Nehimi 9:29 - Kafa Linguistics Project

²⁹ “Ne sheeroo waan boonoshi wottemmoyich kupphiyaꞌa gettehine; tunebaani boonoshi geeciyeetani, ne geteenaꞌon ceechaaneenaꞌone. Asho bi ceechigaata kashoona bi beeyemmoyich tuniibeeti ne getoon shaaddeheete; boonoshi gubboon ne waan wochiyeete; babbereꞌi, ne getoon qajjiyeete.

Nehimi 9:29 ပူးပေါင်းရင်းမြစ်များ

2 Taateenaꞌo 17:13

Doono Yeeri, “Gonde ittoshi gommoochee wottebote. Ittoshi qaabbechinaꞌoyich ta getteti sheeroo bulliyoommon, keemechi ta guuninaꞌona ittoshich ta deejjiti ta getoonaa ta qociyoonon quyebote” iꞌi bi wocheyechinaꞌo bullinaa bi keemechinaꞌo bullina Israꞌeeleenaꞌonaa Yihudee asheenaꞌonoyich kupphiiꞌi gettitone.

2 Taateenaꞌo 17:14

Tunebaani boonoshi Nuggishoo Doono Yeerin gibeneyaani boonoshi qaabbechinaꞌochoommon babbereheetani, waayeyaaneenaꞌone.

2 Kiinoo 24:19

Bi waan boonoshin wochoyich Doono Yeerichi keemechinaꞌon boonoshi waan deejjii beehe. Keemechinaꞌoo boonoshich miixeheete. Tunebaani waayemmon qajjiyeete.

2 Kiinoo 33:10

Doono Yeeri Minaasinaa bi asheenaꞌonoyich bi gettitaanona, waayemmon qajjiyeete.

2 Kiinoo 36:15

Boonoshi qaabbechinaꞌochi Nuggishoo Doono Yeeri bi asheenaꞌonaa bi qeyi xaaꞌoonoyich bi ariqqetoyich, bi wocheyechinaꞌon wochii wochii deejjii beehe.

Nehimi 13:15

Ebiyooba Yihudee showooch shambetee aaboon oppoochaa woyinoon hiiccii beetinaꞌonaa maayoon, woyinee uyoon, woyinee yuunjoon, balaasoonaa baribare qiicoonon kurooch xaaniꞌi, Yerusaalem deebii beetinaꞌonon beeggeho. Tawoo “Shambetee aaboon maayoon kemmaahote; ittoshi qelloon ariibote” iyo.

Nehimi 9:10

Boonoshi toommooch coodditinaꞌo boonoshi tunoon ne ariitoyich, Farooni toommooch, bi naayinaꞌo bullinaa bi showooch beeti bi asheenaꞌo bullinochi toommooch worganikkiti malletoonaa gaakkechi shuunoonon bekkiihine; hanaach beddaahaa ne shigo oogemmoyich tuniihine.

Nehimi 9:16

“Tunebaani no qaabbechinaꞌo geeciyeete; babbereheete; ne getoonoo ceechaaneenaꞌone.

Nehimi 9:26

“Tunebaani neech deꞌa getaaneenaꞌone; ne toommoochoo tiyiyeete; ne sheeroonoo gubb duppiyeete; ne waan boonoshi wottemmoyich boonoshich kupphii gettiti keemechinaꞌon wuxiyeete; oogichiꞌinoo neen hoxeheete.

Nehimi 9:30

Wodde yemeenoon boonoshin haaꞌiihine; ne keemechinaꞌona tunaꞌa ne Ayaanoona boonoshin kupphiyaꞌa meeqqeqqiihine; tunebaani ellee waayeyaaneenaꞌone. Ebich boonoshi guudoona beeti aageteenaꞌo kishooch beshiyaꞌa boonoshin immehine.

Keyo 10:3

Ebina Muusinaa Haroonina Faroon waan hammiꞌi ishichiyeete: “Hibireenaꞌo Nuggishoo Doono Yeeri ishichiye: ‘Ne qelloon ta aafooch yittiyaache ne geti beeyemmo aati wottooniye? Taach boonoshi goyinne maddemmoyich, ta asheenaꞌon gawukkibe.

Erimiyaasi 17:23

Tunebaani ittoshi qaabbechinaꞌo ta qaaroon waayeyaaneenaꞌone; boonoshi waamonoo ta waan gaꞌiyaaneenaꞌone; waayeree doyoon ta waanee boonoshi deꞌaachemmoyich boonoshi gajjoon manjiiheete.

Erimiyaasi 19:15

“Israꞌeelee Nuggishoo Beshe Mawe Doono Yeeri ishichiye: ‘Ta qaaroon boonoshi waayee qayoyich mulloon boonoshi babberiitoyich, hini katemoonaa bi gafeenaꞌo bullinochi toommooch ta getteti gonde mooyon deebemmo taane’ itone” iye.

