Nehimi 13:15 - Kafa Linguistics Project

¹⁵ Ebiyooba Yihudee showooch shambetee aaboon oppoochaa woyinoon hiiccii beetinaꞌonaa maayoon, woyinee uyoon, woyinee yuunjoon, balaasoonaa baribare qiicoonon kurooch xaaniꞌi, Yerusaalem deebii beetinaꞌonon beeggeho. Tawoo “Shambetee aaboon maayoon kemmaahote; ittoshi qelloon ariibote” iyo.

Nehimi 13:15 ပူးပေါင်းရင်းမြစ်များ

2 Kiinoo 24:19

Bi waan boonoshin wochoyich Doono Yeerichi keemechinaꞌon boonoshi waan deejjii beehe. Keemechinaꞌoo boonoshich miixeheete. Tunebaani waayemmon qajjiyeete.

Nehimi 10:31

“Boonoshiyoo maayoon woyee bare mooyo amoonolla shambetee aaboon woyee baaree aaboon woyee yaafeeti amee aaboonona, kemma boonoshi deebigaata, boonoshi waanee kemeyaachone; shabaatti shabaatte natona showoon goyaanoon kashiyemmo noone; hiishoo bullinoo maaremmo noone.

Nehimi 10:32

“Nati natona no Nuggishoochi yaafee kechi maddoyich tunemmi, awudde giraam bede birewee wojjoon imoyich wogoon giyemmo noone.

Nehimi 13:16

Wotta Yerusaalem koteti, Xiroosee asheenaꞌo haashoonaa baribare qiicoonon deebii, shambetee aaboon Yerusaalemaa Yihudee asheenaꞌoyich kemmii beeheete.

Nehimi 13:21

Tunebaani ta, “Gayee ciinooch ittoshi qeyiibeeto, amoyichiye? Ebiyoommi mooyon guttinnoon ittoshi tuniigaata, ta kishoochee beeggemmo ittoshine” iyaꞌa boonoshich kupphiyaa getteho. Aroyee hach shambetee aaboon wochinnoon waataaneenaꞌone.

Nehimi 9:29

“Ne sheeroo waan boonoshi wottemmoyich kupphiyaꞌa gettehine; tunebaani boonoshi geeciyeetani, ne geteenaꞌon ceechaaneenaꞌone. Asho bi ceechigaata kashoona bi beeyemmoyich tuniibeeti ne getoon shaaddeheete; boonoshi gubboon ne waan wochiyeete; babbereꞌi, ne getoon qajjiyeete.

Iyoobi 39:12

Ne waan wotte waaree, ne maayoon buchi xaaꞌooch bi daammemmoyich, biin gibenenne?

Shoddo 50:7

“Ta ashoocho, waayebe; ta neech getona; Israꞌeelo, ne toommooch miixebona; ta, ne Nuggishoo Yeeri taane.

Keyo 31:12

Aroochee Doono Yeeri Muusich ishichiye:

Keyo 31:16

Israꞌeeleenaꞌo gubbi boonoshi shiijjereenaꞌo bulliich beddaahaa, bulli yemeenee wogoon tuniiree shambetoon quyebeete.

Keyo 34:21

“Shiritte qemi daggooch ne shuunemmi shuunoon shuunebe. Tunebaani shabaattinnee qemooba kashebe. Goyee yarimmoonaa maayi qecci gooroona bi tunetaanoona kashebe.

Keyo 35:2

Shiritte qemon shuunoon shuunemmo ittoshine; tunebaani shabaattinnee qemo, kashe ittoshi heechemmi, Doono Yeeri taach yaafeeti shambetoone; arooba shuunoon shuunemmo koniyoona qitibe.

Shaahiyoo 28:4

Sheeroon qajjiibeeti asheenaꞌo gondeenaꞌon naadiyeete; tunebaani sheeroon quyee beetinaꞌo gondeenaꞌon shixxiyeete.

