Nehimi 12:43 - Kafa Linguistics Project

⁴³ Yeeri oogichiꞌi boonoshin bi emirikkitoyich, aroobee aabooch meeti deejjoon deejjiyeete; oogichiꞌinoo emiriyeete; maacheenaꞌonaa bushiisheenaꞌonoo emiriyeete. Ebina Yerusaalemi emiree qaaro wohooch beddaahaa waayeehe.

Nehimi 12:43 ပူးပေါင်းရင်းမြစ်များ

2 Kiinoo 20:13

Yihudee asheenaꞌo bulli boonoshi mecheenaꞌona, boonoshi bushiisheenaꞌonaa gaggereenaꞌona tookkii Doono Yeeri aafooch neexee beeheete.

2 Kiinoo 20:27

Aroochee Yihudee asheenaꞌo bullinaa Yerusaalemi asheenaꞌo bullina Yoshafaaxin shiichiiꞌi, Doono Yeeri boonoshi etteenaꞌon koyi boonoshi wochemmoyich bi tuniitoyich, emiroona wotteꞌi Yerusaalem hammiyeete.

2 Kiinoo 7:10

Shabaattinnee agenee hiyaa keejjinnee qemooba, taatoo asheenaꞌon boonoshi kexi kexooch daachiihe. Doono Yeeri Daawitich, Solomooninaa bi asheenaꞌo tuneti Israꞌeeleenaꞌonoyich bi tuniiti deꞌe mooyoyich oogichii emiriibee hammiyeete.

Iziri 3:13

Asheenaꞌo qaaro oogichiꞌi bi dullitoyich, emiroona ililii beetinaꞌochi qaaroon eeppii beetinaꞌochoyee bariyoon hakkito koniyoona aalloone; qaaroo wohoochaa waayee beehe.

Nehimi 12:27

Yerusaalemi uxeroo diireehooba, uxeree diiree baaroon galletee shoddoona, qaaxilloona, ooge ximboonaa gishiishi ximboona, emiroona boonoshi baaremmoyich, Leweenaꞌo boonoshi beeti beeto bulliichee Yerusaalem boonoshi woyemmoyich ceekkeheete.

Nehimi 12:42

wotta Maseyaahi, Shemayaahi, Elazaari, Uuzi, Yehohanaani, Malikiyi, Elaaminaa Ezeerina boonoshi xaaꞌoon yechiyeete. Arooba Yezerayi boonoshin yaabaa, shoddechinaꞌo qaaroon oogichiꞌi shoddeheete.

Iyoobi 34:29

Asho tuneba aagetoo, Yeeri cikkii qayigaata, biin ittibatemmo konine? Bi qelloon bi aachigaata, biin beeggemmo konine?

Shoddo 27:6

And illa, ta guudoona beeti ta etteenaꞌo toommooch, ta qettimixo qaallemmone; ililibee bi duukkaanoochaa deejjoon deejjemmo taane; Doono Yeerich shodde biin galletemmo taane.

Shoddo 28:7

Doono Yeeri ta hakkoonaa ta gaachoonane; ta mullo biin gibenehe; biinna gaacheehoye; ta mullo emiriye; shoddoona biin galletehoye.

Shoddo 9:2

Neenna emiri wucwuccemmo taane; Beshoo Yeero, ne shigoyich galletee shoddoon shoddemmo taane.

Shoddo 92:4

Doono Yeero, ebiyoo ne shuunoona taan ne emirikkitoyichiye; ne kishee shuunoyich emiroona shoddemmo taane.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Erimiyaasi 31:13

Aroochee gidiideenaꞌo emiroona duuttemminaꞌone; gurimaasheenaꞌo, geeneenaꞌoo boonoshichoommon emiremminaꞌone; boonoshi eefon emirooch wochemmo taane; boonoshin goggiyemmo taane; boonoshi ayinoon emiroona shaddemmo taane.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Haddoo 10:10

Wotta ittoshi emiree aabooba, ittoshi baari baarooba, agenee keyi baarooba, micciibeeti deejjoonaa ikkittinee deejjoonon ittoshi giddiihooba tiroon hugote. Eboshiyoo Doono Yeeri ta aafoochaa ittoshi shalligeyemmoyich tuniyemminaꞌone; ta, ittoshi Nuggishoo Doono Yeeri taane” iye.

Maatiyoosi 21:15

Tunebaani qeeshee ukkireenaꞌonaa Muusichi Sheeree dojjechinaꞌona Yesuusi tuniiti worganikkiti mooyonaa yaafee kexoochaa “Hosaana! Daawitichi Bushoyich oogo tunebe” iibee cookiibeeti bushiisheenaꞌonon beeggiꞌi ippeheete.

Maatiyoosi 21:9

Aaf shiichii beetinaꞌonaa gubb dabbii beetinaꞌona, “Hosaana! Daawitichi Bushoyich oogo tunebe! Doonochi shigoona waabeeto diireebe! Hosaana! Shimaajji shimaayooch beeti Yeeri galleteebe!” iibee cookeeheete.

Yowannisi 16:22

Illa ittoshi and ayiniibeeto ittoshine; tunebaani wochinnoon ittoshin beeggemmo taane; arooba emiroona wucwuccemmo ittoshine; ittoshi emiroonoo boggemmo aalloone.

Efesooni 5:19

Shoddoonaa naadoona, Ayaanee shoddoonoo ittoshinaa ittoshina yibbaatebote; Doono Yeerich ittoshi mulloona shoddebote.

Yaaqobi 5:13

Ittoshi daggoochee koniyoona iritoo bi toommooch shaggito bi beegaata, corootibe. Emiriibeeto koniyoona bi beegaata, galletee shoddoon shoddebe.

1 Saameeli 4:5

Doono Yeerichi wogee taabooto boonoshi beetooch bi shaggimmona, Israꞌeeleenaꞌo bulli oogichiꞌi ililiyeete; showoo shuuriye.