Nehimi 5:2 - Kafa Linguistics Project

² Boonoshi daggoochee ikkikkeenaꞌo “Anaami bushiishoonaa maache bushiishoona nooch meetone. Maaree kashoona no beeyemmoyich, maayoon dano nooch qaawiihe” ii beeheete.

Nehimi 5:2 ပူးပေါင်းရင်းမြစ်များ

Halloo 41:57

Shaacoo bare showoo bullinoo bi yexxitoyich, bare showoo bulliichee asheenaꞌo Yooseef waanee maayoon kemeya Gibits waaheete.

Halloo 42:2

Gibits maayo beemon waayeto taane. Shaacoona no qitaachemmoyich, desh Gibits hamiree maayoon aroochee keme deebote” iye.

Halloo 43:8

Yihudiyoo bi nihoo Israꞌeelich ishichiye: “Newoo, nowoo, no bushiishoo wodemmoyich, no qitaachemmoyich, bushoon taanna tookki daachiibe. Nowoo tiyiree hambone.

Halloo 47:19

Ne ciini beetaa, amoyichiye shaacoona no qitemmo? No showoo amoyichiye ashaalli shokko bi echemmo? Noonnaa no showoonon deꞌiichi, no maayemmi maayoon nooch imbe. No, Faroonichi guunon tunebone; no showoo bi hajjoon tunebe. Qitaanoon kashoona no beeyemmoyich, no showoo ashaalli xafoon bi echeyaachemmoyich, no shookkemmi maayi yaroon nooch imbe” iyeete.

2 Taateenaꞌo 4:1

Ikke areddoon keemechinaꞌochi guuphi daggoochee ikkoochi mechee Elisayi waan hammaꞌa, “Ne guuno tuneti ta keno qititone. Ne guunoo Doono Yeerin shattiibeeto bi tunoon ne ariyaabeeto neene. Tunebaani hiishecho ta gutte anaami bushiishoon guuno tuniiree daamma waatone” iyaꞌa cookiyan.

Nehimi 5:3

Bareenaꞌo “Shaacooba, maayoon danoyich, no showoon, no woyinee goyoonaa no kexonon yechiito noone” ii beeheete.

Haagi 1:6

Ittoshiyoo woddiiꞌi gochiyote, tunebaani ittoshi qeccii giijjito giishechoone. Maahote, tunebaani maa miyaachote. Uchiyote, tunebaani uchii tooꞌaachote. Tahehote, tunebaani ittoshi achooch qeecaache. Shumaayoon deqqiibeeti asho keexe kiisooch geddii beetoommon tunetone.

Yibbaatoo 23:19

“Gijjoon woyee maayoon woyee amee mooyonona ne manoyich ne erettiigaata shimon echeyaahine.