Nehimi 8:6 - Kafa Linguistics Project

⁶ Iziriyoo ooge Nuggishoo Doono Yeerin galletehe. Asheenaꞌo bulliyoo boonoshi kishoon kaama yaggiꞌi, “Ameena, ameena” iibee ceechiyeete; boonoshi qelloon yittiiheete; baroona guufeꞌi Doono Yeerich goyinneheete.

Nehimi 8:6 ပူးပေါင်းရင်းမြစ်များ

Halloo 14:22

Abraami Sodoomi taatoyich ishichiye: “Shimaayoonaa showoonon halliti, Beshe Nuggishoo Doono Yeer waan ta kishoon kaama tiijjaꞌa wogehoye.

Halloo 24:26

Uro yittii Doono Yeerich goyinnehe;

1 Kiinoo 16:36

Bulli yemeenoochee bulli yemeenooch, Israꞌeelee Nuggishoo Doono Yeeri diireebe. Asheenaꞌo bulliyoo, “Ameena” iyeete; Doono Yeerinoo galleteheete.

1 Kiinoo 29:10

Daawiti iitoo bulli aafoochaa Doono Yeerin ishichiꞌi galletehe: “No qaabbechi Israꞌeelichi Nuggishoo Doono Yeero, bulli yemeenoochee bulli yemeenooch, galleto neech bede.

1 Kiinoo 29:20

Aroochee Daawiti iitoo bullin, “Ittoshi Nuggishoo Doono Yeerin galletebote” iye. Ebina iitoo bulli boonoshi qaabbechinaꞌochi Nuggishoo Doono Yeerin galleteheete; Doono Yeerinaa taatoonochi aafooch guufeꞌi goyinneheete.

2 Kiinoo 20:18

Yoshafaaxiyoo baroona showooch guufehe. Biinna tookkii beeti, Yihudee asheenaꞌonaa Yerusaalemi asheenaꞌona guufeꞌi Doono Yeerich goyinneheete.

2 Kiinoo 29:10

Andoo bi kaaree shiixxoo no waanee bi wottemmoyich, Israꞌeelee Nuggishoo Doono Yeerina tookki wogoon gimoyich ta mulloona gabito taane.

2 Kiinoo 29:30

Taatoo Hiziqiyaasinaa bi iraasheenaꞌona Leweenaꞌona kooreeti, Daawitinaa yaaꞌechi Asaafina kichiti galletee shoddeenaꞌon shoddoona Doono Yeerin boonoshi galletemmoyich, gettiyeete. Boonoshiyoo emiroona shoddee galleteheete; yittiꞌinoo goyinneheete.

2 Kiinoo 6:4

Ishichiinoo iye: “Israꞌeelee Nuggishoo Doono Yeeri galleteebe! Biyoo ‘Ta asheenaꞌon Gibitsee kichaa ta deebeti aaboochee tiijjaꞌa, ta shigo arooch beeyemmi yaafee kexo hakkemmoyich, Israꞌeelee yoodo bulli daggoochee katemoo aabinona kaacaano taane; ta asheenaꞌo tuneti Israꞌeeleenaꞌo toommooch ukkiroo bi tunemmoyichoo asho koninolla kaacaano taane. Tunebaani and ta shigo arooch bi beeyemmoyich, Yerusaalemin kaacceto taane; ta asheenaꞌo tuneti Israꞌeeleenaꞌon bi qeejjemmoyichoo Daawitin kaacceto taane’ iꞌi ta nihoo Daawitich bi gibenikkiti gibenoon ceechitone.

Nehimi 5:13

Wotta ta tahee qodoon tebbaꞌa, “Ebi mooyon tuniyaani ashoon Yeeri bi kexonaa bi hajjitonoochee ebiyoommon biin tebbebe; ebiyoommon ooye; shokkoon echebe” iyo. Iitoo bulli, “Ameena” iye; Doono Yeerinoo galletehe. Asheenaꞌoo boonoshi giyiti wogoon ceechiyeete.

