Nehimi 6:6 - Kafa Linguistics Project

^6-7 Ebi koorichooch kooreeto ishichii beetone: “Neennaa Ayihudeenaꞌona hukkee tiijjoyich gabito ittoshine; uxeroon ne uxeraabeeto ebichiye getaa aageteenaꞌo daggooch yibbaatee beetone; Gesheemiyoo ebi iberoo bi tunoon xiishitone. Wotta boonoshi taatoo tunoyich ne qaawoonaa ‘Ayihudeenaꞌo daggooch taatoo beetone’ getibee neechon Yerusaalemaa boonoshi keemmemmoyich, keemechinaꞌon ne kaacona yibbaatee beetone. Ebi mooyo taatoo waan shago qayaachemmone; ebich ne waataa, echeebone” ii beetone.

Nehimi 6:6 ပူးပေါင်းရင်းမြစ်များ

Iziri 4:12

“Ne waanee no waan waati Ayihudeenaꞌo Yerusaalem hammiꞌi, ebi hukkechi, oogeti gonde katemoon wochinnoon shuunee beetinaꞌone; bi uxeroo uxereebeeto, bi xaqqee heco shuuneebeeto bi tuno taatoyich arichebe.

Iziri 4:15

Eke ne qaabbechinaꞌo kiinee macaafoochee qaaweebe. Kiinee macaafoochee ebi katemoo hukkee katemoo bi tunoon, taateenaꞌonaa woraaferasheenaꞌonon iritiito bi tunoon, wonnee tiijjiꞌi hukkecho bi tunoon danemmo neene. Ebi are katemoo happeeto, ebichiye.

Nehimi 2:19

Tunebaani Horoonee asho Sanbalaxi, iraashoo tuneti Amoonee asho Xobbiyinaa Arabee asho Gesheemina ebin waayeꞌi, noon miiccii cooneheete; qallayiꞌinoo, “Ebi ittoshi tuniibeeti mooyo, amoone? Taatoo toommooch hukkoon shuuneyaniye ittoshi ii beeto?” iyeete.

Nehimi 6:13

Gijjoona bi kemeeto, taan shatiyoyichiye; ebiyoo bi gettiton tuniyoona axaaxoon ta shuunemmonaa ta shigoon boonoshi gondiitaa, asheenaꞌo taan boonoshi gibeneyaachemmonoyich tuniyoyichiye.

Nehimi 6:5

Sanbalaxiyoo aafichoommi wochoon uuchinnoochaa bi aafee bushoona wocheꞌi taach deejjiye; biyoo qereyaani koorichoon yechiꞌi ta waan waahe.

Erimiyaasi 20:10

Meetinaꞌo shaashikkoona “Bulli xaaꞌooch hukkoo beetone; biin taggebote; biin taggebone” ii boonoshi shaashikkee beetaa waayehoye; ta xiboo tunetinaꞌo bulliyoo ta dihoon quyoona “Dawusheyoo qayaachemmone; aroocheenoo biin xoobiyoon hakkemmo noone; nichoon kichemmo noone” iyeete.

Maatiyoosi 5:11

“Ta naboyich ittoshin boonoshi naageteenoo, boonoshi duꞌiiteenoo, gonde mooyon ittoshi toommooch koottiꞌi boonoshi yibbaateteenoo diireeto ittoshine.

Luqaasi 23:2

“Hini uro no aagetoon hukkecho tuniiya koccii bi beetaa, daneto noone. Wotta no macceenaꞌon ‘Qesaarich qaraxoon qoccaahote’ iꞌi bajjitone; ebichi toommooch ‘Ta Kiristoosi, taatoo taane’ ii beetone” iꞌi taggoon yaaqqiyeete.

Yowannisi 19:13

Phelaaxoosi ishin waayeꞌi Yesuusin maaxooch kichiye; aroochee Xaqqee Godo getteebeeti, woyee Hibiree noonoona Gabeta getteebeeti xaaꞌooch beeti nallee gabberooch kotehe.

Roomi 3:8

Wotta ikkikkeenaꞌo “Gaawe mooyo woyemmoyich gondoon shuunebone” ii beeton shaahiiꞌi no shigoon gondii beetinaꞌone. Eboshi toommooch kindemmi nalloo tatoone.

2 Qorontoosi 6:8

Ikkikkeenaꞌo noon oogii beetinaꞌone; bareenaꞌo noon giishii beetinaꞌone; ikkikkoochaa gonde mooyo no toommooch yibbaatee beetone; ikkikkoochaanoo galleteebeeto noone. Iberoon yibbaataabee dawushecho getteebeeto noone.

1 Pheexiroosi 3:16

Tunebaani shiimebee boonoshi yibbaatoon qallayaanoon oogiibee yibbaatebote. Kiristoosina ittoshi daneti gaawe qocoon naageebeeti asheenaꞌo boonoshi oonniibeeti oonoyich boonoshi yeellemmoyich, xalle mullo ittoshich beebe.