Nehimi 9:19 - Kafa Linguistics Project

¹⁹ ne ariqqee woddoochee tiyitona, barahooch boonoshin qayaano neene. Areddoon boonoshi hammemmi gommon shiichii yaabiibeeti giimboommi qubo, xumoonoo boonoshi hammemmi gommon bekkiibeeti giimboommi qaaqqoo, boonoshiyee baraanoone.

Nehimi 9:19 ပူးပေါင်းရင်းမြစ်များ

Nehimi 9:12

Boonoshi hammiibeeti gommo bekkemmoyich, ne asheenaꞌon areddoon giimboommi quboona, xumoonoo giimboommi qaaqqoona yaabihine.

Nehimi 9:27

Ebich boonoshi etteenaꞌo kishooch boonoshin beshiyaꞌa immehine; boonoshi etteenaꞌo boonoshin iritiiheete. Boonoshi iritee aabooba, ne waan cookiyeete. Shimaayoochaa boonoshi cookoon waayehine; ne ariqqee woddoommona boonoshi etteenaꞌo kishoochee boonoshin wodiyemmi wodiyechinaꞌon tiijjihine.

Nehimi 9:31

Tunebaani ne, shoodechonaa ariqqechona tuneti Nuggishoo ne tunetoyich, ne ariqqee woddoochee tiyitona boonoshin ciroona aalliyaano neene; boonoshin qayaano neene.

Shoddo 106:45

Boonoshich bi wogoon gabiye; beshaa beshe bi shoodoommona boonoshin ariqqehe.

Shoddo 136:16

Bi asheenaꞌon barahoona yaabito, bulli yemeenoon shoodechone.

Keyo 40:36

Israꞌeeleenaꞌo boonoshi kaamboon happiꞌi gommon boonoshi hammiibeeto, qubo yaafee duukkaanee toommoochee tiyii bi hamigaata baachiye; ebiyooba qaxirii beeheete.

Keyo 40:38

Gommon boonoshi qaxirimmi aabo bullin Israꞌeeleenaꞌo bullich Doono Yeerichi qubo areddoon yaafee duukkaanee tookkaa bekkee beehe; wotta qaaqqoo xumoon ebi qubee daggoochaa aaxxee beehe.

Isiyaasi 44:21

Doono Yeeri ishichiye: “Yaaqobo, Israꞌeelo, ebi mooyon shalligibe; ta guuno neene; ta neen hallito taane; ne ta guuno neene; ta neen batteyaachemmo taane.

Shoosho 3:22

Ebiyoo bi ariqqo ciireyaano bi tunetoyich, aalleyaanoon ebiich no beddeto Doono Yeerichi shoodoona bi tunooniye.

Hiziqeeli 20:14

Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaano taane.

Hiziqeeli 20:17

Tunebaani boonoshich ta ariqqetoyich boonoshin aalliyaano taane; barahoochaanoo boonoshin ciichaano taane.

Hiziqeeli 20:22

Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaanoon ta mochoon gubb wochiyo.

Daaneeli 9:18

Ta Nuggishoocho, ne waamon gaꞌiiree waayebe; ne aafoon gaxxiree no xuuxoonaa ne shigo beeti katemoonon ciine. Ebi qolloon ne aafooch no giddiibeeto, cadiqo no tunetoyich tuneyaanoon, ne maaree woddoyichiye.

Daaneeli 9:9

No Doono no Nuggishoocho, ne toommooch hukkoon shuuneto no tunetaanoona, ne, ariqqechonaa maarechona neene.

Milikiyaasi 3:6

Beshe Mawe Doono Yeeri ishichiye: “Doono Yeeri ta, shaddeyaachemmo taane. Yaaqobichi yareenaꞌote, ebich aalleyaano ittoshine.

Haddoo 14:14

Boonoshiyoo ebi mooyon hini showooch beeti asheenaꞌoyich gettemminaꞌone. Doono Yeero, noonna tookkaa ne beemon, wotta Doono Yeero, ne qubo no toommooch bekkehooba nooch xalla ne bekkoon, areddoon giimboochoommon neexeebeeti quboona, xumoonoo giimboochoommon neexeebeeti qaaqqoona no aaf shiichaa ne hamon halla boonoshiyolla waayetinaꞌone.

Yibbaatoo 8:2

Ne Nuggishoo Doono Yeeri biich deꞌa ne gettemmoyich, iritoon ne toommooch deebii neen phirebee, besheti aabbe naton ebi genje gommon barahee daggoona neen bi yaaboon batteyaahine. Ebin bi tuniito, ne mullooch beeton beegoyich, ebiyoo bi getoon ne quyoonaa quyee qayonon beegoyichiye.

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.