Nehimi 8:1 - Kafa Linguistics Project

¹ Ebiyooba asheenaꞌo bulli ikke kashoon tuneꞌi, Aachi Kellee ciinooch beeti addibaabooch kiceeheete. Aroochee Doono Yeeri Israꞌeeleenaꞌoyich Muusina bi immiti Sheeree Macaafoon sheeree dojjechi Iziri deebemmoyich gettiyeete.

Nehimi 8:1 ပူးပေါင်းရင်းမြစ်များ

2 Taateenaꞌo 23:2

Aroochee taatoo damba Doono Yeerichi yaafee kexooch hammiye. Biinna tookkii Yihudee asheenaꞌo bullinaa Yerusaalemi asheenaꞌo bullina, qeesheenaꞌo, keemechinaꞌo, asheenaꞌo bulli giishoochee oogooch beddaahaa hammiyeete. Biyoo Doono Yeerichi yaafee kexoochee daneti wogee macaafeexi qaaro bullin boonoshich waayiiꞌi shemmehe.

2 Kiinoo 34:15

Hiliqiyiyoo koorechi Shafaanich “Sheeree Macaafoon Doono Yeerichi yaafee kexoochee daneto taane” iye. Aroochee macaafoon Shafaanich immiye.

2 Kiinoo 34:30

Aroochee taatoo damba Doono Yeerichi yaafee kexooch hammiye. Biinna tookkii Yihudee asheenaꞌo bullinaa Yerusaalemi asheenaꞌo bullina, qeesheenaꞌo, Leweenaꞌo, asheenaꞌo bulli giishoochee oogooch beddaahaa hammiyeete. Biyoo Doono Yeerichi yaafee kexoochee daneti wogee macaafeexi qaaro bullin boonoshich waayiiꞌi shemmehe.

Iziri 7:1

Ebiyee gubb, Faariisee taatoo Arta Yekisesi taateti yemeenooba, Iziri Baabloonee showoochee waahe; biyoo qeeshee guudo Harooni bushoo, Elazaari bushoo, Finihaasi bushoo, Abishuwi bushoo, Buqiihi bushoo, Uuzi bushoo, Zerahiyi bushoo, Merayooti bushoo, Azariyaasi bushoo, Amariyi bushoo, Akixuubi bushoo, Sadooqi bushoo, Shaluumi bushoo, Hiliqiyi bushoo, Azariyaasi bushoo, Seraayi bushoone. Iziri Israꞌeelee Nuggishoo Doono Yeeri Muusich immiti sheeroon gaawichii ariibeeti, sheeree dojjechone. Bi Nuggishoo Doono Yeeri gaawe aafoona biin bi ciinnitoyich, bi echeto bullin taatoo biich immiye.

Iziri 7:10

Iziri Doono Yeerichi sheeroon doyoonaa tuniyoonon, wotta Israꞌeeleenaꞌoyich qociyoonaa doyoonon dojjoonoo ta shuuna itone.

Iziri 7:11

Doono Yeeri Israꞌeeleenaꞌoyich immiti sheeroonaa qociyee mooyonon gaawichii ariibeeti, qeeshoo tuneti, sheeree dojjechi Izirich taatoo Arta Yekisesi immiti koorichoo ishichii beetone:

Nehimi 12:26

Eboshiyoo Yotsedeeqi bushoo, Yaasi bushoo Yoyaqiimi yemeenooba, showee iraashoo Nehimi yemeenoobinaa qeeshoo tuneti, Muusichi Sheeree dojjechi Iziri yemeenoobina maddee beeheete.

Nehimi 12:37

Aachi Xuuphee Kelloon besheꞌi, Daawiti Katemee daqqelloona uxeree toommooch kechiyeete. Daawiti kexoyee damba besheꞌi, aabi-keyo waan beeti Aachi Kellooch beddaahaa hammiyeete.

