Nehimi 6:13 - Kafa Linguistics Project

¹³ Gijjoona bi kemeeto, taan shatiyoyichiye; ebiyoo bi gettiton tuniyoona axaaxoon ta shuunemmonaa ta shigoon boonoshi gondiitaa, asheenaꞌo taan boonoshi gibeneyaachemmonoyich tuniyoyichiye.

Nehimi 6:13 ပူးပေါင်းရင်းမြစ်များ

Nehimi 6:12

Ta toommooch keemoon bi keemmito, Xobbiyinaa Sanbalaxina gijjoona kemeteenani, Yeer waanee wocheyee bi qayon ariiho.

Nehimi 6:6

Ebi koorichooch kooreeto ishichii beetone: “Neennaa Ayihudeenaꞌona hukkee tiijjoyich gabito ittoshine; uxeroon ne uxeraabeeto ebichiye getaa aageteenaꞌo daggooch yibbaatee beetone; Gesheemiyoo ebi iberoo bi tunoon xiishitone. Wotta boonoshi taatoo tunoyich ne qaawoonaa ‘Ayihudeenaꞌo daggooch taatoo beetone’ getibee neechon Yerusaalemaa boonoshi keemmemmoyich, keemechinaꞌon ne kaacona yibbaatee beetone. Ebi mooyo taatoo waan shago qayaachemmone; ebich ne waataa, echeebone” ii beetone.

Shaahiyoo 22:1

Gaawe shigo meeti gaannoyee gaawiye; gaawe aafoona ciicheyoo aachoonaa birewoonoyee beshiye.

Shaahiyoo 29:5

Bi giyoyich noonoon shaawiibeeto, bi baatooch shaachoon shaachiye.

Dojjecho 7:1

Gaawe shigo gaawe shittoyee beshiye; qitee aabo shiijjee aaboyee gaawiye.

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 57:11

“Taan shalligoon, ta mooyonoo gaboon qajjiꞌi ittoshi koottito konin shattii keqqiꞌiniye? Taach shato ittoshi qajjito wodde yemeenoon cikkaa ta qajjetoyich toone?

Erimiyaasi 1:17

Tunebaani ne, ne shimetoon cuyebe; tiyi hamiree, neech ta getteto bullin boonoshich gete; boonoshin shattaahine; ne shatigaata, beshoon boonoshich ne shattemmoyich tuniyemmo taane.

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Erimiyaasi 20:10

Meetinaꞌo shaashikkoona “Bulli xaaꞌooch hukkoo beetone; biin taggebote; biin taggebone” ii boonoshi shaashikkee beetaa waayehoye; ta xiboo tunetinaꞌo bulliyoo ta dihoon quyoona “Dawusheyoo qayaachemmone; aroocheenoo biin xoobiyoon hakkemmo noone; nichoon kichemmo noone” iyeete.

Hiziqeeli 2:6

“Ashi bushoocho, boonoshich tuneba boonoshi qaaroyich shattaahine; guccinonaa angixona ne guudoona bi beetaa, barahee macheenaꞌo daggooch ne kotetaa, shattaahine; hukkechi asheenaꞌo boonoshi tunetoyich boonoshi qaaroon woyee sheexon shati keqqiyaahine.

Maatiyoosi 10:28

Meenon wuxoyee damba kashoon wuxoo hakkaaneenaꞌon shattaahote. Tunetaa meenonaa kashoonon shiweree qaaqqoona aalliyoon hakkii beeton shatote.

Maatiyoosi 22:15

Ebiyee gubb, Fariseenaꞌo hammiꞌi, “Aabichiree hini Yesuusin bi yibbaatoon muriciibona?” iꞌi echeeheete.

Maatiyoosi 26:59

Arooba qeeshee ukkireenaꞌonaa kaacheti Ayihudee nallechinaꞌo bullina Yesuusin wuxiiya bi toommooch koote miixeenaꞌon qaawiyeete.

Mishiraachechinaꞌo 6:13

Bi toommooch miixemmi koote miixeenaꞌon giddiiheete; are miixeenaꞌo giddeꞌi, “Hini uro [hini] yaafee kexonaa Yeerichi sheeroonon oonoochee wotteyaanoone.

2 Qorontoosi 11:12

Tunebaani “Mishiraachecho noone” ii beeti ebi asheenaꞌo noochoommon shuunee beetinaꞌo shaahiree boonoshi geecemmi gommon bayoyich, and ta tuniyaa beetoommon wotta gubbichoo tuniyemmo taane.

1 Ximootiyoosi 5:14

Ebich kittinnee gurimaashe xuume maacheenaꞌo wochinnoon boonoshi shaagon, bushoonoo boonoshi shimon, boonoshi kexonoo gaawichiꞌi boonoshi yeshon, daaggiyoye; ebina noon shixxii beetinaꞌo naaggemmi kelloon muccemminaꞌone.

2 Ximootiyoosi 1:7

Yeeri nooch bi immiti Ayaano giideechonaa shuneechona, qellee quyeechoonalli, shatti ayaano toonoone.

Yaaqobi 4:17

Illa koniyoona bi tunegaata, deꞌoon shuunoon ariibee shuuno bi qayigaata, are ashoyich axaaxoone.

Yaaꞌoo 21:8

Tunebaani shateenaꞌo, Kiristoosi toommooch mulloon tooꞌiyaaneenaꞌo, gonde mooyon shuunoona eeꞌetinaꞌo, ashoon wuxitinaꞌo, shunimaayeenaꞌo, iicechinaꞌo (qaaxechinaꞌo), shahalloyich goyinnee beetinaꞌo, kooteenaꞌo bulliyoo duppeyemmi xaaꞌoo qaaqqoonaa waageroona micciibeeti baharoochiye; ebiyoo guttinnee qitoone” iye.