mooyonaa iritoona boonoshi toommooch waahooba, ebi shoddoon shalligiree, boonoshin sheeraabeeto ta tunoon ariyemminaꞌone. Boonoshi shiijjereenaꞌo mulloochee batteyaachemmone. Boonoshich imma ta wogeti showooch boonoshin batt giijjaan ta beetaa, and boonoshi gabiibeeti gaboo amo gaata ariibeeto taane” iye.