Nehimi 6:9 - Kafa Linguistics Project

⁹ Boonoshi bulliyoo noon shatiiya qaawiyeete. Ebiyoo “Boonoshi giidoo niretaa, shuunoo qannaachemmone” iꞌi boonoshi gabitoyichiye. Tunebaani ta, “Ta Nuggishoocho, taan kupphiibe” iyaꞌa corootiyo.

Nehimi 6:9 ပူးပေါင်းရင်းမြစ်များ

2 Kiinoo 15:7

Tunebaani ittoshi shuunee gatiyoon danemmo ittoshi tunetoyich, kupphebote; ittoshi mochoo niraaye” iye.

2 Kiinoo 32:18

Ebi are iraasheenaꞌo uxeree toommooch koteti Yerusaalemi asheenaꞌo waan qaaroon oogichiꞌi Ayihudee noonoona cookiyeete. Ebin boonoshi tuniito eechi keqqichi shatiiree katemoon yecha iꞌiniye.

Iziri 1:6

Boonoshi guudoona beetinaꞌo bulli boonoshi daaggoona boonoshi immiti wojjee toommooch daakkiꞌi, birewoochee shuuneeti qiicoon, aachoon, baribare qiicoon, gijjeenaꞌonaa aaxxe qiicoonon imona gaacheheete.

Nehimi 6:14

Ta Nuggishoocho, ebi boonoshi tuniiti gonde mooyoyich Xobbiyinaa Sanbalaxinon qajjaahine; wotta taan shatiyoyich qaawiti, keemechi ure Noꞌadiyinaa bare keemechinaꞌonon qajjaahine.

Shoddo 138:3

Ne waan ta cookaa waayehine; ne hakkoona taan kupphiihine.

Shoddo 56:3

Shato taan yeshiyooba, neen gibenemmo taane.

Shoddo 68:35

Israꞌeelee Nuggishoo bi yaafee kexoochaa oogichii shattii beetone; hakkoonaa giidoonon bi asheenaꞌoyich immii beetone. Yeeri galleteebe!

Shoddo 71:1

Doono Yeero, ne shoobooch giyeto taane; ciroona yeellayona.

Isiyaasi 40:29

Biyoo maraatetinaꞌoyich hakkoon immii beetone; giidaalloyichoo giidoon daakkiye.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Erimiyaasi 38:4

Aroochee iraasheenaꞌo taatoyich ishichiyeete: “Ebiyoommi qaaroon getona hini katemooch echeti ginee naayinaꞌochi mochoon, asheenaꞌo bullichi mochoon, bi nirii beetoyich, ebi uro qitibe; ebiyoo ebi uro hini asheenaꞌoyich gonde mooyonalli deꞌoon qaawaano bi tunetoyichiye” iyeete.

Hiziqeeli 30:24

Baabloonee taatoochi mochoon kupphiyemmo taane; ta goraadoonoo bi kishooch immemmo taane; tunebaani Faroonichi mochoon tiichemmo taane; biyoo oogichii mayeti ashichoommon bi aafoochaa maaceremmone.

Zakaariyaasi 10:12

Doono Yeeri ta, boonoshin kupphiyemmo taane; ta shigoonoo giyi kechemminaꞌone” iye Doono Yeeri.

2 Qorontoosi 12:9

Tunebaani aroo wochiꞌi, “Ta wojjoo neech beddiye; ta giidoo kupphiiree bi shuunemmo, hakka guutoo tunoonaniye” iye. Ebich Kiristoosichi giidoo ta toommooch yiiremmoyich, aabiyeenona beshiiree oogeti emiroona hakka guutoo ta tunoona geecemmo taane.

Efesooni 3:16

Maaci ittoshi ashittino manjemmoyich, Yeeri worganikkiti bi oogoochee bi Ayaanoona giidoon ittoshich bi wojjemmonaa Kiristoosi bi toommooch ittoshi mullee tooꞌiyoona ittoshi mullooch bi beeyemmonoyich, corootaabeeto taane; Yeerinaa ashoonon ittoshi shunnii beetoyich bulli mooyon tuniibee, yaafeenaꞌo bullina tookki Kiristoosichi shunee gamino, gidoo, neexoonaa duchoona ebine getiree ittoshi shalligemmi hakkoo ittoshich bi beeyemmoyich corootaabeeto taane.

Efesooni 6:10

Illa and, Doono Yesuusinaa bi ooge giidoona kupphebote.

Filipphisiyoosi 4:13

Giidoon taach immiibeeti Kiristoosina bulli mooyon tuniyoon hakkaabeeto taane.

Hibireena'o 12:12

Ebich taahiti ittoshi kishoon, qeweebeeti ittoshi tingoonoo kupphiibote.

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

1 Saameeli 30:6

Asheenaꞌo biin xaqqoona yexxa boonoshi itoyich, Daawiti oogeton xuuxehe. Ebiyoo asheenaꞌo boonoshi anaami bushiisheenaꞌonaa maache bushiisheenaꞌonochi naboona mooyo boonoshich bi caammitoyichiye. Tunebaani Daawiti bi Nuggishoo Doono Yeerina kupphehe.