Nehimi 3:15 - Kafa Linguistics Project

¹⁵ Mitsiphi dubbiyee ukkiroo Kolihoozi bushoo Shaluumi Aachi Xuuphee Kelloon shuunehe; bi toommooch kechi aafoon shuunehe; kellee shaaqqoon xogiye; tuggoonaa qojjoonon geddiye. Daawiti Katemoochee kindeebeeti daqqellooch beddaahaa taatoochi bechee mixinaꞌo daggooch beeti Seeli Waakkee Aachi gabee uxeroon shuunehe.

Nehimi 3:15 ပူးပေါင်းရင်းမြစ်များ

2 Saameeli 5:9

Aroochee Daawiti bi beeyi xaaꞌoon are mishigechi katemooch tuniihe. Aroonoo Daawiti Katemoo iꞌi ceeggiye. Biyoo Miilee tiijjii bi guudoon xaqqoona shuunehe.

2 Taateenaꞌo 25:4

Katemee uxeroo gaakkeehe; Baabloonee ginee naayinaꞌo katemee guudoona boonoshi beetaa, taatoo bi ginee naayo bullina tookkii xumoona muricciꞌi, gutte uxeree danooch beeti kelloona taatoochi bechee mixo beeto waan daammiibeeti gommona, Yoordaanoosi bamboo waan hammiye.

2 Kiinoo 32:30

Dambee Giyooni aachi xuuphoon gabbiꞌi, aaco bi qobboona dugilla waaree, aabi-gimo waan, Daawiti Katemooch bi kindemmoyich tuniito, ebi Hiziqiyaasine. Bi shuunoo bulliyoo biich kaamehe.

Nehimi 12:37

Aachi Xuuphee Kelloon besheꞌi, Daawiti Katemee daqqelloona uxeree toommooch kechiyeete. Daawiti kexoyee damba besheꞌi, aabi-keyo waan beeti Aachi Kellooch beddaahaa hammiyeete.

Nehimi 2:14

Aachi Xuuphee Kelloonaa Taatoochi Waakkee Aachi gabo beetona hammeho; tunebaani ta yebbeti kuroon beshiyemmi gommo aallehe.

Nehimi 2:17

Tawoo boonoshich “Yerusaalem happeetoyich, bi kelleenaꞌo qaaqqoona miccitoyich, iritee toommooch no beemon beeggiibeeto ittoshine. Ittoshi waataa, Yerusaalemi uxeroon wochinnoon shuunebone. Illa ebiyee bekk coonee beeyaayone” iyo.

Nehimi 3:12

Boonoshi gaꞌoochaa Yerusaalemi dubbiyee bare qaton qeejjiibeeti ukkiroo tuneti Haloheeshi bushoo Shaluumi bi maache bushiishoona tookkii uxerehe.

Nehimi 3:14

Beet Hakereemi dubbiyee ukkiroo, Rekaabi bushoo Malikiyi Guudoo Duppi Kelloon shuunehe; kellee shaaqqoon xogiye; tuggoonaa qojjoonon geddiye.

Nehimi 3:19

Bi gaꞌoochaa Mitsiphi katemee ukkiroo Yaasi bushoo Ezeeri ginee qiicee kechi ciinooch beeti bare xaaꞌeexi uxeroon, uxeree danee gaꞌooch beddaahaa uxerehe.

Nehimi 3:7

Boonoshi gaꞌoochaa Gibeꞌoonee asho Melaxiyinaa Meronootee asho Yaadoonina, Gibeꞌooni asheenaꞌonaa Mitsiphi asheenaꞌona Efiraaxisee beqachi woraaferashoo kexooch beddaahaa uxereheete.

Nehimi 3:9

Boonoshi gaꞌoochaa Yerusaalemi dubbiyee qaton qeejjiibeeti ukkiroo, Huuri bushoo Refayi uxerehe.

Dojjecho 2:6

Ebi mixinaꞌon uchoyich aachi oppeenaꞌon iijjeho.

Isiyaasi 8:6

“Hini asheenaꞌo nibboona wocciibeeti Salihoomi aacinaꞌon qajjiichii, Resininaa Remaliyichi bushoona boonoshi emiritoyich

Erimiyaasi 40:6

Aroochee Erimiyaasi Ahiqaamichi bushoo Gedaliyi beetooch, Mitsipha, hammiye; biinna tookkii are showooch echeti asheenaꞌo daggooch kotehe.

Luqaasi 13:4

Wotta Silohami kote aachi gaꞌooch hakketi ooge xaqqee dilaaloo shekireꞌi wuxiti aaraa shimitte asheenaꞌo Yerusaalem beeti bare asheenaꞌo bulliyee beshe gondoon shuunetinaꞌo ittoshich shaahii beeteete?

Yowannisi 9:7

Aroochee uroon “Hamiree Silohami kote aacoochaa machebe” iye. Silohami geto wocheeto getone. Ebich uro hammiꞌi machehe; aroochee bi aafo ciinaa wotteꞌi bi kexooch hammiye.

Woraaferasheenaꞌo 20:1

Aroochee Daanee Beershaab beddaahaa beeti, wotta Gilaadee showooch beeti Israꞌeeleenaꞌo bulli ikke kashoon tuneꞌi kechiyeete. Mitsiphi katemooch Doono Yeeri aafooch kiceeheete.

Woraaferasheenaꞌo 20:3

Areegaata, Israꞌeeleenaꞌo Mitsiphi katemooch kiceyoon Biiniyaami yoodee asheenaꞌo waayeheete. Israꞌeeleenaꞌo “Ebi shaahe gonde mooyo aabichaa bi shuuneeto gaata, nooch getote” iyeete.