Nehimi 9:2 - Kafa Linguistics Project

² Israꞌeelee yareenaꞌo dallaawe asheenaꞌo waanee boonoshi qelloon bariiheete; neexeꞌi boonoshinaa boonoshi qaabbechinaꞌonochi axaaxoon aanniyeete.

Nehimi 9:2 ပူးပေါင်းရင်းမြစ်များ

1 Taateenaꞌo 8:47

kecceꞌi boonoshi beeti showooch beechii, ‘Axaaxoon shuuneto noone; xuqqeto noone; gondeto noone’ iibee boonoshi axaaxoon aannii, gondoochee wotteꞌi, neen boonoshi qollegaata,

Iziri 10:11

Andoo ittoshi qaabbechinaꞌochi Nuggishoo Doono Yeerich aannibote; bi daaggoon ceechibote. Showee toommeexi aageteenaꞌonaa dallaawe maacheenaꞌonoyee baribote” iye.

Iziri 6:21

Ebi baaree bagoon maatinaꞌo, kecoochee wotteti Israꞌeeleenaꞌonaa Israꞌeelee Nuggishoo Doono Yeerich goyinneya qaawii, showee toommeexi aageteenaꞌo tuniibeeti eeꞌoochee boonoshi qelloon bariiꞌi boonoshi waan waatinaꞌo bullinane.

Iziri 9:1

Ebi mooyo tunetoyee gubb, ukkireenaꞌo ta waan waaꞌi, “Israꞌeeleenaꞌo, qeesheenaꞌo, Leweenaꞌonooch beddaahaa, Kanaaneenaꞌo, Hiteenaꞌo, Ferizeenaꞌo, Yebuseenaꞌo, Amooneenaꞌo, Moꞌabeenaꞌo, Gibitseenaꞌonaa Amooreenaꞌona tunii beetoommi eeꞌe mooyon tuniiheetani, showee toommeexi aageteenaꞌoyee baraaneenaꞌone.

Iziri 9:15

Israꞌeelee Nuggishoo Doono Yeero, ne cadiqo neene; ebich hanaach wodaꞌa, curo tunaꞌa echeto noone. Ebiyoche, no axaaxoona tookkaa ne aafooch giddeto noone; no axaaxee naboona koniyoona ne aafooch neexoon hakkaanoone” iyo.

Iziri 9:2

Aageteenaꞌochi maache bushiishoon shaaggitinaꞌone; boonoshi bushiishoyichoo shaakkiitinaꞌone; ebina Yeerich yaafeeti yaroon showee toommeexi aageteenaꞌo yaroona baccitinaꞌone; ebi gibeneyee qayona shiichitinaꞌo, ukkireenaꞌonaa ogoogeenaꞌonane” iꞌi taach gettiyeete.

Nehimi 1:6

ne guuno ta xumoonaa areddoonon, ne guuno tuneti Israꞌeeleenaꞌochon ne aafooch ta corootaabeeti corootoon elle waayebe; taanoo ciine. Israꞌeelee asho no, axaaxoon shuunoona neen no xuqqeti xuꞌoon aannaabeeto taane. Taannaa ta qaabbechinaꞌochi kechi asheenaꞌona neen xuqqeto noone.

Nehimi 10:28

Echeti asheenaꞌo, ebi geto, qeesheenaꞌo, Leweenaꞌo, kellechinaꞌo, shoddechinaꞌo, yaafee kechi maddechinaꞌo, Yeerichi sheeroyicha iꞌi boonoshi guudoona beeti aageteenaꞌoyee boonoshi qelloon bariitinaꞌo bulli, boonoshi mecheenaꞌo, mooyon ariyoonaa shalligoonon hakkiti boonoshi anaami bushiisheenaꞌonaa maache bushiisheenaꞌo bullina wogoon giyiyeete.

Nehimi 10:29

Boonoshi maneenaꞌonaa ogoogeenaꞌona ikkotteꞌi, Yeeri guuno Muusina icheti Yeerichi sheeroon ceechoyich, no Doono Yeerichi getoon, qociyoonaa doyoo bullinon deꞌa getoyich maxxaaree, ishichiꞌi wogoon giyiyeete:

Nehimi 13:3

Ebi are sheeroon boonoshi waayehooba, bacceeti dallaawe asho bullin Israꞌeeleenaꞌo daggoochee kichiyeete.

Nehimi 13:30

Ebina dallaawe mooyo bulliichee asheenaꞌon xalliiho. Aroochee qeesheenaꞌonaa Leweenaꞌonon boonoshi shuuni shuunee xaaꞌooch neechiyo;

Shoddo 144:11

Boonoshi noonoo kootoon yibbaateebeeti, qanne kishoon tiijjiꞌi kootoon wogeebeeti, dallaaweenaꞌo kishoochee taan wodiibe.

Shoddo 144:7

Ne kishoon dambee deejjibe; giidechi aacoochee geechi kichiree taan wodiibe; dallaaweenaꞌo kishoochee taan wodiibe.

Shaahiyoo 28:13

Bi axaaxoon aachiibeeto aafeyaachemmone; tunebaani bi axaaxoon aanniꞌi, axaaxee shuunoon qajjiibeeto maareyemmone.

Isiyaasi 2:6

Yaaqobi yareenaꞌo tuneti ne asheenaꞌon qajjeto neene; ebiyoo showoo aabi-keyo waani asheenaꞌochi qaaxoona, Filsixeemeenaꞌochi iicoonoo bi ceennitoyichiye; asheenaꞌoo dallaaweenaꞌona tookkii guuphitinaꞌone.

Erimiyaasi 14:20

Doono Yeero, axaaxoon shuunoona neen no xuqqetoyich, no gondoonaa no qaabbechinaꞌochi xuꞌoonon ariibeeto noone.

Erimiyaasi 3:13

‘Ne Nuggishoo Doono Yeeri toommooch hukkoon tiijjoona ne gondeti gondoon, waajjechi michi baatoo bulliichaa dallaawe nuggisheenaꞌoyich goyinnoona shunee ne mamon, ta qaaroonoo waayee ne qayon, ebi ne gondoon baach ariibe’ iye Doono Yeeri.

Daaneeli 9:20

Tawoo corootii ta beetaa, ta axaaxoonaa ta asheenaꞌo tuneti Israꞌeeleenaꞌo axaaxoonon aannii ta beetaa, bi yaafe geppoochon ta Nuggishoo Doono Yeerin qollaabee

Hosee'i 5:7

Doono Yeerich gibeneyaano tunetinaꞌone; gaajjiꞌi bushoon shiyitinaꞌone. Ebich hini batti batti agenee keyooch boonoshinaa boonoshi showoona aallemmone.