Isiyaasi 58:13

Doono Yeeri ishichiye: “Shambetee doyoon shaaddoochee ittoshi baatoon ittoshi wochigaata, yaafeeti aabooba ittoshin emirikkii beeton tuniyoochee ittoshi wottegaata, shambetoon emirikkito, Doono Yeerich yaafeeti aaboon oogoo ittoshi getigaata, ittoshi kaatta hamon qajjiꞌi ittoshi oogiigaata, ittoshin emirikkii beeton qaawoo ittoshi qayigaata, duube yibbaatoon ittoshi qayigaata,

Erimiyaasi 17:24

Taachon ittoshi waayegaata, iye Doono Yeeri, shambetooba hini katemee kelloona shaagoon deebo ittoshi qayigaata, shambetee aaboon yaafeeto tuniiꞌi ittoshi quyegaata, shambetooba shuunoo bullin shuuno ittoshi qayigaata,

Erimiyaasi 17:27

Tunebaani shambetee aabo yaafeeto tuniitaa bi quyeyemmoyich, shambetee aabooba shaagoon shaagiree ittoshi giyaachemmoyich ta getteton waayo ittoshi qayigaata, Yerusaalemi katemee kelleenaꞌooch qaaqqoon tuchemmo taane; qaaqqoo Yerusaalemi taatee kexinaꞌon maayemmone; tahishoo getaachemmone” itone’ gete” iye.

Erimiyaasi 42:19

“Yihudee cureenaꞌote, Doono Yeeri ittoshin ‘Gibits hammaahote’ itone; hanaach ittoshich kupphiyaꞌa ta geton xiishi ariibote.

Hiziqeeli 20:13

“ ‘Tunebaani Israꞌeelee macceenaꞌo barahoochaa ta toommooch tiyiyeete; asho bi ceechigaata kashoona bi beeyemmi ta qociyoona beemon qajjiyeete; ta getoonoo hamaaneenaꞌone; ta shambetoonoo ciroona eeꞌiiheete. Ebiyooba boonoshin aalliyoyich, ta kaaroon barahoochaa boonoshi toommooch kindiiya gabiyoye.

Amootsi 8:5

Ittoshiyoo “No maayoon no kemmemmoyich, agenee keyi baaroo besheshoo geta! Teepphoon wochinnoon no kemmemmoyich shambetoo besheshoo geta! Ebi aabo beshemmo gaata, munne kobbayona maayoon qeelle aaxxii kemibee, koote machoona asheenaꞌon dachesho noone.

Mikiyaasi 6:3

Doono Yeeri ishichiye: “Ta asheenaꞌote, ittoshich amooniye ta hallito? Amoonane ittoshin ta taahiito? Eke wochibote!

Mishiraachechinaꞌo 2:40

Meeti bare qaaroona boonoshich miixeebee, “Hini xumme shiijjeree toommooch woyemmi naxoochee ittoshi qelloon wodiibote” iꞌi ciicciye.

Mishiraachechinaꞌo 20:21

Ayihudeenaꞌonaa Giriikee asheenaꞌonon ‘Axaaxee gommoochee Yeer waan wotteree ittoshi mulloon no Doono Yesuus Kiristoosi toommooch toꞌiibote’ iyaꞌa manjii getteto taane.

Galaati 5:3

Dokireyoon qaawii beetinaꞌo bulli, sheeroo bullin ceechoo boonoshich qaawii beeto bi tunoon boonoshi ikkikkoyich daakkaa manjiiꞌa gettoye.

Efesooni 4:17

Illa Aageteenaꞌo duubeti gaboona boonoshi beemoommon, ebiyee bekk ittoshiyoo ebiyoommon duubeti gaboona ittoshi beetaachemmoyich Doono Yesuusina ittoshin manjii ciiccaabeeto taane.

Yibbaatoo 8:19

“Ittoshi Nuggishoo Doono Yeerin batteꞌi, goyinne maddeya bare nuggisheenaꞌo waan ittoshi wottegaata, ciroona aallemmo ittoshi tunoon ta hanaach ittoshich xiishaa gettaabeeto taane.

1 Tasaloonqi 4:6

wotta shiichaꞌa ittoshich manjii gettaa no shalligichitoommon, ebi mooyo bullin Doono Yeeri wochi gaaccemmo bi tunetoyich, koniyoona ebi mooyon shaaddaaye; biinoommi bi manoonoo xuqqaaye.