Nehimi 7:2 - Kafa Linguistics Project

² ta manoo Hanaaniyi meeti asheenaꞌoyee beshoon Yeerin shattiibeeti, gibeneeti asho bi tunetoyich, xaqqee dilaalee ukkiroo tuneti Hanaanina tookkaa Yerusaalem iraashiiho.

Nehimi 7:2 ပူးပေါင်းရင်းမြစ်များ

Halloo 42:18

Keejjinnee qemooba, Yooseefi boonoshich ishichiye: “Yeerin ta shattaa beetoyich, ebin tuniiree ittoshi kashoon wodiibote.

2 Saameeli 23:3

Israꞌeelee Nuggishoo yibbaatehe; Israꞌeeleenaꞌochi Xaqqee Inderoo taach ishichiye: ‘Asheenaꞌon gaawe dayinnetoona nalliꞌi qeejjiibeeto, Yeerin shatona qeejjiibeeto,

1 Taateenaꞌo 18:12

Neyee giishechoon ta wokkemmona, Doono Yeerichi Ayaano ta ariyaani xaaꞌooch neen daammemmone. Ebina hammaa Akaabich ta getaa, neen bi muccegaata, taan wuxemmone. Ne guuno ta, ta bushittinoochee tiijjaꞌa Doono Yeerin shattaabeeto taane.

1 Taateenaꞌo 18:3

Akaabiyoo taatee kechi ukkiroo tuneti Abidiyin ceeggiye. Abidiyi Doono Yeerin oogichii shattiibeeti ashoone.

Nehimi 1:2

ta maneenaꞌoochee ikkoo tuneti Hanaani, giisheche asheenaꞌona tookkii Yihudee showoochee waahe. Tawoo kecceyoochee muriccii echeti Ayihudeenaꞌo mooyonaa Yerusaalemi mooyonon boonoshin echeho.

Nehimi 10:23

Hosheehi, Hanaaniyi, Hashuubi,

Nehimi 13:13

Qiicee kexinaꞌoochoo qeeshoo Shelemaayin, Muusichi Sheeree dojjechi Sadooqinaa Leweenaꞌo daggoochee Fedayinon ukkiriiho; wotta boonoshin bi gaachemmoyich, Mataniyi bushoochi bushoo, Zakuuri bushoo Hanaanin ukkiriiho; boonoshin ta ukkiriito, gibeneetinaꞌo tuneꞌi boonoshi danetoyichiye. Boonoshi shuunoo, maayoon boonoshi maneenaꞌoyich qoodoone.

Nehimi 2:8

Wotta yaafee kechi gaꞌooch beeti xaqqee uxeree kelleenaꞌoyich, katemee uxeroyich, ta beeyemmi kexoyichoo mixon taach bi immemmoyich, taatoochi shaaroon (kubboon) quyeebeeti Asaafich koorichoo kooreebe” iyo. Ta Nuggishoo gaawe aafoona taan bi ciinnitoyich, taatoo ta qolleton immiye.

Nehimi 5:15

Tunebaani tayee aaf beeti showee iraasheenaꞌo asheenaꞌo toommooch mooyon maggiitinaꞌone; maayoonaa woyinee uyoonoyee daakkiꞌi aabbe sheqeelee birewoon deqqii beeheete; boonoshi naayinaꞌoo asheenaꞌo toommooch doonjee beeheete. Tunebaani ta, Yeerin ta shattetoyich, ebiyoommon tuniyaano taane.

Nehimi 7:3

Tawoo boonoshich, “Aabo qeecaan beetaa, katemee kelleenaꞌon qechiyaahote. Kelloon quyechinaꞌo boonoshi quye beetaa, batt xumeyaan beetaa, kelleenaꞌo hicheyee tuggeebeete. Wotta Yerusaalemi asheenaꞌoochee ikkikkeenaꞌon boonoshi quyee xaaꞌooch, ikkikkeenaꞌon wotta boonoshi kechi kechi ciinooch quyiibote” iyo.

Iyoobi 1:1

Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.

Shoddo 101:6

Ta taatee kexoochaa boonoshi maddemmoyich, hini showeexi gibeneeti asheenaꞌon gaawe aafoona ciinnemmo taane; bachaalli beemona beemmo aroo taach maddemmone.

Keyo 18:21

Wotta asheenaꞌo bulli daggoochee ariyechinaꞌon kaace. Ebi asheenaꞌoo Yeerin shattii beetinaꞌo, gibeneetinaꞌonaa xuccoon maataaneenaꞌona tunebeete; eboshin humee iraasheenaꞌon, ballee iraasheenaꞌon, aachee iraasheenaꞌonaa aashiree iraasheenaꞌonon tuniiree ukkiriibe.

Daaneeli 6:4

Ebich ebi iraasheenaꞌo Daaneeli shuuneebeeti taatee kexeexi shuunoochee muricoon daneree biin taggeya qaawiyeete; tunebaani Daaneeli gibeneeto, muricoon woyee shappe mooyon tuniyaani asho bi tunetoyich, biin boonoshi taggemmi mooyon mucceheete.

Haddoo 12:7

Tunebaani ta guuno Muusina ta yibbaateebeeto ebiyoommona toonoone; Bi, ta kexo bulliich gibeneetone.

Maatiyoosi 24:45

“Illa maayoon boonoshich qaawiimmi saatoona bi immemmoyich bi doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Maatiyoosi 25:21

“Doono ‘Gaawiye, hini deꞌe gibeneeti wochee bushoocho! Giishechoona ne gibeneetoyich, woddiiree neen ukkiriyemmo taane. Ta emiroochee giyiree qoodeebe’ iye.

1 Qorontoosi 4:2

Yakkirechinaꞌo bulli waanee qaaweebeeto, boonoshi shuunoona gibeneetinaꞌo tunoone.

2 Ximootiyoosi 2:2

Meeti miixeenaꞌo aafoochaa ta getaa ne waayeti mooyo bullin, bareenaꞌoyich dojjoon hakkemmi gibeneeti asheenaꞌoyich wotta guudiibe.