Nehimi 9:31 - Kafa Linguistics Project

³¹ Tunebaani ne, shoodechonaa ariqqechona tuneti Nuggishoo ne tunetoyich, ne ariqqee woddoochee tiyitona boonoshin ciroona aalliyaano neene; boonoshin qayaano neene.

Nehimi 9:31 ပူးပေါင်းရင်းမြစ်များ

2 Taateenaꞌo 13:23

Tunebaani Doono Yeeri gaawe aafoona boonoshin ciinniye; boonoshichoo ariqqehe; Abrahamina, Yisaaqinaa Yaaqobina tookkii bi giyiti wogoyicha iꞌi boonoshich deehe; boonoshin aalliyoon qaawaanoone; and beddaahaa bi aafoochee boonoshin yoohaanoone.

2 Kiinoo 30:9

Ittoshi Nuggishoo Doono Yeeri shoodechonaa maarechona bi tunetoyich, bi waan ittoshi wottegaata, bi aafoon ittoshi waanee bara wochaachemmo bi tunetoyich, Doono Yeer waan ittoshi wottegaata, ittoshi maneenaꞌonaa ittoshi bushiisheenaꞌonon keccitinaꞌo boonoshich ariqqeree, hini showooch boonoshi wottemmoyich tuniyemminaꞌone” ii beetone.

Nehimi 9:17

Ne getoyichoo deꞌa getaaneenaꞌone; boonoshi daggooch ne tuniiti gaakkechi shuunoon shalligaaneenaꞌone. Babbereheete; Gibitsee showooch, guuchittinooch wottoyich boonoshin yaabemmi ukkiroon kaacciyeete. Tunebaani ne, gondoon maarecho, shoodecho, ariqqecho, kaaroyich nibbechonaa wodde shunnechona tuneti Nuggishoo neene; ebich boonoshin qayaano neene.

Nehimi 9:19

ne ariqqee woddoochee tiyitona, barahooch boonoshin qayaano neene. Areddoon boonoshi hammemmi gommon shiichii yaabiibeeti giimboommi qubo, xumoonoo boonoshi hammemmi gommon bekkiibeeti giimboommi qaaqqoo, boonoshiyee baraanoone.

Isiyaasi 48:9

Ta shigoyicha geti ta kaaroon yagiyemmo taane; ta galletoyicha geti ittoshin aalliyoon qayiree, tooqqemmo taane.

Erimiyaasi 4:27

Doono Yeeri ishichiye: “Showoo bulli shokkoon echemmone; tunebaani ciichiree aalliyaachemmo taane.

Erimiyaasi 5:10

“Boonoshi woyinee bechee daggooch giyiree duubiibote; tunebaani ciroona aalliyaahote; Doono Yeericho tuno boonoshi qajjitoyich bi ateenaꞌon hoꞌote;

Erimiyaasi 5:18

Doono Yeeri ishichiye: “Tunebaani are yemeenoocholla tunetaa, ciroona ittoshin aalliyaachemmo taane.

Shoosho 3:22

Ebiyoo bi ariqqo ciireyaano bi tunetoyich, aalleyaanoon ebiich no beddeto Doono Yeerichi shoodoona bi tunooniye.

Daaneeli 9:9

No Doono no Nuggishoocho, ne toommooch hukkoon shuuneto no tunetaanoona, ne, ariqqechonaa maarechona neene.

Yibbaatoo 4:31

Ittoshi Nuggishoo Doono Yeeri ariqqechi Nuggishoone. Biyoo ittoshin dufaachemmone; aalliishoo getaachemmone; ittoshi qaabbechinaꞌona tookkii bi giyiti wogoon batteyaachemmone.