Nehimi 13:23 - Kafa Linguistics Project

²³ Wotta aroobee aabooch Ashidoodee showoochee, Amoonee showoonaa Moꞌabee showoonoochee mecheen shaaggiti Ayihudeenaꞌon beeggeho.

Nehimi 13:23 ပူးပေါင်းရင်းမြစ်များ

1 Taateenaꞌo 11:1

Taatoo Solomooni Farooni busheyee bareenaꞌon, meeti bare showee maacheenaꞌon, ebiyoo Moꞌabee maacheenaꞌon, Amoonee maacheenaꞌon, Edoomee maacheenaꞌon, Sidoonee maacheenaꞌonaa Hitee maacheenaꞌonon shunniye.

Iziri 10:10

Arooba qeeshoo Iziri tiyii neexeechii, “Dallaawe maacheenaꞌon ittoshi shaagona, Yeerich gibeneyaani asho tuneto ittoshine. Ebina Israꞌeeleenaꞌochi xuꞌee toommooch xuꞌoon daakkito ittoshine.

Iziri 10:44

Eboshi bulli dallaawe maacheenaꞌon shaaggitinaꞌone; ebich ebi maacheenaꞌon boonoshi bushiishoona tookkii daachiiheete.

Nehimi 10:30

“No guudoona beeti aageteenaꞌoyich no maache bushiishoon imaachone; wotta boonoshi maache bushiisheenaꞌon no anaami bushiishoyich shaakkiyaachone.

Nehimi 10:31

“Boonoshiyoo maayoon woyee bare mooyo amoonolla shambetee aaboon woyee baaree aaboon woyee yaafeeti amee aaboonona, kemma boonoshi deebigaata, boonoshi waanee kemeyaachone; shabaatti shabaatte natona showoon goyaanoon kashiyemmo noone; hiishoo bullinoo maaremmo noone.

Nehimi 13:1

Arooba Muusichi macaafoon asheenaꞌoyich waayiiꞌi shemmeheete. “Amooneenaꞌonaa Moꞌabeenaꞌona Yeer asheenaꞌochi ikkittinee daggooch ciroona giyaayeete” ii beeto are macaafooch kooreeꞌi danehe.

Nehimi 13:24

Boonoshi bushiisheenaꞌoochee qatinaꞌo yibbaateebeeto, Ashidoodee noonoon woyee bare showee noonoonani, Ayihudee noonoon toonoone.

Nehimi 4:7

Sanbalaxi, Xobbiyi, Arabeenaꞌo, Amooneenaꞌonaa Ashidoodi asheenaꞌona Yerusaalemi uxeroo uxeree bi hamon, uxeree aahoo dooggii dooggii hammiibeeto bi tunoon boonoshi waayehooba, oogichii kaareheete.

Keyo 34:11

“Hanaach neech ta gettaa beeton tuniibe. Amooreenaꞌon, Kanaaneenaꞌon, Hiteenaꞌon, Ferizeenaꞌon, Hiweenaꞌonaa Yebuseenaꞌonon ne aafoochee yoohi kichemmo taane.

2 Qorontoosi 6:14

Kiristoosi toommooch mulloon tooꞌiyaaneenaꞌona tookki tambe gommona xandeyaahote. Cadiqoonaa hukkoonoyich amee xibittino beete? Bekkoonaa manderoonoyich amee ikkittino beete?

Yibbaatoo 7:1

Muusiyoo Israꞌeeleenaꞌoyich ishichiye: “Ne Nuggishoo Doono Yeeri ne woraashemmi showooch neen giijjemmone. Ebi are showooch neyee beshe giidechinaꞌonaa meetinaꞌona tuneti shabaatte aageteenaꞌo beetinaꞌone. Eboshiyoo: Hiteenaꞌo, Girigaasheenaꞌo, Amooreenaꞌo, Kanaaneenaꞌo, Ferizeenaꞌo, Hiweenaꞌonaa Yebuseenaꞌonane. Biyoo boonoshi bullin ne aafoochee yoohi kichemmone.

Ruuti 1:4

Boonoshiyoo Moꞌabee showoochee mecheen shaaggiyeete. Ikkeechi shigo Ruuti, wotta bareechi shigo Orifi getteehe. Arooch aashire naton boonoshi kotetoyee gubb,

1 Saameeli 5:1

Filsixeemeenaꞌo Yeerichi taabootoon boonoshi keccitoyee gubb, Ebenezeeree Ashidood shaaggiꞌi daammiyeete.