Nehimi 13:28 - Kafa Linguistics Project

²⁸ Qeeshee guudo Eliyashibi bushoo Yoyaadi yaroochee ikkoo, Horoonee asho Sanbalaxichi maache busheen shaaggitone. Tawoo ta waanee biin yookkeho.

Nehimi 13:28 ပူးပေါင်းရင်းမြစ်များ

Nehimi 12:10

Yaasiyoo Yoyaqiimin shiyihe; Yoyaqiimi Eliyashibin shiyihe; Eliyashibi Yoyaadin shiyihe;

Nehimi 12:22

Eliyashibichi, Yoyaadichi, Yohanaaninaa Yaduyinochi yemeenooba, Lewi yaree ukkireenaꞌonaa qeesheenaꞌo yaree ukkireenaꞌona Faariisee asho Daariyoosi taatee yemeenooch beddaahaa kooreeheete.

Nehimi 13:25

Boonoshin kaareho; uppeho; ikkikkeenaꞌonoo yexxeho; boonoshi qelloonoo shetteho; ishichaanoo iyo: “Israꞌeelee taatoo Solomooni axaaxoon bi shuuneto, ebiyoommi dallaawe maacheenaꞌochi naboona toone? Biinoommi taatoo meeti aageteenaꞌo daggooch aabiichona aalloone; biyoo bi Nuggishoona shuchetone; Yeeri Israꞌeelee showoo bulliich biin taatiitone; tunebaani dallaawe maacheenaꞌo biin muriciiꞌi axaaxooch yaabiyeete. Ittoshiyoo dallaawe maacheenaꞌon shaagona, ebi shaahe gonde mooyon ittoshi tuniyoon, no Nuggishoyichoo gibeneyee ittoshi qayon waayi beddoone? Ittoshi maache bushiisheenaꞌon boonoshi anaami bushiisheenaꞌoyich immaahote; boonoshi maache bushiisheenaꞌon ittoshi anaami bushiisheenaꞌoyichoo shaakkiyaahote; ittoshiyoo shaaggaahote” iyaꞌa Yeeri aafooch boonoshin wogiiho.

Nehimi 2:10

Horoonee asho Sanbalaxinaa Amoonee asho, iraashoo Xobbiyina hini mooyon boonoshi waayehooba, Israꞌeelee shiijjereenaꞌoyich gaawe mooyon qaawiibeeti asho bi waatoyich, oogichiꞌi ippeheete.

Nehimi 2:19

Tunebaani Horoonee asho Sanbalaxi, iraashoo tuneti Amoonee asho Xobbiyinaa Arabee asho Gesheemina ebin waayeꞌi, noon miiccii cooneheete; qallayiꞌinoo, “Ebi ittoshi tuniibeeti mooyo, amoone? Taatoo toommooch hukkoon shuuneyaniye ittoshi ii beeto?” iyeete.

Nehimi 3:1

Aroochee qeeshee guudo Eliyashibinaa qeesheenaꞌo tuneti bi maneenaꞌona tiyiꞌi, Bagee Kelloon shuuneheete; yaafiyeete; kellee shaaqqoonoo xogiyeete. Balleenaꞌochi Xaqqee Dilaaloonaa Hanaaneeli Xaqqee Dilaaloonooch beddaahaa yaafiyeete.

Nehimi 4:1

Sanbalaxi, uxeroon no uxeroon bi waayehooba, oogichii kaarehe; ippeenoo iye; Ayihudeenaꞌonoo coonehe.

Shoddo 101:8

Showee toommeexi axaaxechinaꞌon maaddi maaddoona aalliyemmo taane; Doono Yeerichi katemoochee gondeenaꞌo bullin aalliyemmo taane.

Shaahiyoo 20:26

Shalligechi taatoo gondeenaꞌon barii ariihe; boonoshin ariqqaalloon sheeriye.

Shaahiyoo 20:8

Nallee gabberooch koteti taatoo, gonde mooyo bullin bi aafoona ciinnii barbariihe.