Nehimi 4:2 - Kafa Linguistics Project

² Bi maneenaꞌonaa Shamaaree ginee naayinaꞌonochi aafoochaa, “Hini yiingaalli Ayihudeenaꞌo, amooniye boonoshi shuuneebeeto? Uxeroon wochi uxereyane boonoshi ii beeto? Deejjoon giddiyane boonoshi ii beeto? Ikke qemona shuune ciicheheete? Ebi dolleeti guudoo miccitoochee xaqqeenaꞌon kichiꞌi, shuunoyich gaaccemmon tuniyoon hakkeheete?” iye.

Nehimi 4:2 ပူးပေါင်းရင်းမြစ်များ

Iziri 4:4

Ebina are showee asheenaꞌo Yihudee asheenaꞌon shuunoon boonoshi shuuneyaachemmoyich hakkoo guutiiꞌi shatiiheete;

Nehimi 12:27

Yerusaalemi uxeroo diireehooba, uxeree diiree baaroon galletee shoddoona, qaaxilloona, ooge ximboonaa gishiishi ximboona, emiroona boonoshi baaremmoyich, Leweenaꞌo boonoshi beeti beeto bulliichee Yerusaalem boonoshi woyemmoyich ceekkeheete.

Nehimi 12:43

Yeeri oogichiꞌi boonoshin bi emirikkitoyich, aroobee aabooch meeti deejjoon deejjiyeete; oogichiꞌinoo emiriyeete; maacheenaꞌonaa bushiisheenaꞌonoo emiriyeete. Ebina Yerusaalemi emiree qaaro wohooch beddaahaa waayeehe.

Nehimi 4:10

Arooba Yihudee asheenaꞌo “Magge shaagoon shaaggii beetinaꞌochi giidoo qajjitone; happeeti uxeree burico woddetone. Ebich uxeroon uxeroo hakkaachemmo noone” iyeete.

Nehimi 6:15

Uxeroo Eluuli agenee hiyaa uuchooch, aachaa gutte qemona qanniye.

Shoddo 83:4

Boonoshiyoo, “Ittoshi waataa boonoshi taatee showoon aalliibone; Israꞌeelee shigo ciroona bi batteyemmoyich tuniibone” iyeete.

Erimiyaasi 26:18

“Moreshetee asho Mikiyaasi Yihudee taatoo Hiziqiyaasichi taatee yemeenooch, Yihudee asho bullich ishichiꞌi keemoon keemmitone: ‘Beshe Mawe Doono Yeeri ishichiye: Tsiyooni, budochoommon gocheyemmine; Yerusaalemi, buricee gutoon tunemmine; Yeerichi yaafee kexo shuuneeti geppoochoo eho collemmone’ itone.

Erimiyaasi 33:24

“Asheenaꞌo ‘Doono Yeeri bi kaacciti gutte yareenaꞌon duppitone’ itinaꞌon beeggaachine? Illa ebiyee bekk boonoshi aafoochaa asho boonoshi tuneyaachemmoyich, ta asheenaꞌon qallayitinaꞌone” iye.

Daaneeli 9:25

“Ebin ariibe; shalligibe! Yerusaalemin andiriyoonaa wochinnoon hagonoyich awaajjo kechitoochee tiijjiꞌi, Huutteto, Taatoo, waammi wottoon, shabaatte kaallee shabaatte nato tunemmone. Aroochee shichaa gutte kaallee shabaatte nati wottoon Yerusaalemi mishigoonaa bi gommona wochinnoon shuuneyemmone; tunebaani ebi bi tunemmo, xuuxee yemeenoochiye.

Imbaaqoomi 3:2

Doono Yeero, worganikkiti ne shuunoon waayaꞌa, oogichii shatteto taane; ebi shuunoon no yemeenooch wochinnoon shuunebe; no yemeenooch bi arichemmoyich tuniibe; ne kaarooba noon maaroon batteyaahine.

Zakaariyaasi 12:8

Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Zakaariyaasi 4:10

“Giisheche mooyo tuneebeeti aaboon hoxeebeeto konine? Asheenaꞌo tumbin Zerubabeelichi kishooch boonoshi beegiyooba emiremminaꞌone. “Ebi shabaatte ceecheenaꞌo showoo bulliich guuddiibeeti Doono Yeerichi aafeenaꞌone” iye.

1 Qorontoosi 1:27

Ebiyoommon shalligechinaꞌon yeelliyoyich, Yeeri hini alemeexi ashi gaboochaa tuusheenaꞌon kaacciye; giidechinaꞌon yeelliyoyich, hini alemeexi ashi gaboochaa giidaalleenaꞌon kaacciye.