Nehimi 9:15 - Kafa Linguistics Project

¹⁵ Boonoshi shaacoyich shimaayoochee koshon immehine; boonoshi shachewoyich xaqqoochee aacon kichihine; boonoshich imma wogoon ne giyeti showoon giyiree boonoshi woraashemmoyich gettehine.

Nehimi 9:15 ပူးပေါင်းရင်းမြစ်များ

Halloo 14:22

Abraami Sodoomi taatoyich ishichiye: “Shimaayoonaa showoonon halliti, Beshe Nuggishoo Doono Yeer waan ta kishoon kaama tiijjaꞌa wogehoye.

Nehimi 9:20

Boonoshin bi dojjemmoyich deꞌe ne Ayaanoon boonoshich immehine. Mannoonoo boonoshi noonoochee kuxaano neene; boonoshi shachewoyichoo aacon immehine.

Shoddo 114:8

Aroo xaqqoon kote aach, shiishe xaqqoonoo tunee aach, wochitone.

Keyo 16:4

Arooba Doono Yeeri Muusich ishichiye: “Shimaayoochee koshon amichittinoon ittoshich dichemmo taane. Asheenaꞌo qemi qemona keyi, ikke qemoyich bedoon baach macibeete. Ebina ta getoon boonoshi quyoonaa quyee qayonon beeggemmo taane.

Keyo 17:3

Tunebaani asheenaꞌo ebi aroochaa oogeton boonoshi shachewetoyich, Muusi toommooch guruuxiibee, “Noonnaa no bushiisheenaꞌona, no gijjeenaꞌoo shachewoona ciiremmoyich, amoyich Gibitsee noon kichinne?” iyeete.

Keyo 17:6

Tawoo Kooreebi guudooch beeti xaqqee toommoochaa ne aafooch neexemmo taane; xaqqoonoo yexe. Asheenaꞌo uchemmoyich aroochee aaco xuupphemmone” iye. Ebich Muusi Israꞌeelee ukkireenaꞌo aafoochaa ebin tuniihe.

Keyo 6:8

Abrahamich, Yisaaqinaa Yaaqobinoyich imma ta wogeti showooch ittoshin giijjemmo taane; ittoshi hajjoon tuniiree ittoshich immemmo taane. Ta, Doono Yeeri taane’ itone gete” iye.

Isiyaasi 48:21

Barahoona boonoshin bi yaabiyooba shacheweyaaneenaꞌone; xaqqoochee aaco boonoshich bi xuupphemmoyich tuniihe; xaqqoon bi gaahaa aaco bubiye.

Erimiyaasi 32:23

boonoshiyoo giyiꞌi woraashiyeete. Tunebaani ne qaaroon waayeyaaneenaꞌone; ne sheeroona hamaaneenaꞌone; boonoshi tuniyemmoyich ne getteto bulliichee amoonolla tuniyaaneenaꞌone. Ebich ebi shaahe gonde mooyon boonoshi toommooch deebehine.

Hiziqeeli 20:15

Boonoshich imma ta gibenikkiti ejjoonaa eeyona xuupphiibeeti showooch, showoo bulliyee beshe gaawe showooch boonoshin giijjaachemmo ta tunoon barahoochaa boonoshich wogeho.

Haddoo 14:30

Ittoshich imma ta wogeti showooch Yefuuni bushoo Kaaleebinaa Nuuni bushoo Yaasinoyee besh, ittoshi daggoochee ikkolla giyaachemmone.

Yibbaatoo 1:21

Ebiyoche, no Nuggishoo Doono Yeeri are showoon nooch immitone. Hamiree, ittoshi qaabbechinaꞌochi Nuggishoo Doono Yeeri ittoshich gettitoommon, are showoon woraashibote. Shattaahote; keqqiyaahote’ iyoye.

Yibbaatoo 1:8

Ittoshich ta immaabeeti showoo ebiyoche, Doono Yeeri ta, ittoshi qaabbechi Abrahamich, Yisaaqinaa Yaaqobinoyich, boonoshi shiijjereenaꞌoyichoo imma ta wogeti, ebi showoon hami woraashibote’ itone” iye.

Yibbaatoo 8:3

Asho Doono Yeerichi noonoochee kechiibeeti mooyo bullinalli kosho ikkeetona baach kashoona beetaachemmo bi tunoon neech arichiyoyich, neen shaaciyoona biich deꞌa ne gettemmoyich tuniihe; newoo tuneb ne qaabbechinaꞌo maa ariyaani mannoon neech maanjiye.