Nehimi 9:30 - Kafa Linguistics Project

³⁰ Wodde yemeenoon boonoshin haaꞌiihine; ne keemechinaꞌona tunaꞌa ne Ayaanoona boonoshin kupphiyaꞌa meeqqeqqiihine; tunebaani ellee waayeyaaneenaꞌone. Ebich boonoshi guudoona beeti aageteenaꞌo kishooch beshiyaꞌa boonoshin immehine.

Nehimi 9:30 ပူးပေါင်းရင်းမြစ်များ

2 Taateenaꞌo 18:11

Asooree taatoo Israꞌeeleenaꞌon Asooree showooch keccii daammiye. Boonoshinoo Halaahi katemooch, Gozaani showooch beeti Haboori aachi gashoonaa Meedee showeexi katemeenaꞌonooch kotiihe.

2 Taateenaꞌo 21:10

Doono Yeeriyoo bi guuninaꞌo tuneti keemechinaꞌona ishichiye:

2 Kiinoo 24:19

Bi waan boonoshin wochoyich Doono Yeerichi keemechinaꞌon boonoshi waan deejjii beehe. Keemechinaꞌoo boonoshich miixeheete. Tunebaani waayemmon qajjiyeete.

Iziri 9:10

“Andoo no Nuggishoocho, illa amoon gettehone? Ne guuninaꞌo tuneti keemechinaꞌona, ‘Giyiree ittoshi woraashemmi showoo aageteenaꞌochi eeꞌoona wooretone; timmoochee timmooch beddaahaa, tiyaariibeeti, boonoshi eeꞌe shuunoona ceennitone. Ebich ittoshi maache bushiishoon boonoshich shaakkiyaahote; boonoshi maache bushiishoon ittoshi anaami bushiishoyich shaakkiyaahote. Hakkoon ittoshi danemmoyich, showeechi gaawe aafoon ittoshi maayemmonaa woraashiree bulli yemeenoon ittoshi bushiishoon ittoshi kotiyemmonoyich, boonoshich bi mashaamaa, diggoona boonoshi beeyemmoyich ciroona qaawiyaahote’ iyaꞌa ne getteti getoon waayoon qajjeto noone.

Nehimi 9:20

Boonoshin bi dojjemmoyich deꞌe ne Ayaanoon boonoshich immehine. Mannoonoo boonoshi noonoochee kuxaano neene; boonoshi shachewoyichoo aacon immehine.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Nehimi 9:29

“Ne sheeroo waan boonoshi wottemmoyich kupphiyaꞌa gettehine; tunebaani boonoshi geeciyeetani, ne geteenaꞌon ceechaaneenaꞌone. Asho bi ceechigaata kashoona bi beeyemmoyich tuniibeeti ne getoon shaaddeheete; boonoshi gubboon ne waan wochiyeete; babbereꞌi, ne getoon qajjiyeete.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 95:10

Are shiijjeroon aabbe naton kaarehoye; “Mullo xoobbiti asheenaꞌone; ta getoon quyeyaaneenaꞌone” iyoye.

Isiyaasi 28:10

Nooch dojjiya bi qaawiibeeto, getee toommooch getoon, getee toommooch getoon, qociyee toommooch qociyoon, qociyee toommooch qociyoon, giishechoon hiniich, giishechoonoo okk ebiich, tuniyoonane” iyeete.

Isiyaasi 42:24

Yaaqobin boggoyich, Israꞌeelin bokkoyich beshii immito konine? Ebin tuniito Doono Yeeri toone? Ebiyoo, axaaxoon no shuunetoyich, bi daaggoona hamon no qajjetoyich, bi sheeroyichoo deꞌa geto no qajjetoyichiye.

Isiyaasi 48:9

Ta shigoyicha geti ta kaaroon yagiyemmo taane; ta galletoyicha geti ittoshin aalliyoon qayiree, tooqqemmo taane.

Isiyaasi 63:10

Tunebaani boonoshi bi toommooch hukkoon shuuneꞌi bi Yaafe Ayaanoon ayinikkiyeete; ebich wotteꞌi boonoshich ettoon tunehe; bi qelloona bi, boonoshin kochiye.

Erimiyaasi 25:4

Doono Yeerichi keemechi bi guuninaꞌo bullin wochii wochii deejjii beehe; tunebaani ittoshi elleyaano ittoshine; ebinoo mooch gedaano ittoshine.

