Nehimi 2:19 - Kafa Linguistics Project

¹⁹ Tunebaani Horoonee asho Sanbalaxi, iraashoo tuneti Amoonee asho Xobbiyinaa Arabee asho Gesheemina ebin waayeꞌi, noon miiccii cooneheete; qallayiꞌinoo, “Ebi ittoshi tuniibeeti mooyo, amoone? Taatoo toommooch hukkoon shuuneyaniye ittoshi ii beeto?” iyeete.

Nehimi 2:19 ပူးပေါင်းရင်းမြစ်များ

Nehimi 13:28

Qeeshee guudo Eliyashibi bushoo Yoyaadi yaroochee ikkoo, Horoonee asho Sanbalaxichi maache busheen shaaggitone. Tawoo ta waanee biin yookkeho.

Nehimi 2:10

Horoonee asho Sanbalaxinaa Amoonee asho, iraashoo Xobbiyina hini mooyon boonoshi waayehooba, Israꞌeelee shiijjereenaꞌoyich gaawe mooyon qaawiibeeti asho bi waatoyich, oogichiꞌi ippeheete.

Nehimi 4:1

Sanbalaxi, uxeroon no uxeroon bi waayehooba, oogichii kaarehe; ippeenoo iye; Ayihudeenaꞌonoo coonehe.

Nehimi 6:6

Ebi koorichooch kooreeto ishichii beetone: “Neennaa Ayihudeenaꞌona hukkee tiijjoyich gabito ittoshine; uxeroon ne uxeraabeeto ebichiye getaa aageteenaꞌo daggooch yibbaatee beetone; Gesheemiyoo ebi iberoo bi tunoon xiishitone. Wotta boonoshi taatoo tunoyich ne qaawoonaa ‘Ayihudeenaꞌo daggooch taatoo beetone’ getibee neechon Yerusaalemaa boonoshi keemmemmoyich, keemechinaꞌon ne kaacona yibbaatee beetone. Ebi mooyo taatoo waan shago qayaachemmone; ebich ne waataa, echeebone” ii beetone.

Nehimi 6:9

Boonoshi bulliyoo noon shatiiya qaawiyeete. Ebiyoo “Boonoshi giidoo niretaa, shuunoo qannaachemmone” iꞌi boonoshi gabitoyichiye. Tunebaani ta, “Ta Nuggishoocho, taan kupphiibe” iyaꞌa corootiyo.

Iyoobi 30:1

“Tunebaani and, tayee guucheenaꞌo, boonoshi niheenaꞌon ta kunaaneenaꞌona tookki, ta bagoonaa emmishoonon ta quyiiya bedaaneenaꞌo, taan miicciyeete.

Shoddo 123:4

Michiti asheenaꞌochi coonoonaa geecechinaꞌochi hoxoona, no toommooch woddetone.

Shoddo 79:4

No giyeenaꞌo noon naaggitinaꞌone; no guudoona beetinaꞌo noon coonee congetinaꞌone.

Shoddo 80:6

No giyeenaꞌo no showoon deꞌoyich, boonoshinaa boonoshina koyemmoyich tuniihine; no etteenaꞌo no toommooch miicciyeete.

Shoddo 80:7

Beshe Mawe Nuggishoocho, ebiyee aafi no beemooch noon wochibe; no wodemmoyich ne aafoon nooch biriibe.

Isiyaasi 36:5

Noonee ceroo koyee ariyoonaa hakkoona tatemmon neech shaahii beete? Konin gibenaꞌaaniye ta toommooch ne tiyeto?

Erimiyaasi 20:8

Ta gettemmi haddoona cookiyoye; “Hukkoonaa aalloona!” iyaꞌa cookiyoye; Doono Yeerichi qaaro heeyo bulliich ta naaggeyemmonaa ta cooneyemmonoyich tunetone.

Erimiyaasi 41:10

Ishmaꞌeeli Mitsipha beeti asheenaꞌochi curo bullin, quyee naayinaꞌochi iraashoo Naabuzaridaani Ahiqaamichi bushoo Gedaliyich quyiiti taatoochi maache bushiisheenaꞌonaa echeꞌi Mitsipha beeti asho bullinon kecciye; Netaani bushoo Ishmaꞌeeli kecciꞌi Amoonee showooch kimma tiyiye.

Maatiyoosi 9:24

“Bushee tokketaanalli bi ito, qitaaneene. Eke kexoochee keyote” iye. Asheenaꞌo oogichii biin cooneebee miiceheete.

Maariqoosi 5:40

Tunebaani asheenaꞌo oogichii coonee miiceheete. Bullin “Kexoochee keyote” iꞌi bi kichitoyee gubb busheechi nihoon, indeenaa biinna tookkii hammiti bi dabbeenaꞌonon dabbiiꞌi bushee beeti gatooch giyiye.

Luqaasi 23:2

“Hini uro no aagetoon hukkecho tuniiya koccii bi beetaa, daneto noone. Wotta no macceenaꞌon ‘Qesaarich qaraxoon qoccaahote’ iꞌi bajjitone; ebichi toommooch ‘Ta Kiristoosi, taatoo taane’ ii beetone” iꞌi taggoon yaaqqiyeete.

Yowannisi 19:12

Arooba Phelaaxoosi Yesuusin biicha qaawiye; tunebaani Ayihudeenaꞌo “Hinin ne biishigaata, Qesaari xiboo toono neene; bi qelloon taatiibeeto bulli Qesaarin biiꞌeya itone” iꞌi cookeeheete.

Mishiraachechinaꞌo 24:5

“Hini uro nooch oogeti biiyo bi tunoon, alemo bulliich beeti Ayihudeenaꞌo daggooch hukkee bi tiijjoon, xumme mooyon dabbiibeeti Naazireetechinaꞌochi ukkiroo bi tunoon beeggeto noone.

Hibireena'o 11:36

Bareenaꞌo cooneetinaꞌo tunoonaa yexxeyoona, ebiyee beshiton wotta qoqqaannoona cucheyoonaa cuyee kexooch xuuxoonon beeggiyeete;