Nehimi 8:7

Asho bi xaaꞌi xaaꞌooch neexeechaa, Leweenaꞌo, eboshiyoo Yaasi, Baniyi, Sherebiyi, Yamiini, Aquubi, Shabetaayi, Hodiyi, Maseyaahi, Qeliixi, Azariyaasi, Yozabaadi, Hanaaninaa Felayahina sheeroon boonoshich biichii gettii beeheete.

Shoddo 134:2

Yaafe xaaꞌoochaa ittoshi kishoon yaggiree, Doono Yeerin galletebote.

Shoddo 141:2

Ta corooto ne aafoochaa ixaanochoommon shucheto tunebe; kishee ta tiijjoo womikkee deejjochoommon ciichebe.

Shoddo 28:2

Taan ne gaachemmoyich, ne yaafee kexo waan ta kishoon tiijjaꞌa, ne waan ta cookaabeeti cookoon waayebe.

Shoddo 41:13

Bulli aaboochee bulli aabooch, Israꞌeelee Nuggishoo Doono Yeeri diireebe! Ameena, ameena.

Shoddo 63:4

Ta kashee yemeeno bulliich neen galletemmo taane; ta kishoon kaama tiijjiree ne shigoon ceeggemmo taane.

Shoddo 95:3

Doono Yeeri ooge Nuggishoone; nuggisheenaꞌo bulli toommooch ooge Taatoone.

Keyo 12:27

boonoshich ishichi getote: ‘Doono Yeeri Gibitseenaꞌon qitoona bi naxehooba, Gibitsee showoochaa Israꞌeeleenaꞌochi kechi kelloona besheꞌi no kexon bi wodiitoyich, Doono Yeerich no deejjiibeeti, Beshee Baaree deejjoone’ gettemmo ittoshine” iye. Aroochee asheenaꞌo yittiyeete; Yeerich goyinneenoo iyeete.

Keyo 4:31

Boonoshiyoo iberiiheete. Doono Yeeri boonoshich qaakkeebeeto bi tunoonaa boonoshi xuuxoon beeggito bi tunoonon waayeꞌi, Doono Yeerich yittiꞌi goyinneheete.

Erimiyaasi 28:6

“Ameena, Doono Yeeri ebin tuniibe; Doono Yeerichi yaafee kechi qiicoonaa keco bullinon Baabloonee showoochee hini xaaꞌooch wochoona, Doono Yeeri ne keemmeti keemoon ceechibe.

Shoosho 3:41

No mulloon no kishoona tookki, shimaayooch beeti Nuggishoo Yeer waan tiijjibone; ishichishoo getone:

Leweenaꞌo 9:24

Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.

Maatiyoosi 26:39

Boonoshi aafoochee giishechoon wokkiꞌi hammiye. Baroona guufeechii corootiibee, “Ta Nihoocho, tunesho gaata, hini xuuxee xoofoon ta waanee wokkiibe. Tunetaa ne daaggoo tunebaani, ta daaggoo tunaaye” iye.

Maatiyoosi 6:13

Gondoochi nihoo kishoochee noon quyeballi, bi dachooch noon geddaahine. [Taatittino, giidoo, oogee yiiroo bulli yemeenoon neechone. Ameena.’]

1 Qorontoosi 14:16

Ebi toono gaata, ne ayaano ikkeetona Yeerin ne galletegaata, ne gettaabeeto biich giyaani kittinnoyich bi tuusheetoyich, Yeerin ne galletaabeeti galletoyich ameena bi gettemmo aabichireeshiye?

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

1 Ximootiyoosi 2:8

Illa doonjeenaꞌo bulli xaaꞌoochaa kaaroonaa hayoonon qayiichi, yaafeeti boonoshi kishoon damba tiijjiree boonoshi corootemmoyich daaggiyoye.

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

Yaaꞌoo 7:11

Maraakeenaꞌo bulliyoo taatee qeechi guudoona, geeneenaꞌonaa kashechi awudde halleenaꞌonochi guudoona neexee beeheete; taatee qeechi aafooch baroona guufeheete; Yeerichoo goyinneebee,