Nehimi 9:17 - Kafa Linguistics Project

¹⁷ Ne getoyichoo deꞌa getaaneenaꞌone; boonoshi daggooch ne tuniiti gaakkechi shuunoon shalligaaneenaꞌone. Babbereheete; Gibitsee showooch, guuchittinooch wottoyich boonoshin yaabemmi ukkiroon kaacciyeete. Tunebaani ne, gondoon maarecho, shoodecho, ariqqecho, kaaroyich nibbechonaa wodde shunnechona tuneti Nuggishoo neene; ebich boonoshin qayaano neene.

Nehimi 9:17 ပူးပေါင်းရင်းမြစ်များ

1 Taateenaꞌo 6:13

Israꞌeeleenaꞌo daggooch beeyemmo taane; ta asheenaꞌo tuneti Israꞌeeleenaꞌon dufaachemmo taane” iye.

1 Taateenaꞌo 8:57

No Nuggishoo Doono Yeeri no qaabbechinaꞌona tookkii bi tunoommon, noonna tookki tunebe. Noon qajjaaye; noon duppaaye.

2 Kiinoo 36:13

Sedeqiyaasi Yeerina biin wogiiti taatoo Nabukadinatsori toommooch hukkoon shuunehe. Israꞌeelee Nuggishoo Doono Yeer waan wottoon qajjii, bi mulloon manjiiꞌi babberoo tunehe.

Iziri 9:9

No Nuggishoo Yeero, guuno no tunetaanoona, are guuchittinooch noon qayaano neene; Faariisee taateenaꞌo aafoochaa ne ariqqoon nooch bekkiito neene; ebich boonoshiyoo ne yaafee kexon no haggemmoyich, happeeton wochinnoon no shuunemmoyich, daaggitinaꞌone; ebina no kasheen andiriitinaꞌone; Yihudee showoonaa Yerusaaleminoochoo deebee uxeroon nooch immitinaꞌone.

Nehimi 9:31

Tunebaani ne, shoodechonaa ariqqechona tuneti Nuggishoo ne tunetoyich, ne ariqqee woddoochee tiyitona boonoshin ciroona aalliyaano neene; boonoshin qayaano neene.

Shoddo 106:13

Tunebaani bekkech bi shuunoon batteheete; bi ciicoonoo haaꞌii quyoon qajjiyeete.

Shoddo 106:7

No qaabbechinaꞌo Gibitsee showooch beebee, worganikkiti ne shuunoon shalligaaneenaꞌone; wodde ne shoodoon gabaaneenaꞌone; Ceelle baharoochaa ne toommooch tiyiyeete.

Shoddo 130:4

Tunebaani ne waan maaroo beetone; ebich oogoon neech immehone.

Shoddo 78:10

Yeerina tookkii boonoshi giyiti wogoon quyeyaaneenaꞌone; bi sheeroona hamon qajjiyeete.

Shoddo 78:11

Boonoshich bi shuuneti shuunoon, bi bekkiiti gaakkechi mooyonoo batteheete.

Shoddo 78:38

Ebi tunetaanoona bi boonoshich ariqqehe; boonoshi axaaxoon maariyani boonoshin aalliyaanoone. Bi kaaroon meeti aaboon shuuchehe; kupphe bi kaaro bullin kindiyaanoone.

Shoddo 86:15

Ta Doonocho, ne, maarechi, ariqqechi Nuggishoo neene; kaaroyich nibbecho neene; ne shoodoonaa gibeneyoona woddoone.

Shoddo 86:5

Ta Doonocho, ne, deꞌoonaa maarechona neene; neen ceeggiibeeto bullich, wodde shoodecho neene.

Keyo 32:9

Doono Yeeriyoo daakkiꞌi Muusich ishichiye: “Ebi asheenaꞌon beeggeto taane; boonoshiyoo babbereenaꞌone.

Shaahiyoo 1:24

Ta ceegiyooba waayemmon ittoshi qajjitoyich, ta kishoon ta yaggiyooba koniyoona aaxxiyoo bi qajjitoyich,

Erimiyaasi 18:15

Tunebaani ta asho taan battetone; duube mooyoyich ixaanoon shookkitone; gommoocheenoo tepheetone; wonnee gommoochee wokkiꞌi, shuuneyaani wuuqqe gommooch shokitone.

