Nehimi 8:9 - Kafa Linguistics Project

⁹ Showee iraashoo Nehimi, qeeshoo, sheeree dojjechi Izirinaa asheenaꞌon dojjiibeeti Leweenaꞌona asheenaꞌo bullich “Hanaachi aabo no Nuggishoo Doono Yeerich yaafeeti aaboone. Ayini eeppaahote; tuumishoo gettaahote” iyeete. Ebiyoo asheenaꞌo bulli Yeerichi qaaroon boonoshi waayehooba, boonoshi eeppii beetoyichiye.

Nehimi 8:9 ပူးပေါင်းရင်းမြစ်များ

2 Taateenaꞌo 22:11

Taatoo Sheeree Macaafo shemmeetaa waayee, ayiniꞌi bi tahoon keexxiye.

2 Taateenaꞌo 22:19

hini xaaꞌoon uppeton, ashaalli xafoonoo tuniyemmo ta tunoon, ta getteti qaaroon waayaꞌa, ne mullo tiishetoyich, Doono Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

2 Kiinoo 15:3

Israꞌeeleenaꞌoo meeti yemeenoon ibere Nuggishaalloon, dojjechi qeeshaalloon, sheeraalloonoo beebee echeheete.

2 Kiinoo 30:22

Hiziqiyaasiyoo Doono Yeerich maddoona shalligechinaꞌo tuneti Leweenaꞌo bullin bi yibbaatoona kupphiihe. Asheenaꞌo ikkittinee deejjoonoo deejjiibee, boonoshi qaabbechinaꞌochi Nuggishoo Doono Yeerin galleteebee, baaree maayoon shabaatte qemon maaheete.

2 Kiinoo 34:19

Taatoo sheeree qaaroon bi waayehooba, bi tahoon keexxiye.

2 Kiinoo 34:21

“Hamiree taachon, Israꞌeelee showoonaa Yihudee showoonooch echeti asheenaꞌochon, hini daneti macaafooch kooreeti mooyon Doono Yeerin echebote. No qaabbechinaꞌo Doono Yeerichi qaaroon quyo boonoshi qajjitoyich, hini macaafooch kooreeto bulliyoommon tuniyoon boonoshi qajjitoyich, Doono Yeerichi kaaree shiixxoo no toommooch kinditone” iye.

2 Kiinoo 35:3

Boonoshi qelloon Doono Yeerich yaafiti, Israꞌeeleenaꞌon dojjiibeeti Leweenaꞌoyich ishichiye: “Yaafee taabootoon, Daawiti bushoo, Israꞌeelee taatoo Solomooni shuuneti yaafee kexooch kotiibote. Ebiyee damba ittoshi gogooch shaagi beeyaahote. Illa and ittoshi Nuggishoo Doono Yeerinaa bi asheenaꞌonoyich maddebote.

Iziri 2:63

Uriimoonaa Tumiimoona Yeerin echeebeeti qeeshoo danemmi wottoon, oogichii yaafeeti maayoochee boonoshi maataachemmoyich showee iraashoo gettiye.

Iziri 7:11

Doono Yeeri Israꞌeeleenaꞌoyich immiti sheeroonaa qociyee mooyonon gaawichii ariibeeti, qeeshoo tuneti, sheeree dojjechi Izirich taatoo Arta Yekisesi immiti koorichoo ishichii beetone:

Nehimi 10:1

Ebi aree toommooch dukketinaꞌoo: Hakaliyi bushoo, iraashoo Nehimi, Sedeqiyaasi,

Nehimi 12:26

Eboshiyoo Yotsedeeqi bushoo, Yaasi bushoo Yoyaqiimi yemeenooba, showee iraashoo Nehimi yemeenoobinaa qeeshoo tuneti, Muusichi Sheeree dojjechi Iziri yemeenoobina maddee beeheete.

Nehimi 7:65

Uriimoonaa Tumiimoona Yeerin echeebeeti qeeshoo danemmi wottoon, oogichii yaafeeti maayoochee boonoshi maataachemmoyich showee iraashoo gettiye.

