Nehimi 9:27 - Kafa Linguistics Project

²⁷ Ebich boonoshi etteenaꞌo kishooch boonoshin beshiyaꞌa immehine; boonoshi etteenaꞌo boonoshin iritiiheete. Boonoshi iritee aabooba, ne waan cookiyeete. Shimaayoochaa boonoshi cookoon waayehine; ne ariqqee woddoommona boonoshi etteenaꞌo kishoochee boonoshin wodiyemmi wodiyechinaꞌon tiijjihine.

Nehimi 9:27 ပူးပေါင်းရင်းမြစ်များ

2 Taateenaꞌo 13:5

Israꞌeeleenaꞌon wodiyemmi ashoon boonoshich immiye. Ebina boonoshiyoo Sooriyeenaꞌo kishoochee wodiyeete. Israꞌeeleenaꞌoo aafichoommon diggoona boonoshi kexi kexooch koteheete.

2 Taateenaꞌo 14:27

Tunebaani Doono Yeeri, Israꞌeeleenaꞌochi shigoon showee toommoochee aalliyemmo bi tunoon getaanoone. Ebich Yehoꞌashi bushoo Yeroboꞌamichi kishoona boonoshin wodiihe.

2 Taateenaꞌo 17:20

Doono Yeeri Israꞌeelee shiijjeroo bullin qajjiye; boonoshinoo xuuxiihe; bi aafoochee boonoshin bi yookkimmi wottoon, boggechinaꞌo kishooch boonoshin beshiiꞌi immiye.

2 Taateenaꞌo 17:39

Tunebaani ittoshi Nuggishoo Doono Yeeri taan shatote; tawoo ittoshi etteenaꞌo bulli kishoochee ittoshin wodiyemmo taane” iye.

2 Kiinoo 36:17

Ebich Doono Yeeri Baabloonee taatoon boonoshi toommooch deejjiye. Ebi taatoo boonoshi gurimaasheenaꞌon yaafee kexoochaa goraadoona guuriye. Biyoo gurimaashoon tuneba gidiideen, geeneton tuneba geenee baayeton, ariqqaalloon wuxiye. Doono Yeeri bullinolla Nabukadinatsorichi kishooch beshiiꞌi immiye.

Nehimi 9:19

ne ariqqee woddoochee tiyitona, barahooch boonoshin qayaano neene. Areddoon boonoshi hammemmi gommon shiichii yaabiibeeti giimboommi qubo, xumoonoo boonoshi hammemmi gommon bekkiibeeti giimboommi qaaqqoo, boonoshiyee baraanoone.

Shoddo 136:24

No etteenaꞌo kishoochee noon wodiito, bulli yemeenoon shoodechone.

Leweenaꞌo 26:17

Tawoo ittoshich etto tunemmo taane; ittoshi etteenaꞌo ittoshin koyi wochemminaꞌone; ittoshin shixxii beetinaꞌo ittoshin hajjemminaꞌone; ittoshiyoo koniyoona ittoshin yoohaanoon woci aallemmo ittoshine.

Abidiyi 1:21

Esayichi guudon hajjoyich, kochii wochechinaꞌo tuneti asheenaꞌo Tsiyooni guudi toommooch kechemminaꞌone; taatittinoo Doono Yeericho tunemmone.

Woraaferasheenaꞌo 2:18

Doono Yeeri woraaferashoon tiijjiꞌi, are woraaferashoo kashoona beemmi yemeeno bullin biinna tookkii tunee bi asheenaꞌon boonoshi etteenaꞌo kishoochee wodii beehe. Boonoshi etteenaꞌo boonoshin xuqqii duꞌiitaa boonoshi maaceremmona, Doono Yeeri boonoshich ariqqee beehe.