Nehimi 8:12 - Kafa Linguistics Project

¹² Aroochee asheenaꞌo bulli, getteeti qaaro boonoshich bi giyitoyich, maa ucha, boonoshich aalleenaꞌoyich boonoshi maayoochee qoodiree daachiya, emirikkiti ooge baaroonoo baariya hammiyeete.

Nehimi 8:12 ပူးပေါင်းရင်းမြစ်များ

1 Kiinoo 29:22

Ebiyooba oogeti emiroona Doono Yeeri aafooch maa uchiyeete. Aroochee Daawiti bushoo Solomoonin wochinnoon taatiiheete. Taatoo bi tunemmoyichoo Doono Yeerichi shigoona huuttiyeete. Sadooqinoo qeeshoo bi tunemmoyich huuttiyeete.

Nehimi 8:10

Nehimiyoo boonoshich, “Hambote; gaawe maayoon mamote; shaawi uyoonoo uyote; qanniti mooyo amolla boonoshich aalli asheenaꞌoyich ittoshich beetoochee daachiibote. Hanaachi aabo no Doonoyich yaafeetone. Doono Yeerichi emiroo ittoshich giidoo bi tunetoyich, ayiniyaahote” iye.

Nehimi 8:11

Ebich Leweenaꞌo “Cikkibote; hanaachi aabo yaafeeto bi tunetoyich, ayiniyaahote” iꞌi asheenaꞌon tooꞌiiheete.

Nehimi 8:13

Guttinnee qemooba asheenaꞌo bullichi yaree ukkireenaꞌo, qeesheenaꞌonaa Leweenaꞌona sheeree qaaroon doyiya sheeree dojjechi Izir waan waaheete.

Asteeri 9:22

Boonoshi baaremmi naboo, Ayihudeenaꞌo boonoshi etteenaꞌo waanee boonoshi kasheti aabo, boonoshi ayinoo emiroona, boonoshi eefoo emiree baaroona bi shaddeeti aabo bi tunetoyichiye. Ebi aaboonoo emiree aaboonaa baaree aaboonon tuniiree, boonoshinaa boonoshina ikkoo baroyich maayoon imibee bi baaremmoyich, wotta girechinaꞌoyich maayoon imibee boonoshi baaremmoyich gettiye.

Iyoobi 23:12

Bi getoochee keyaano taane; bi geto bullin ta mullooch kotiyaꞌa quyeto taane.

Shoddo 119:111

Ne qociyoo bulli yemeenoon ta hajjoone; ta mulloo ebina emiriye.

Shoddo 119:127

Ne geteenaꞌon aachoyee, xalle aachoyee beshoon shunnehoye.

Shoddo 119:130

Ne qaaroon doyoo bekkoon immiye; tuusheenaꞌon shalligechinaꞌo tuniihe.

Shoddo 119:14

Ooge gaanno taan emirikkoommon, ne qociyoona beemo taan emirikkiye.

Shoddo 119:16

Ne qociyoo taan emirikkiye; ne qaaroon batteyaachemmo taane.

Shoddo 119:171

Ne qociyoon taach ne dojjaa beetoyich, bulli aabooch neen galletehoye.

Shoddo 119:174

Doono Yeero, ne wodiyoon sharaatehoye; ne sheeroo taan emirikkiye.

Shoddo 119:72

Dofee aachoonaa xure birewoonoyee, ne noonoochee kechiibeeti sheeroo taach beshoone.

Shoddo 119:97

Ne getoon am shaahoon shunnehote; heeyo bullin kichaa kindiyaa gabiyoye.

Erimiyaasi 15:16

Beshe Mawe Nuggishoo Doono Yeero, ne shigoona ceekketo taane; ne qaaro danetone; tawoo maato taane; ne qaaroo taach emiroonaa mulleechi ooge emiroonon tunehe.

Luqaasi 24:32

Boonoshinaa boonoshina ishichiyeete: “Gommona tookkaꞌa no waa beetaa, Yaafe Macaafooch kooreeton biichii nooch bi gettimmona, no mullo oogichiꞌi qeeccito toone!” iyeete.

Roomi 7:18

Ta waan, ebi getoo ta meechi shuriyooch, gaawe mooyo aallo bi tunoon ariibeeto taane; gaawe mooyon tuniyoyich ta qaawitaanona, tuniyoon hakkaache.

Yaaꞌoo 11:10

Ebi gutte keemechinaꞌo showee toommooch beeti asheenaꞌon boonoshi xuuxii beetoyich, showee toommooch beeti asheenaꞌo ebi keemechinaꞌo qititoyich, oogeton emiremminaꞌone; gifiroon gedi maabee, boonoshinaa boonoshina ikkoo baroyich emiree wojjoon daachiyemmone.