Nehimi 13:25 - Kafa Linguistics Project

^25-27 Boonoshin kaareho; uppeho; ikkikkeenaꞌonoo yexxeho; boonoshi qelloonoo shetteho; ishichaanoo iyo: “Israꞌeelee taatoo Solomooni axaaxoon bi shuuneto, ebiyoommi dallaawe maacheenaꞌochi naboona toone? Biinoommi taatoo meeti aageteenaꞌo daggooch aabiichona aalloone; biyoo bi Nuggishoona shuchetone; Yeeri Israꞌeelee showoo bulliich biin taatiitone; tunebaani dallaawe maacheenaꞌo biin muriciiꞌi axaaxooch yaabiyeete. Ittoshiyoo dallaawe maacheenaꞌon shaagona, ebi shaahe gonde mooyon ittoshi tuniyoon, no Nuggishoyichoo gibeneyee ittoshi qayon waayi beddoone? Ittoshi maache bushiisheenaꞌon boonoshi anaami bushiisheenaꞌoyich immaahote; boonoshi maache bushiisheenaꞌon ittoshi anaami bushiisheenaꞌoyichoo shaakkiyaahote; ittoshiyoo shaaggaahote” iyaꞌa Yeeri aafooch boonoshin wogiiho.

Nehimi 13:25 ပူးပေါင်းရင်းမြစ်များ

2 Taateenaꞌo 2:24

Elisayiyoo gubb wottee ciinniꞌi, boonoshin Doono Yeerichi shigoona uppiye. Aroochee gutte maache diibeenaꞌo kubboochee kechiꞌi, aabbaa gutte bushiisheenaꞌon tiichiyeete.

Iziri 10:5

Arooba Iziri tiyiꞌi, qeeshee ukkireenaꞌon, Leweenaꞌonaa echeti Israꞌeeleenaꞌo bullinon ebi qaaroon boonoshi ceechemmoyich wogiihe; boonoshiyoo wogeheete.

Iziri 7:26

Ne Nuggishoochi sheeroonaa taatoochi sheeroonon ceechaano bulli toommooch, qitoo, woyee yookko, woyee bi hajjito bokko, woyee cucheyoo kaateree nalleebe” ii beetone.

Nehimi 13:11

Ebich “Yeerichi kechi shuunoo amoyich echehe?” iyaꞌa ukkireenaꞌon kaareho. Aroochee Leweenaꞌonaa shoddechinaꞌonon kicaꞌa, boonoshi shuuni shuunee xaaꞌooch neechiyo.

Nehimi 13:17

Ebich Yihudee ukkireenaꞌon kaaraꞌa, “Shambetee aaboon eeꞌiyoona, ebi ittoshi shuuneebeeti gonde shuunoo, amoone?

Nehimi 13:24

Boonoshi bushiisheenaꞌoochee qatinaꞌo yibbaateebeeto, Ashidoodee noonoon woyee bare showee noonoonani, Ayihudee noonoon toonoone.

Nehimi 5:13

Wotta ta tahee qodoon tebbaꞌa, “Ebi mooyon tuniyaani ashoon Yeeri bi kexonaa bi hajjitonoochee ebiyoommon biin tebbebe; ebiyoommon ooye; shokkoon echebe” iyo. Iitoo bulli, “Ameena” iye; Doono Yeerinoo galletehe. Asheenaꞌoo boonoshi giyiti wogoon ceechiyeete.

Nehimi 5:6

Tawoo ebi mooyonaa boonoshi cookee qaaroonon ta waayehooba, oogichaa kaareho.

Shoddo 119:53

Ne sheeroon qajjiti asheenaꞌochi naboona oogichaꞌa ippehoye.

Shoddo 15:4

Doono Yeeri hoxetinaꞌon qallayiibeeto, tunebaani Doono Yeerin shattii beetinaꞌon oogiibeeto, bi wogeti mooyo bi toommooch iritoon deebemmo bi tunetaanoona, wogeechii shaddaano,

Keyo 34:16

Ne anaami bushiisheenaꞌoyich boonoshi maache bushiisheenaꞌon ne shaakkiitaa, ebi maacheenaꞌo boonoshi nuggisheenaꞌoyich goyinnehooba, ne anaami bushiisheenaꞌo ebin shaahe mooyon boonoshi goyinnemmoyich tuniyemminaꞌone.

Shaahiyoo 28:4

Sheeroon qajjiibeeti asheenaꞌo gondeenaꞌon naadiyeete; tunebaani sheeroon quyee beetinaꞌo gondeenaꞌon shixxiyeete.

Isiyaasi 50:6

Xoobbii beetinaꞌoyich ta gubboon, ishaanoon shettee beetinaꞌoyich ta gaakkoon, immehoye; taan coonee, ta aafooch cuddii beetinaꞌo waanee, ta aafoon bara wochaano taane.

Yibbaatoo 6:13

“Ne Nuggishoo Doono Yeerin shate. Biich baach goyinne maddebe. Bi shigoona baach wogebe.

Yibbaatoo 7:3

Boonoshi anaami bushiishoyich ne maache bushiisheenaꞌon shaakkiyoona woyee boonoshi maache bushiisheenaꞌon ne anaami bushiishoyich shaakkiyoona boonoshina tookki naacheyaahine.

Yaasi 23:12

“Tunebaani Yeer waanee gubb shokiꞌi, hini ittoshi daggooch echeꞌi beeti bare aageteenaꞌona tookkii ikkittinoon geddii, naacheꞌi, boonoshi maache bushiishoon ittoshi shaagigaata woyee ittoshi maache bushiishoon boonoshich ittoshi shaakkiigaata,