Nehimi 4:7 - Kafa Linguistics Project

⁷ Sanbalaxi, Xobbiyi, Arabeenaꞌo, Amooneenaꞌonaa Ashidoodi asheenaꞌona Yerusaalemi uxeroo uxeree bi hamon, uxeree aahoo dooggii dooggii hammiibeeto bi tunoon boonoshi waayehooba, oogichii kaareheete.

Nehimi 4:7 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

2 Taateenaꞌo 24:2

Doono Yeeri Baabloonee ginee naayinaꞌon, Sooriyee ginee naayinaꞌon, Moꞌabee ginee naayinaꞌonaa Amoonee ginee naayinaꞌonon Yoyaqiiminaa Yihudee asheenaꞌonon boonoshi aalliyemmoyich daachiihe. Bi daachiito, bi guuninaꞌo tuneti keemechinaꞌona Yihudee showoon aalliyeechon bi gettiti keemo ceennemmoyichiye.

2 Kiinoo 20:1

Ebiyee gubb, Moꞌabeenaꞌo, Amooneenaꞌonaa boonoshina tookkii ikkotteti Meꞌuneenaꞌona Yoshafaaxin kocha waaheete.

Iziri 5:8

“Yihudee showooch, ooge Nuggishoo kexooch hammeto no tuno taatoyich arichebe. Kexoo ogooge xaqqoona shuunee beetone; bi duuhoo booree xareeti mixona shuunee beetone. Ebi shuunoo kupphiitaa shuunee beetone; boonoshi kishoonoo shuunoo kaamee beetone.

Nehimi 2:10

Horoonee asho Sanbalaxinaa Amoonee asho, iraashoo Xobbiyina hini mooyon boonoshi waayehooba, Israꞌeelee shiijjereenaꞌoyich gaawe mooyon qaawiibeeti asho bi waatoyich, oogichiꞌi ippeheete.

Nehimi 2:19

Tunebaani Horoonee asho Sanbalaxi, iraashoo tuneti Amoonee asho Xobbiyinaa Arabee asho Gesheemina ebin waayeꞌi, noon miiccii cooneheete; qallayiꞌinoo, “Ebi ittoshi tuniibeeti mooyo, amoone? Taatoo toommooch hukkoon shuuneyaniye ittoshi ii beeto?” iyeete.

Nehimi 4:1

Sanbalaxi, uxeroon no uxeroon bi waayehooba, oogichii kaarehe; ippeenoo iye; Ayihudeenaꞌonoo coonehe.

Nehimi 4:6

Uxeroonoo uxerehon. Asheenaꞌo mulloochee tiijjiꞌi boonoshi shuunetoyich, uxeree neexo qatooch beddiye.

Nehimi 4:8

Yerusaalem waaree boonoshi kochemmonaa shiribbiree boonoshi shaccemmonoyich, ikkittinoona koceeheete.

Nehimi 6:16

No guudoona beeti aageteenaꞌo daggooch beeti no etteenaꞌo bulli ebin boonoshi waayehooba, shattiyeete; boonoshi gaboona oogichii yeelleheete; ebi shuunoo qannito, no Nuggishoochi gaachoona bi tunoon ariiheete.

Erimiyaasi 25:20

boonoshi daggooch beeti dallaawe asho bullich, Uutsi showee taateenaꞌo bullich, Filsixeemee showeexi katemeenaꞌo tuneti, Ashiqeloonichi, Gaazichi, Eqiroonichi, Ashidoodi maccee cureenaꞌochi taateenaꞌo bullich,

Erimiyaasi 41:10

Ishmaꞌeeli Mitsipha beeti asheenaꞌochi curo bullin, quyee naayinaꞌochi iraashoo Naabuzaridaani Ahiqaamichi bushoo Gedaliyich quyiiti taatoochi maache bushiisheenaꞌonaa echeꞌi Mitsipha beeti asho bullinon kecciye; Netaani bushoo Ishmaꞌeeli kecciꞌi Amoonee showooch kimma tiyiye.

Amootsi 1:13

Doono Yeeri ishichiye: “Amoonee asheenaꞌo wochii wochii boonoshi shuuneti axaaxoyich, boonoshin naxeyaanoon qayaachemmo taane. Ebiyoo boonoshi showee danoon gamichoyich koyaabee, Gilaad beeti yeqqefechi maacheenaꞌochi maacoon boonoshi gohii kichitoyichiye.

Amootsi 1:8

Ashidoodi taatoon, Ashiqeloonee taatee gumbo yechiton, aalliyemmo taane. Eqirooni toommooch ta mochoon tiijjemmo taane; Filsixeemee cureenaꞌoo qiti ciiremminaꞌone” iye Nuggishoo Doono Yeeri.

Amootsi 3:9

Ashidoodee showoonaa Gibitsinooch beeti taatee kexinaꞌooch beetinaꞌoyich awaajjibote; boonoshich ishichibote: “Shamaari geppeenaꞌooch waaree, katemee daggooch beeti xuꞌoonaa oogeti dulloonon beegote” getote!

Mishiraachechinaꞌo 5:33

Ayihudee nallechinaꞌo ishin boonoshi waayetoyich oogichii ippeꞌi, “Hini asheenaꞌon wuxibone” iyeete.

Yaaꞌoo 12:17

Arooba dareboo ureena ippeꞌi, Yeerichi getoyich deꞌa ii beeti, Yesuusi miixeti iberoon gibenoona quyeebeeti ureechi yaroochee echetinaꞌon kocha hammiye;

1 Saameeli 11:2

Tunebaani Amoonee taatoo Nahaashi boonoshich ishichiye: “Ittoshina tookki wogoon ta giyemmo, ebi ikke mooyon deꞌa ittoshi getigaata baachiye. Ebiyoo ittoshi qanne aafoon qoqene kichiree, Israꞌeeleenaꞌo bulli cooneyemmoyich ta tunii gaatane” iye.