Erimiyaasi 42:19

“Yihudee cureenaꞌote, Doono Yeeri ittoshin ‘Gibits hammaahote’ itone; hanaach ittoshich kupphiyaꞌa ta geton xiishi ariibote.

Erimiyaasi 43:2

Hoshaayichi bushoo Azariyaasi, Qareehi bushoo Yohanaaninaa geecechi asheenaꞌo bullina Erimiyaasich ishichiyeete: “Koottaaniye ne beeto; ‘Arooch beemoyich Gibits hammaahote’ gete iꞌi Doono Yeeri neen deejjaanoone.

Erimiyaasi 44:10

Hanaach beddaahaa boonoshi qelloon giishiyaaneenaꞌone; shataaneenaꞌone; ittoshinaa ittoshi qaabbechinaꞌonochi aafooch ta kotiiti qociyoona hamaaneenaꞌone.

Erimiyaasi 7:26

Tunebaani boonoshi mulloon muumiiheetani taachon waayeyaaneenaꞌone; boonoshi waamon gaꞌiyaaneenaꞌone; halla boonoshi qaabbechinaꞌo tuniitoyee beshe gonde mooyon tuniiheete.

Hiziqeeli 20:11

Asho bi ceechigaata kashoona bi beeyemmi ta qociyoon boonoshich immeho; ta getoonoo boonoshich arichiiho.

Daaneeli 5:20

Tunebaani geecechonaa mulli manjoona bi tunehooba, bi taatittinoochee kindiye; bi oogee yiiroonoo muccehe.

Hosee'i 6:5

Ebich ta keemechinaꞌochi noonoona ittoshin aalliihoye; ta qaaroonoo ittoshin wuxiyoye. Ebina ta nalloo xeeyoochoommon xeejjiye.

Leweenaꞌo 18:5

Asho eboshin tuniiree kashoona bi beeyemmoyich, ta dojjiti doyoonaa ta qociiti qociyoonon quyebote. Ta, Doono Yeeri taane.

Maatiyoosi 19:17

Yesuusi wochiꞌi, “Deꞌe mooyichon amoyich taan echaa beetine? Deꞌo tuneto ikkeeti Yeeri baachiye. Bulli yemeenee kashoon danoon ne qaawigaata, Muusichi Sheeroo gettiton ceechibe” iye.

Luqaasi 10:28

Yesuusi “Iberoon gettehine; ebin ne tuniigaata, bulli yemeenee kashoon danemmo neene” iye.

Roomi 10:5

Sheeree gommoona daneebeeti cadiqeechon Muusi ishichiꞌi kooritone: “Sheeroo gettii beeton ceechiibeeti asho ebi sheeroona kashoon danemmone” itone.

Galaati 3:12

Sheeroon quyo Yeeri toommooch mullee tooꞌiyoona daneebeeto toonoone. “Asho sheerooch kooreeto bullin ceechii bi quyegaata kashecho tuneree beeyemmone” getaa kooreetone.

Yibbaatoo 31:21

Meeti gonde mooyonaa iritoona boonoshi toommooch waahooba, ebi shoddoon shalligiree, boonoshin sheeraabeeto ta tunoon ariyemminaꞌone. Boonoshi shiijjereenaꞌo mulloochee batteyaachemmone. Boonoshich imma ta wogeti showooch boonoshin batt giijjaan ta beetaa, and boonoshi gabiibeeti gaboo amo gaata ariibeeto taane” iye.

Yibbaatoo 31:27

Am shaahe hukkechonaa babberoona ittoshi gaata ariibeeto taane. Ebiyoche, and kashoona ittoshina tookkaa ta beetaa, hanaach Doono Yeeri toommooch hukkoon tiijjito ittoshine. Illa ta qitiichaa aabichehe!

Yibbaatoo 4:26

Ittoshi toommooch boonoshi miixemmoyich shimaayoonaa showoonon hanaach ceeggaabeeto taane; ebin deꞌa getaache ittoshi getigaata, Yoordaanoosin kimi hamiree ittoshi hajjemmi showoochee kaateree aallemmo ittoshine; arooch meeti yemeenoon koteyaachemmo ittoshine; ciroona aallemmo ittoshine.

Woraaferasheenaꞌo 6:10

Ittoshichoo “Ta, ittoshi Nuggishoo Doono Yeeri taane. Boonoshi showooch ittoshi beeti Amooreenaꞌochi nuggisheenaꞌoyich goyinne maddeyaahote” iyoye. Tunebaani ta qaaroon waayemmon qajjiyote’ itone” iye.