Nehimi 3:26

Ofeeli geppooch koteti, yaafee kechi maddechinaꞌo aabi-keyo waan beeti Aachi Kellee ciinoonaa xaqqee dilaalee ciinoonooch beeti uxeree kuxon uxereheete.

Nehimi 8:16

Ebich asheenaꞌo hammii deebiꞌi, boonoshi kechi kechi toommooch, boonoshi uxeri uxeree daggooch, yaafee kechi addibaabooch, Aachi Kellee addibaaboonaa Efreemi Kellee addibaaboonooch bashoon bashiyeete.

Nehimi 8:3

Biyoo Aachi Kellee ciinooch beeti addibaabooch neexeꞌi anaaminaꞌo, maacheenaꞌonaa boonoshi waayeton shalligoon hakkii beetinaꞌona waayee beetaa, haroochee tiijjiꞌi showoo tukkemmi wottoon shemmehe. Asho bulli waamon gaꞌii Sheeree Macaafoon ellee beehe.

Isiyaasi 8:20

Ittoshi, Doono Yeerichi sheeroonaa miixittinoona hambote; ebi qaaroon geto boonoshi qayigaata, haree bekko boonoshich bekkeyaachemmone.

Leweenaꞌo 9:5

Asheenaꞌoo Muusi boonoshich gettito bullin danee duukkaanee kellooch deebiyeete. Boonoshi bulliyoo giddeꞌi Doono Yeeri aafooch neexeheete.

Milikiyaasi 4:4

Beshe Mawe Doono Yeeri ishichiye: “Israꞌeeleenaꞌo bullich bi tunemmoyich, Siini guudoochaa ta guuno Muusich ta immeti sheereenaꞌon, qociyeenaꞌonaa doyeenaꞌonon gabibote.

Maatiyoosi 13:52

Biyoo “Illa shimaajji taatittineecha ta dabboo tuneti sheeree dojjecho bulli, bi kiciti qiicoochee andire mooyonaa geene mooyonon kichiibeeti doonoommone” iye.

Maatiyoosi 23:13

“Hini ittoshi maacoon xalloo shaahiibeeti Muusichi Sheeree dojjechinaꞌonaa Fariseenaꞌonote, ittoshich woowo! Asho shimaajji taatittineech bi giyaachemmoyich kelloon hicciyote. Ittoshi qelloona giyaachote; giya qaawii beetinaꞌoyichoo bajjiyote.

Maatiyoosi 23:2

“Muusichi Sheeree dojjechinaꞌonaa Fariseenaꞌona Muusichi gabberooch kotetinaꞌone.

Maatiyoosi 23:34

Ebich keemechinaꞌon, yiiteenaꞌonaa dojjechinaꞌonon ittoshi waan woche daachiyemmo taane. Boonoshi daggoochee ikkikkeenaꞌon wuxemmo ittoshine; ikkikkeenaꞌon yooddemmo ittoshine; boonoshi daggoochee ikkikkeenaꞌon ittoshi kiceebeeti kexoochaa arengoona xoobiree katemoochee katemooch yookkemmo ittoshine.

Yibbaatoo 31:11

Israꞌeeleenaꞌo bulli bi kaaccimmi ikke xaaꞌooch ne Nuggishoo Doono Yeeri aafooch boonoshi kiceehooba, hini sheeroon Israꞌeeleenaꞌo bulli aafooch boonoshich waayiiree shemmebe.

Woraaferasheenaꞌo 20:1

Aroochee Daanee Beershaab beddaahaa beeti, wotta Gilaadee showooch beeti Israꞌeeleenaꞌo bulli ikke kashoon tuneꞌi kechiyeete. Mitsiphi katemooch Doono Yeeri aafooch kiceeheete.

Woraaferasheenaꞌo 20:8

Aroochee asheenaꞌo bulli ikke kasho tunee tiyii neexeꞌi, “No daggoochee koniyoona bi duukkaanooch wotteyaachemmone; bi kexoochoo hamaachemmone.