Erimiyaasi 19:15

“Israꞌeelee Nuggishoo Beshe Mawe Doono Yeeri ishichiye: ‘Ta qaaroon boonoshi waayee qayoyich mulloon boonoshi babberiitoyich, hini katemoonaa bi gafeenaꞌo bullinochi toommooch ta getteti gonde mooyon deebemmo taane’ itone” iye.

Erimiyaasi 7:26

Tunebaani boonoshi mulloon muumiiheetani taachon waayeyaaneenaꞌone; boonoshi waamon gaꞌiyaaneenaꞌone; halla boonoshi qaabbechinaꞌo tuniitoyee beshe gonde mooyon tuniiheete.

Hiziqeeli 5:6

Yerusaalemi aageteenaꞌoyee beshoon ta geteenaꞌo toommooch hukkoon tiijjiyan; bi guudoona beetinaꞌoyee beshoon ta qociyoon shaaddahane. Ebiyoo ta geteenaꞌon waayeyaache getonaa ta qociyoona hammi qayonane” iye.

Daaneeli 9:9

No Doono no Nuggishoocho, ne toommooch hukkoon shuuneto no tunetaanoona, ne, ariqqechonaa maarechona neene.

Yoꞌeeli 2:13

Ittoshi mulloonalli ittoshi tahoon keexxaahote. Ittoshi Nuggishoo Doono Yeer waan wottebote; biyoo maarecho, ariqqecho, kaaroyich nibbecho, wodde shoodecho, sheeroyich nibbechone.

Leweenaꞌo 26:44

Tunebaani ebi bulli bi tunetaanoona, boonoshi etteenaꞌo showooch boonoshi beetaa, boonoshina tookkaa ta giyeti wogoon biishona, boonoshin ta aalliimmi wottoon, boonoshin dufaachemmo taane; boonoshinoo tiyaareyaachemmo taane. Ebiyoo ta, boonoshi Nuggishoo Doono Yeeri ta tunetoyichiye.

Naahoomi 1:3

Doono Yeeri kaatee kaareyaanoonaa oogeti giidechonane; tunebaani amolla tunetaa, gonde shuunechon sheeraanoon cikkii qayaache. Bi gommoo yubee yongoonaa yuppuppoonochi daggoochiye; quboo bi baateexi quttoone.

Haddoo 14:11

Doono Yeeri Muusich ishichiye: “Hini asheenaꞌo taan boonoshi hoxe beeyemmo, aati wottooniye? Ebi boonoshi daggooch ta tuniyaabeeti, worganikkiti mooyo bullina taan gibenoon qayi boonoshi beeyemmo aati wottooniye?

Haddoo 14:41

Tunebaani Muusi “Doono Yeerichi getoon ittoshi shaaddeebeeto amoyichiye? Ittoshich kaameyaachemmone.

Haddoo 16:14

Ebiyee wotta, ejjoonaa eeyona xuupphiibeeti showooch noon giijjaano neene; goyoonaa woyinee budononoo nooch woraashiyaano neene. Andoo noon dachiya qaawiibeeto neene. No hamaachone” iyeete.

Mishiraachechinaꞌo 7:39

“Tunebaani no qaabbechinaꞌo hini are Muusin xuqqiyeete; ‘No toommooch ukkireyaache’ iꞌi boonoshi mulloona Gibits wotteheete.

Roomi 9:15

Yeeri Muusich “Ikke uroon maariya ta qaawigaata, maaremmo taane; ikke uroyichoo ariqqeya ta qaawigaata, ariqqemmo taane” bi itoommoniye.

Hibireena'o 12:25

Gettiibeeti Yeerin waayeyaache ittoshi getaachemmoyich ittoshi qelloon ariibote! Ebi areenaꞌo showee toommoochaa Yeeri gettiton waayeyaachone boonoshi iyooba, Yeerichi nalloochee muricaaneenaꞌone; ebich no wotta shimaayoochaa gettiibeeti Yeer waanee gubb no shoki gaata, aabichiree Yeerichi nalloochee muriccehone?

1 Saameeli 12:22

Doono Yeeri ittoshin bi asho tuniiya shunnito bi tunetoyich, Doono Yeeri ooge bi shigoyicha getiree, bi asheenaꞌon qayaachemmone.