Nehimi 7:70

Yaree ukkireenaꞌoochee ikkikkeenaꞌo shuunoo shuuneyemmoyich, wojjoon immiyeete. Showee iraashoo shimitte kiilo giraamaa qachi aachoon, aache quppe saanoonaa qeesheenaꞌoyich tunemmi, uuche ballaa shaashe tahoonon deebii ginjabeetooch giijjiye.

Nehimi 8:2

Ebich qeeshoo Iziri shabaattinnee agenee ikkinnee qemooba anaaminaꞌo, maacheenaꞌonaa boonoshi waayeton shalligoon hakkii beetinaꞌo bullina kiceeꞌi beetooch, Sheeree Macaafoon deebiye.

Dojjecho 3:4

eefoyich gooroo beete; miicoyich gooroo beete; goppii eefoyich gooroo beete; shuurii duuboyich gooroo beete;

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Hosee'i 4:6

Ta asheenaꞌo ariyee muccoochee tiyitona aalletinaꞌone. Ariyoon qaawoo ittoshi qajjitoyich, tawoo taach qeeshoo ittoshi tuneyaachemmoyich ittoshin qajjoye. Ittoshi Nuggishoo ta sheeroon ittoshi battetoyich tawoo wotta ittoshi bushiisheenaꞌon battemmo taane.

Leweenaꞌo 23:24

“Israꞌeeleenaꞌoyich ishichi gete: ‘Shabaattinnee agenee ikkinnee qemo yaafeeti kashee shambetoo, tiroo (waaringo) huggi shalligichoo, taach goyinnoyich ittoshi kiceyemmi yaafeeti aabo ittoshich tunebe.

Milikiyaasi 2:13

Ittoshi tuniyemmi bare mooyo ebine: Doono Yeeri ittoshi deejjoon ciinaachemmo bi tunetoyich, ittoshi kishoocheenoo deꞌaachemmo bi tunetoyich, Doono Yeerichi deejjee gudoon acimoona, eefonaa ayinoona qeremmo ittoshine.

Roomi 3:20

Ebich asho koniyoona sheeroon quyoona Yeeri aafooch cadiqaache; ebiyoo ebi sheeroo asho bulli axaaxecho bi tunoon bi arichii beetoyichiye.

Roomi 7:9

Tawoo wonna sheeroo icheyaan beehooba, kashecho taane; tunebaani sheeroo gettiibeeti mooyo shagaa, arooba axaaxoo giidoon danehe; tawoo qitiyo.

Yibbaatoo 12:12

Aroochaa ittoshi anaami bushiishoonaa ittoshi maache bushiishoona tookki, ittoshi guuninaꞌonaa ittoshi gonneenaꞌona tookki, wotta boonoshi qoodeeti woyee woraashiti showoo aallo bi tunetoyich, ittoshi beeti katemeenaꞌooch koteti Lewee asheenaꞌona tookki, Doono Yeeri aafoochaa emiribote.

Yibbaatoo 12:7

Ebi aroochaa, ittoshi Nuggishoo Doono Yeeri aafoochaa ittoshinaa ittoshi kechi asheenaꞌona maayemmo ittoshine. Ittoshi kishoona ittoshi shuuneto bullin Doono Yeeri diiritoyich ittoshi bulli oogichi emiremmo ittoshine.

Yibbaatoo 16:11

Newoo, ne anaami bushiishoonaa ne maache bushiishoona, ne guuninaꞌonaa ne gonneenaꞌona, ne beeti katemooch koteti Lewee asheenaꞌonaa shiqqeenaꞌona, nihaalleenaꞌonaa neenna tookkii beeti xuumeenaꞌona, ne Nuggishoo Doono Yeeri biich ittoshi goyinnemmoyich bi kaacciti xaaꞌoochaa, bi aafoochaa emiremmo ittoshine.

Yibbaatoo 26:14

Eeppaa muushenaꞌa ta kotehooba aroochee maataano taane. Ta eeꞌehooba ebi aroochee amoonolla ta kexoochee kichaano taane; qititi ashichoo buuroon giddiyaano taane. Ta Nuggishoo Doono Yeeri ne qaaroon waayeto taane. Taach ne getteto bullin ceechito taane.

Yaaqobi 4:9

Tuumiree oogichi ayinibote; eefote. Ittoshi miico oogeti ayinooch, ittoshi emiroo tuumooch shaddeebe.