Nehimi 6:16 - Kafa Linguistics Project

¹⁶ No guudoona beeti aageteenaꞌo daggooch beeti no etteenaꞌo bulli ebin boonoshi waayehooba, shattiyeete; boonoshi gaboona oogichii yeelleheete; ebi shuunoo qannito, no Nuggishoochi gaachoona bi tunoon ariiheete.

Nehimi 6:16 ပူးပေါင်းရင်းမြစ်များ

Nehimi 2:10

Horoonee asho Sanbalaxinaa Amoonee asho, iraashoo Xobbiyina hini mooyon boonoshi waayehooba, Israꞌeelee shiijjereenaꞌoyich gaawe mooyon qaawiibeeti asho bi waatoyich, oogichiꞌi ippeheete.

Nehimi 4:1

Sanbalaxi, uxeroon no uxeroon bi waayehooba, oogichii kaarehe; ippeenoo iye; Ayihudeenaꞌonoo coonehe.

Nehimi 4:7

Sanbalaxi, Xobbiyi, Arabeenaꞌo, Amooneenaꞌonaa Ashidoodi asheenaꞌona Yerusaalemi uxeroo uxeree bi hamon, uxeree aahoo dooggii dooggii hammiibeeto bi tunoon boonoshi waayehooba, oogichii kaareheete.

Nehimi 6:17

Xobbiyi Araahi bushoo Shekaniyichi bushee kenoone; wotta bi bushoo Yehohanaani Beraakiyi bushoo Meshulaamichi busheen shaaggitone. Ebich Yihudee asheenaꞌoochee meetinaꞌo Xobbiyina tookkii wogoon giyiyeete; ebina Yihudee ogoogeenaꞌo koorichoon biich daachii beeheete; bi waaneenoo koorichoo boonoshi waan waa beehe.

Shoddo 109:27

Doono Yeero, ebin ne tuniyoon, taan ne wodiyoon, ta etteenaꞌo beegeete.

Shoddo 126:2

No noonoo miicona, no heciyoo ililoona ceenniye; aroochee aageteenaꞌo “Doono Yeeri worganikkiti mooyon boonoshich tuniite” iyeete.

Shoddo 129:5

Tsiyoonin shixxiibeeto bulli yeellebe; gubboo wottebe.

Shoddo 147:2

Doono Yeeri Yerusaalemin wochii shuunehe; kecceti Israꞌeeleenaꞌon wochii deebiye.

Keyo 14:25

boonoshi gaarinaꞌochi gengoo guudaachemmoyichoo tuniihe. Gibitseenaꞌo “Doono Yeeri Israꞌeeleenaꞌo qoodoon noonna koyeeniye bi beeto; ebich boonoshi waanee woci wohone” iyeete.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Haddoo 23:23

Yaaqobi toommooch iicoo shuuneyaache; Israꞌeeli toommoochoo qaaxo shuuneyaache. Illa and, ‘Yaaqobich, Israꞌeelichoo Yeeri tuniiton beegote’ getteyemmone.

Mishiraachechinaꞌo 5:38

Andoo ittoshich gettoye: Hini asheenaꞌochi achooch shaggaahote, qayote. Hini shalligoo woyee hini mooyo ashi waanee tuneto gaata aallemmone.

Yaasi 2:11

Ebin no waayehooba, no mullo keqqoona goojjitone. Ittoshin shatoochee tiyitona keqqaani ikke asholla aalloone. Ittoshi Nuggishoo Doono Yeeri damba shimaayooch, desh showoochoo Nuggishoone.

Yaasi 2:9

boonoshich ishichiyan: “Doono Yeeri hini showoon ittoshich bi imon, oogeti shato ittoshi naboona no toommooch bi kindoon, hini showeexi asheenaꞌo bulla keqqoona muuyonoo ariiti taane.

Yaasi 5:1

Ebiyooba Yoordaanoosi aachee beqach, aabi-gimo waan beeti Amooree taateenaꞌonaa baharee gashoona beeti Kanaanee taateenaꞌona bulloshi Israꞌeeleenaꞌo kimmimmi wottoon, Doono Yeeri Yoordaanoosi aacon boonoshich bi shuuꞌiyoon waayeheete. Ebi Israꞌeeleenaꞌochi naboona boonoshi mullo keqqoona goojjii muujjiye.