Erimiyaasi 44:22

Doono Yeeri ittoshi gonde shuunoonaa ittoshi tuniiti eeꞌe mooyonon haaꞌiyoon hakkaanoone; ebich ittoshi showoo shokkaachoonaa amolla aalloona tune echemmone; wuche, getteyemmone; maxxaareyemmone; hanaach tunetoommonoo ashaalloon tunemmone.

Erimiyaasi 44:4

Ta shixxaabeeti ciigiiti mooyon boonoshi tuniyaachemmoyich wochii wochii boonoshi waan keemechi ta guuninaꞌon daachiihoye.

Erimiyaasi 44:5

Tunebaani boonoshi waamon gaꞌii ellee waayeyaaneenaꞌone; bare nuggisheenaꞌoyich ixaanee shoohona boonoshi shuune beeti gondoocheenoo wotteyaaneenaꞌone.

Erimiyaasi 7:25

Ittoshi qaabbechinaꞌo Gibitsee boonoshi kechitoochee tiijjii hanaach beddaahaa, qemi qemona ta maddechinaꞌo tuneti keemechinaꞌon ittoshich deejjii beehoye.

Shoosho 2:17

Doono Yeeri bi gabiton tuniitone; wonnee yemeenooch bi gettitoommon ariqqaalloon ittoshin happiye; ittoshi etteenaꞌo ittoshi toommooch emiremmoyich tuniihe; ittoshi etteenaꞌochi hakkoon kupphiihe.

Daaneeli 9:6

No taateenaꞌoyich, no iraasheenaꞌoyich, no qaabbechinaꞌonaa no showee asheenaꞌo bullinoyich ne guuninaꞌo tuneti keemechinaꞌo ne shigoona boonoshi gettiton waayeyaano noone.

Zakaariyaasi 7:12

Boonoshi mulloon xaqqo tuniiꞌi, Beshe Mawe Doono Yeeri ta, ebiyee aafi ta keemechinaꞌona tunaꞌa, ta Ayaanoona ta deejjiti sheeroonaa qaaroonon waayemmon qajjiyeete. Ebich Beshe Mawe Doono Yeeri ta, oogichii kaarehoye.

Zakaariyaasi 7:13

“Ta getaa waayoon boonoshi qajjitoyich, tawoo, taan boonoshi ceeggiyooba waayoon qajjehoye.

Haddoo 11:26

Elidaadinaa Medaadina getteebeeti gutte asheenaꞌo geeneenaꞌona tookkii haddeechii danee duukkaanooch hamaanoon kaambooch echeheete. Tunebaani Doono Yeerichi Ayaano boonoshi toommooch kindaa, kaamboochaa keemoon keemmiyeete.

Mishiraachechinaꞌo 13:18

Wotta barahoochaa aabbe naton boonoshin haaꞌiihe.

Mishiraachechinaꞌo 28:25

Boonoshinaa boonoshinoo ikkotteyaanoon hamma tiyiyeete. Areegaata Phawuloosi ishichiye: “Yaafe Ayaano keemechi Isiyaasichi noonoona ittoshi qaabbechinaꞌoyich ishichiꞌi bi gettito iberetone:

Mishiraachechinaꞌo 7:51

“Illa hini ittoshi mullo muumeti, ittoshi waamoo ulleti babbereenaꞌote! Ittoshi qaabbechinaꞌochoommon ittoshiyoo wotta bulli aaboon Yaafe Ayaanoyich deꞌa getaano ittoshine.

Roomi 2:4

Woyee Yeeri bi ariqqoona axaaxee gommoochee bi waan neen wochiya bi yaaboon ariyaanoon, Yeerichi ariqqittinee woddoonaa kaatee nallaanoon yagii bi haaꞌiyoonon qallayinne?

1 Pheexiroosi 1:11

Boonoshich beeti Kiristoosichi Ayaano, Kiristoosichi xuuxeechonaa are xuuxoyee gubb bi danemmi oogee yiireechonon shiichiꞌi miixeebee, ebi mooyo bi tunemmo amee yemeenooch gaata, aabichiree bi woyemmo gaata bi bekkiiton kichii kindiiꞌi ariyoyich qaawii beeheete.

2 Pheexiroosi 3:9

Ikkikkeenaꞌoyich bi shaahii beetoommon, Doono bi gibenikkiti qaaroon ceechoyich yagaachemmone; tunebaani koniyoona aalleyaachemmoyich, asho bulli bi axaaxoochee Yeer waan bi wottemmon shunniꞌi, ittoshicha iiniye bi haaꞌiibeeto.